2013...గూగుల్ మెగా ఈవెంట్ వివరాలు!

Posted By: Staff

2013...గూగుల్ మెగా ఈవెంట్ వివరాలు!

 

సెర్చ్ ఇంజన్ దిగ్గజం గూగుల్ ఏటా ప్రతిష్టాత్మకంగా నిర్వహించే  ‘గూగుల్  ఐ/వో’(Google I/O) డెవలపర్ సదస్సుకు సంబంధించి తాజా షెడ్యూల్ విడుదలైంది. 2013కుగాను  మే15 నుంచి 17 వరకు ఈ సదస్సును నిర్వహిస్తున్నట్లు గూగుల్ వర్గాలు ప్రకటించాయి. ఈ కార్యక్రమంలో గూగుల్ తన కొత్త వర్షన్ వోఎస్ ఆండ్రాయిడ్ 5.0 (కీ లైమ్ పీ)తో పాటు భవిష్యత్ ఉత్పత్తులను ప్రదర్శించనుంది.  ఈ కార్యక్రమానికి సంబంధించి రిజిస్ట్రేషన్ ప్రక్రియను కొత్త ఏడాది ఆరంభంలోనే ప్రారంభించ నున్నట్లు గూగుల్ పేర్కొంది. 2012ఎడిషన్ గూగుల్ ఐ/వో సదస్సులో భాగంగా  ఆండ్రాయిడ్ జెల్లీబీన్ వోఎస్, నెక్సస్ 7 టాబ్లెట్, కూల్ ప్రాజెక్ట్ గ్లాస్ ప్రోటోటైప్ వంటి కొత్త ఆవిష్కరణలను గూగుల్ చేపట్టింది.

టాప్-10 ఆండ్రాయిడ్ స్మార్ట్‌ఫోన్స్ (మీకు నచ్చిన ధరల్లో)!

గూగుల్ ఆండ్రాయిడ్ వోఎస్‌లు: ఐస్‌క్రీమ్ నుంచి కప్‌కేక్ వరకు...

ఆండ్రాయిడ్ ఐస్‌క్రీమ్ శాండ్విచ్ ఆపరేటింగ్ సిస్టం:

హనీకూంబ్‌ వర్షన్‌కు ఫాలో‌అప్ వర్షన్‌గా రూపుదిద్దుకన్న ఐస్‌క్రీమ్ శాండ్విచ్ ప్లాట్‌ఫామ్‌ను 2011 మేలో ప్రకటించారు. డిసెంబర్ 2011నుంచి ఈ ఫ్లాట్ ఫామ్ అందుబాటులోకి వచ్చింది. సామ్‌సాంగ్ గెలాక్సీ నెక్సస్, మోటరోలా జూమ్ అలానే అసస్ ట్రాన్స్ ఫార్మర్ ప్రైమ్‌లు ముందుగా ఈ వోఎస్‌తో స్పందించాయి. సామ్‌సంగ్ నెక్సస్ ఎస్ తొలిగా ఈ అప్‌గ్రేడ్‌ను అందుకుంది.

ఆండ్రాయిడ్ 3.ఎక్స్- హనీ‌కూంబ్:

ఆండ్రాయిడ్ హనీకూంబ్ 3.ఎక్స్ వర్షన్ ఆపరేటింగ్ సిస్టం ఫిబ్రవరి 2011లో ఆరంగ్రేటం చేసింది. ఈ వోఎస్ ఆధారితంగా స్పందించిన తొలి డివైజ్ ‘మోటరోలా జూమ్’. జీమెయిల్ అప్లికేషన్, టాక్ అప్లికేషన్ వంటి కొత్త అప్‌డేట్‌లు ఈ వోఎస్‌కు జత అయ్యాయి. 3డి రెండరింగ్ ఇంకా హార్డ్‌వేర్ యాక్సిలరేషన్ వ్యవస్థల మెరుగుపరచబడ్డాయి.

ఆండ్రాయిడ్ 2.3- 2.4 జింజర్‌బ్రెడ్ ఆపరేటింగ్ సిస్టం:

ఆండ్రాయిడ్ కుటుంబం నుంచి ఈ కొత్త వర్షన్ ప్లాట్‌ఫామ్ డిసెంబర్ 2010లో విడుదలైంది. ఈ వోఎస్‌లో మెరుగుపరచబడిన యూజర్ ఇంటర్‌ఫేస్ కొత్త అనుభూతులకు‌ లోనుచేస్తుంది. ఈ ప్లాట్‌ఫామ్‌ను మరింత అప్‌గ్రేడ్ చేయటంతో నియర్ ఫీల్డ్ కమ్యూనికేషన్ (ఎన్ఎఫ్‌సీ), ఎస్ఐఫి (ఇంటర్నెట్ కాలింగ్) వంటి ఆధునిక ఫీచర్లను సపోర్ట్ చేస్తుంది.

