మార్కెట్లోకి Gorilla Glass 6, ఫోన్ 15 సార్లు క్రింద పడినా పగలదు!

ప్రముఖ గ్లాస్ తయారీ కంపెనీ కార్నింగ్, గొరిల్లా గ్లాస్ 6 పేరుతో సరికొత్త మొబైల్ గ్లాస్‌ను మార్కెట్లో లాంచ్ చేసింది. గొరిల్లా గ్లాస్ 5కు అప్‌డేటెడ్ వెర్షన్‌గా మార్కెట్లో లాంచ్ అయిన గొరిల్లా గ్లాస్ 6 మునుపటి మోడల్‌తో పోలిస్తే రెండు రెట్ల ధృడత్వాన్ని కలిగి ఉంటుంది. పూర్తిగా కొత్త మెటీరియల్‌తో తయారు కాబడిన గొరిల్లా గ్లాస్ 6 మల్టిపుల్ డ్రాప్స్ నుంచి ఫోన్ డిస్‌ప్లేలను రక్షించగలుగుతుంది. ఈ సరికొత్త గ్లాస్ ప్యానల్‌ను తొలిగా ఏ స్మార్ట్‌ఫోన్ ద్వారా మార్కెట్లో లాంచ్ చేయబోతున్నారనేదాని పై కంపెనీ ఎటువంటి సమాచారాన్ని రివీల్ చేయలేదు. ఇంటర్నెట్‌లో హల్‌చల్ చేస్తోన్న పలు రిపోర్ట్స్ ప్రకారం ఆగష్టు 9న లాంచ్ కాబోతోన్న నెక్స్ట్ జనరేషన్ గెలాక్సీ నోట్ డివైస్ ద్వారా గొరిల్లా గ్లాస్ 6 మార్కెట్లోకి రాబోతున్నట్లు తెలుస్తోంది.

సరికొత్త గ్లాస్ కాంపోజిషన్‌తో...
విడుదలకు ముందు నిర్వహించిన అన్ని ల్యాబ్ టెస్టులను గొరిల్లా గ్లాస్ 6 సమర్థవంతంగా ఎదుర్కొగలిగిందని కార్నింగ్ తెలిపింది. ఒక మీటర్ ఎత్తయిన ప్రదేశం నుంచి 15 కంటే ఎక్కువ సార్లు ఈ గాస్లును క్రింద పడేసినప్పటికి గొరిల్లా గ్లాస్ 5 కంటే మెరిగ్గే మెరుగ్గే స్పందించగలిగిందని కార్నింగ్ సంస్థ వెల్లడించింది. ఈ ఫ్రెష్ గొరిల్లా గ్లాసును తయారు చేసే క్రమంలో సరికొత్త గ్లాస్ కాంపోజిషన్‌ను వినియోగించినట్లు గొరిల్లా వెల్లడించింది.

100Mbps స్పీడుతో 3000జిబి డేటా ప్లాన్ గురించి తెలుసా ?
మోడ్రన్ డిజైన్ ట్రెండ్స్‌తో గొరిల్లా గ్లాస్ 6 మ్యాచ్ అయ్యే విధంగా...
గొరిల్లా గ్లాస్‌ 6ను కెమికల్‌గా బలోపేతం చేయటంతో గొరిల్లా గ్లాస్ 5 కంటే ఎక్కువ శాతం కంప్రెషన్‌ను కలిగి ఉందని కార్నింగ్ సంస్థల వైస్ ప్రెసిడెంట్ (టెక్నాలజీ అండ్ ప్రొడక్ట్ విభాగం) డాక్టర్ జేమిన్ అమిన్ తెలిపారు. ఈ కొత్త ప్యానల్ రూపకల్పనలో భాగంగా వినియోగించిన గ్లాస్ ఇంకా స్పెషాలిటీ మెటీరియల్స్ గొరిల్లా గ్లాస్ 6ను మరింత డ్యామేజ్ రెసిస్టెంట్‌గా మార్చగలిగాయని ఆయన తెలిపారు. మోడ్రన్ డిజైన్ ట్రెండ్స్‌తో గొరిల్లా గ్లాస్ 6 మ్యాచ్ అయ్యే విధంగా ఆప్టికల్ క్లారిటీ, టచ్ సెన్సిటివిటీ, స్ర్కాచ్ రెసిస్టెన్స్, ఎఫీషియంట్ వైర్‌లెస్ ఛార్జింగ్, ఎన్‌హాన్సుడ్ డ్యూరబులిటీ వంటి ఫీచర్లతో ఆప్టిమైజ్ చేసినట్లు కంపెనీ చెబుతోంది.
గొరిల్లా గ్లాస్ 6తో పాటు గొరిల్లా గ్లాస్ డీఎక్స్, గొరిల్లా గ్లాస్ డీఎక్స్ +...
కార్నింగ్ సంస్థ తన ప్రొడక్ట్ పోర్టిఫోలియోను మరింతగా విస్తరించుకునే క్రమంలో గొరిల్లా గ్లాస్ 6తో పాటు గొరిల్లా గ్లాస్ డీఎక్స్, గొరిల్లా గ్లాస్ డీఎక్స్ + వంటి కఠినమైన సొల్యూషన్స్‌ను విడుదల చేసింది. ప్రత్యేకించి వేరబుల్స్ కోసం డిజైన్ చేయబడిన ఈ కొత్త లైన్ గ్లాస్ ప్రొటెక్షన్ వ్యవస్థలు స్టాండర్డ్ గ్లాస్ తో కంపేర్ చేసి చూసినట్లయితే 75 శాతం మెరుగుపరచబడిన ఫ్రంట్ సర్ ఫేస్ రిఫ్లెక్షన్ ను ఆఫర్ చేయగలుగుతాయట. ఈ కొత్త గ్లాస్ ప్యానల్స్ అదే బ్రైట్నెస్ లెవల్స్‌‌ను మెయింటేన్ చేస్తూ డిస్ ప్లే కాంట్రాస్ట్ రేషియోను 50శాతం వరకు పెంచగలుగుతాయట.