ఫేస్‌బుక్ పెద్ద ప్రమాదంలో పడబోతోందా..?

1

2015 సంవత్సరం మధ్యకాలం నుంచి ఫేస్‌బుక్ తన ప్రాభవాన్ని కోల్పోతోంది. దీంతో కంపెనీ యాజమాన్యం ఆందోళన వ్యక్తం చేస్తోంది. ఈ మేరకు ఫేస్‌బుక్ ఉన్నత ఉద్యోగులతో సీఈవో మార్క్ జుకర్ బర్గ్ మంతనాలు జరుపుతున్నట్టు సమాచారం.

2

ఫేస్‌బుక్ యాజమాన్యం అంతగా కలత చెందడానికి కారణం ఏంటని ఆరాతీస్తే ఫేస్‌బుక్ యూజర్ల వ్యక్తిగత సమాచార పోస్టులు క్రమేపీ తగ్గుతున్నాయట. ఫలితంగా ఫేస్‌బుక్ యూజర్లను ప్రతి ఏటా కోల్పోతున్నామని ఆందోళన చెందుతోంది.

3

ఇంతకుమునుపు ఫేస్‌బుక్ మనకు పాత స్నేహితుడిలా ఉంటూ, వ్యక్తిగత జీవితం గురించి ఏమైనా షేర్ చేసుకునే అవకాశం కల్పించింది. అయితే ఈ మధ్య కాలంలోఆ ట్రెండ్ కాస్తా మారింది.

4

వ్యక్తిగత సమాచారం ఎక్కువగా ఫేస్‌బుక్ లో కనిపించట్లేదు. షేరింగ్ లు తక్కువ అవుతున్నాయి. పెళ్లివేడుకలు, పిల్లల పుట్టినరోజులకు సంబంధించిన ఫోటోలు, వీడియోలు, ఇంకా ప్రజలకు అందుబాటులో ఉన్న ఆర్టికల్స్ అన్నీ కూడా ఏడాదికి 5 శాతం తగ్గుతూ ఉన్నాయి.

5

అదేవిధంగా వ్యక్తిగత సమాచారం కూడా 21 శాతం తగ్గుతోంది. ప్రజలు ఫేస్ బుక్ టన్నుల సమాచారం షేర్ చేస్తున్నారని, కానీ మొత్తంగా చూస్తే అదంత ఎక్కువ సమాచారం కాదని ఫేస్‌బుక్ అధికారికంగా తెలుపుతోంది.

6

సోషల్ నెట్ వర్క్ సైట్లలోనే వ్యక్తిగత సమాచారం షేరింగ్ తగ్గుతోందని తెలిపింది. దీనిపై ఫేస్‌బుక్ చీఫ్ ఎగ్జిక్యూటివ్ మార్క్ జుకర్ బర్గ్ ఉద్యోగులతో చర్చించినట్టు సమాచారం. 'కంటెంట్ పరంగా పతనం' ప్రధానమైన అంశంగా ఫేస్ బుక్ ఉద్యోగులు దీనిపై విశ్లేషించనున్నారు.

7

పరిమితులు లేని యూజర్లు ఇంటర్ నెట్ వినియోగదారులుగా ఉండటం, సన్నిహితం కాని వారికి కూడా ఇది ఉద్దేశించడటంతో కంటెంట్ పరంగా పతనమవుతోందని భావిస్తున్నారు.

8

వ్యక్తిగత సమాచార షేరింగ్ ఇప్పుడే ఫేస్‌బుక్ పై ప్రభావం చూపదని, కానీ ఇది ఇలాగే కొనసాగటం మంచిది కాదని విశ్లేషకులంటున్నారు.ఇది ఇలాగే కొనసాగితే రాను రాను ఫేస్‌బుక్ పతనం కాక తప్పదని పలువురు చెబుతున్నారు.

9

మరి ఇది నిజంగానే జరిగితే ఫేస్‌బుక్ పెద్ద ప్రమాదంలో పడినట్లే. ఏం జరుగుతుందో ముందు ముందు చూడాలి.

10

టెక్నాలజీ గురించి లేటెస్ట్ అప్‌డేట్స్ ఇక్కడ క్లిక్ చేపి పొందగలరు.