వామ్మో.. ఒక్కరోజులో 40 కోట్ల ఆదాయమా..?

By Hazarath

Published: Saturday, January 30, 2016, 12:03 [IST]

జుకర్ బర్గ్ ఆస్తి జూమ్ జూమ్ అంటూ దూసుకుపోతోంది. అది అలా ఇలా కాదు. ఏకంగా ఒక్క రోజులోనే 40 వేల కోట్ల రూపాయలు పెరిగింది. దానికి కారణం స్టాక్ మార్కెట్. మార్కెట్లో ఫేస్ బుక్ షేరు దర 13 శాతం పెరగటంతో ఈ సోషల్ మీడియా దిగ్గజం ఫేస్ బుక్ సీఈవో ఆస్తి ఆమాంతం పెరిగింది. పెరిగిన సంపదతో జుకర్‌బర్గ్ టాప్‌టెన్ లో చోటు సంపాదించారు.

కూతురు పుట్టిన ఆనందంలో

కూతురు పుట్టిన ఆనందంలో ఈ మధ్య తన ఆస్తిలో చాలాబాగాన్ని దానం చేసిన సోషల్ మీడియా దిగ్గజం, ఫేస్‌బుక్ సహ వ్యవస్థాపకుడు, సీఈవో మార్క్ జుకర్‌బర్గ్ సంపద ఒక్క రోజులోనే దాదాపు 40 వేల కోట్ల రూపాయలు పెరిగింది.

ఫేస్‌బుక్ కంపెనీ షేర్ల విలువ 13 శాతం పెరగడంతో

ఫేస్‌బుక్ కంపెనీ షేర్ల విలువ 13 శాతం పెరగడంతో ఆయన సంపద విలువ అమాంతం పెరిగిపోయింది. దీంతో ప్రపంచ ధనవంతుల జాబితాలో జూకర్‌బర్గ్.. ఆయిల్ మేగ్నట్స్ చార్లెస్, డేవిడ్ కోచ్‌లను వెనక్కినెట్టి ఆరో స్థానానికి దూసుకెళ్లారు.

జాకర్‌బర్గ్ ఆస్తి విలువ 3.22 లక్షల కోట్ల రూపాయలకు

కంపెనీ నాలుగో త్రైమాసిక అమ్మకాలు 52 శాతం పెరిగినట్టు ఫేస్‌బుక్ వెల్లడించింది. తాజాగా పెరిగిన సంపదతో కలిపి జాకర్‌బర్గ్ ఆస్తి విలువ 3.22 లక్షల కోట్ల రూపాయలకు చేరుకుంది.