నచ్చకపోతే 24 గంటల్లో డబ్బు వాపస్

Published: Tuesday, September 1, 2015, 19:39 [IST]

తమ వద్ద కొనుగోలు చేసిన వస్తువులను వివిధ కారణాల రిత్యా తిరిగిన పంపిన ఆన్‌లైన్ షాపర్లకు 24 గంటల్లో ఆ నగదును రీఫండ్ చేసే ప్రక్రియను ఈ-కామర్స్ దిగ్గజం ఫ్లిప్‌కార్ట్ అందుబాటులోకి తీసుకువచ్చింది. గతంలో నగదు రీఫండింగ్ ప్రక్రియకు 3 రోజుల నుంచి 5 పని రోజులు సమయం పట్టేది. ఇమీడియట్ పేమెంట్ సిస్టమ్స్ ట్రాన్స్‌ఫర్స్ విధానం ద్వారా ఈ తక్షణ రీఫండ్ ప్రక్రియ పూర్తవుతుందని కంపెనీ ఒక ప్రకటనలో వెల్లడించింది. ఈకామర్స్ వ్యాపారం రోజురోజుకు జోరందుకోవటంతో వినియోగదారులకు మరింత చేరువయ్యేందుకు ఫ్లిప్‌కార్ట్ ఈ నిర్ణయం తీసుకున్నట్లు తెలుస్తోంది.

ఇటీవల కాలంలో ఆన్‌లైన్ వ్యాపార సంస్థలు అందించే వస్తువుల నాణ్యత, ధరల విషయంలో వినియోగదారుల నుంచి ఫిర్యాదులు వెల్లువెత్తుతున్నాయి. ఈ నేపథ్యంలో వస్తువును అందుకున్నాకే గనదు చెల్లించే (క్యాష్ ఆన్ డెలివరీ) పద్ధతిలో ఆర్డరు చేసిన వారు, ఆ వస్తువు నచ్చక, వెనక్కి పంపితే ఫ్లిప్‌కార్ట్‌కు చేరగానే నగదు వాపసు పొందవచ్చు.