ఆండ్రాయిడ్ 2.2 ఫ్రోయో:

ఆండ్రాయిడ్ 2.2 ఫ్రోయో వర్షన్ ఆపరేటింగ్ సిస్టంను 2010 మేలో ప్రకటించారు. ఈ వోఎస్‌లో పొందుపరిచిన జస్ట్-ఇన్-టైమ్ కంపైలర్ వ్యవస్థ ఫోన్ ప్రాసెసింగ్ వేగాన్నిరెట్టింపు చేస్తుంది. 10.1 ఆడోబ్ ఫ్లాష్‌ను సైతం ఈ ప్లాట్ ఫామ్ సపోర్ట్ చేస్తుంది.

ఆండ్రాయిడ్ 2.0/2.01/2.1- ఎక్లెయిర్:

ఆండ్రాయిడ్ 2.0 ఎక్లెయిర్ వర్షన్ ఆపరేటింగ్ సిస్టంను 2009లో ప్రవేశపెట్టారు. ఈ వోఎస్ ఆధారితంగా స్పందించిన తొలి స్మార్ట్‌ఫోన్ మోటరోలా డ్రాయిడ్. బ్రౌజర్ , గూగుల్ మ్యాప్స్, యూజర్ ఇంటర్‌ఫేస్ వంటి అంశాలను ఈ వోఎస్‌లో మరింత మెరుగుపరిచారు. కొద్ది కాలంలోనే ఆండ్రాయిడ్ 2.0 కాస్తా 2.0.1కు అప్‌గ్రేడ్ కాబడంది. 2010, జనవరిలో అందుబాటులోకి వచ్చిన ఆండ్రాయిడ్ 2.1 ఎక్లెయిర్ వర్షన్ ఆపరేటింగ్ సిస్టంను ముందుగా గూగుల్ నెక్సస్ వన్ పొందింది. సూపుడ్- అప్ యూజర్ ఇంటర్‌ఫేస్, 3డి-స్టైల్ గ్రాఫిక్స్ వంటి కొత్త ఫీచర్లను ఈ ప్లాట్‌ఫామ్ పరిచయం చేసింది.

ఆండ్రాయిడ్ 1.6 – డూనట్:

ఆండ్రాయిడ్ డూనట్ వర్షన్ వోఎస్ సెప్టంబర్ 2009లో విడుదలైంది. హై రిసల్యూషన్ టచ్ స్ర్కీన్స్, మెరుగైన కెమెరా ఆప్షన్స్, గ్యాలరీ సపోర్ట్ వంటి ప్రత్యేకతలు ఈ వోఎస్‌లో ఇమిడి ఉన్నాయి.

ఆండ్రాయిడ్ 1.5 – కప్ కేక్:

ఆండ్రాయిడ్ 1.5 కప్ కేక్ వర్షన్‌ను ఆండ్రాయిడ్ వోఎస్ మొదటి పెద్ద సవరణగా పేర్కొనవచ్చు. 2009లో విడుదలైన కప్ కేక్ వర్షన్ ప్లాట్‌ఫామ్‌లో బ్లూటూత్ ఇంకా క్యామ్ కార్డర్ ఫీచర్లను మెరుగుపరచిచారు. యూట్యూబ్, పికాసా వంటి అప్‌లోడెడ్ సర్వీస్ల‌ను కప్ కేక్ వర్షన్ అందుబాటులోకి తెచ్చింది. హెచ్‌టీసీ హిరో, హెచ్‌టీసీ ఇరిస్, సామ్‌సంగ్ మూమెంట్, మోటరోలా క్లిక్ తదితర డివైజ్‌లు ఈ వోఎస్‌తో తమ ఉనికిని చాటుకున్నాయి.

స్మార్ట్‌ఫోన్‍‌కు ఇదే రైట్ టైమ్… టాప్-5 విండోస్ ఫోన్స్!

Please Wait while comments are loading...
Opinion Poll

Social Counting