Google TV మరియు ఆండ్రాయిడ్ టీవీ లలో ఏది బెస్ట్ ? ఎందుకు ...చదవండి

| Published: Tuesday, December 22, 2020, 12:40 [IST]

ప్రజలు ప్రతి ఒక్కరు రోజంతా తమ పనులను చూసుకొని ఇంటికి వెళ్లిన తరువాత రిలాక్స్ అవ్వడానికి చేసే మొదటి పని టీవీని చూడడం. ముందు తరం నుండి రకరకాల టీవీలు అందుటులోకి వచ్చాయి. ప్రజలు కాలానికి అనుగుణంగా అప్ డేట్ అవుతూ వస్తున్నారు. ప్రస్తుతం స్మార్ట్ యుగంలోకి అడుగు పెట్టడంతో స్మార్ట్ టీవీలు అందుబాటులోకి వచ్చాయి. ఈ స్మార్ట్ టీవీలలో కూడా చాలా రకాలు ఉన్నాయి. వాటిలో ముందుగా విడుదల అయిన ఆండ్రాయిడ్ టీవీ మరియు కొత్తగా విడుదల అయిన గూగుల్ టీవీల మధ్య గల వ్యత్యాసాల గురించి తెలుసుకోవడానికి ముందుకు చదవండి.

గూగుల్ టీవీ VS ఆండ్రాయిడ్ టీవీ

ప్రస్తుతం ప్రతి ఒక్కరు ఎల్లప్పుడూ కొత్త కొత్త ఫీచర్లను అప్ డేట్ చేసుకోవాలి అని చూస్తున్నారు. అటువంటి వారి కోసం ఆండ్రాయిడ్ టీవీ తరువాత ఇప్పుడు గూగుల్ టీవీ క్రొత్తగా అందుబాటులోకి రావడం జరిగింది. గూగుల్ టీవీ అనేది స్మార్ట్ టీవీ యొక్క మరొక ఆపరేటింగ్ సిస్టమ్ కాదు కానీ దాని యొక్క సరికొత్త అప్ డేట్ వెర్షన్. ఆండ్రాయిడ్ టీవీ అనేది స్మార్ట్ టీవీలు, మీడియా స్టిక్స్, సెట్-టాప్-బాక్స్‌లు మరియు ఇతర డివైస్ల కోసం గూగుల్ నిర్మించిన ఆపరేటింగ్ సిస్టమ్. ఆండ్రాయిడ్ టీవీ యొక్క సాఫ్ట్‌వేర్ పొడిగింపుగా గూగుల్ టీవీని పరిగణించవచ్చు.

గూగుల్ టీవీ భిన్నంగా ఎలా ఉంటుంది?

Google TV అనేది మీ యొక్క UI యాప్ లు మరియు సబ్స్క్రిప్షన్ లలో మీ వీక్షణ ఎంపికలను ట్రాక్ చేయడాన్ని లక్ష్యంగా పెట్టుకుంది. అలాగే మీరు చూడాలనుకుంటున్నదాన్ని సెర్చ్ చేయడంలో కూడా మీకు సహాయపడుతుంది. అయితే ఇది ప్రత్యేక కంటెంట్ స్ట్రీమింగ్ ప్లాట్‌ఫాం కాదు. ఉదాహరణకు మీరు హర్రర్ సినిమాను చూడాలనుకుంటే "ఫైండ్ హర్రర్ మూవీస్" ను గూగుల్‌ను అడగడానికి వాయిస్‌ను ఉపయోగించవచ్చు. లేదా గూగుల్ టివిలో మీరు డౌన్‌లోడ్ చేసిన అన్ని యాప్ లు మరియు మీ వద్ద ఉన్న సబ్స్క్రిప్షన్ లలో అన్ని హర్రర్ చలనచిత్రాలను కనుగొంటాయి. ఇది ప్రతి స్ట్రీమింగ్ యాప్ ని మీరు ఒక్కొక్కటిగా తెరవవలసిన అవసరం లేదు. అలాగే మీరు చూడాలనుకుంటున్న ఒక నిర్దిష్ట సినిమా చేర్చబడిందా లేదా అని చూడటం వలన ఇది సమయాన్ని ఆదా చేస్తుంది. గూగుల్ టీవీ డిస్నీ +, ఫ్రాన్స్.టీవీ, HBO మాక్స్, నెట్‌ఫ్లిక్స్, పీకాక్, రకుటేన్ వికీ మరియు యూట్యూబ్ వంటి యాప్ లతో కలిసి పనిచేస్తుంది. అయితే ముందు ముందు మరిన్ని ప్లాట్‌ఫారమ్‌లు చేర్చబడతాయని భావిస్తున్నారు.

గూగుల్ టీవీ అప్‌డేట్ ఎప్పుడు వస్తుంది?

ఆండ్రాయిడ్ ఓఎస్ వెర్షన్ విషయానికొస్తే ఆండ్రాయిడ్ టివి ఆండ్రాయిడ్ వెర్షన్ 9తో రన్ అవుతుంది. అయితే గూగుల్ టివి ఆండ్రాయిడ్ 10 పై ఆధారపడి రన్ అవుతుంది. కాబట్టి మీ స్మార్ట్ టివికి ఆండ్రాయిడ్ 10 అప్‌డేట్ లభిస్తే తప్ప మీకు గూగుల్ టివి లభించదు. గూగుల్ టీవీకి మద్దతిచ్చే ఏకైక డివైస్ క్రొత్త క్రోమ్‌కాస్ట్. ఇది గూగుల్ టీవీకి దృశ్యమానత పొందడానికి కొన్ని సంవత్సరాల సమయం పడుతుంది. 2021 లో లాంచ్ చేయబోయే కొత్త STBలు, స్మార్ట్ టివిలు గూగుల్ టివితో రావచ్చని గూగుల్ తెలిపింది. 2022 నాటికి గూగుల్ టీవీ ఇంటర్ఫేస్ ఉపయోగించి అన్ని స్మార్ట్ టీవీలను విడుదల చేయాలని గూగుల్ భావిస్తోంది. అయితే ఫైర్ టీవీ స్టిక్, ఎన్విడియా షీల్డ్ టీవీ మరియు ఇతర డివైస్ ల కోసం కొంచెం భిన్నంగా ఉండవచ్చు. అమెజాన్ మరియు ఎన్విడియా గూగుల్ టీవీ ఇంటర్‌ఫేస్‌ను స్వీకరించడానికి ఇష్టపడకపోవచ్చు.

గూగుల్ టీవీ యొక్క కీలకమైన USPలలోని ఫీచర్లలో ఒకటి మీ ఫోన్, పిసి లేదా గూగుల్ సెర్చ్ నుండే ఇతర డివైస్ల వాచ్‌లిస్ట్‌కు కంటెంట్‌ను జోడించగల సామర్థ్యంను కలిగి ఉండడం. గూగుల్ ప్లే మూవీస్ & టీవీ యాప్ ని భర్తీ చేసే కొత్త గూగుల్ టీవీ యాప్ మీ వాచ్‌లిస్ట్‌ను నిర్వహిస్తుంది. ఇదే కాకుండా సినిమాలను అద్దెకు ఇవ్వడానికి కూడా మిమ్మల్ని అనుమతిస్తుంది.