ఆ విషయంలో చైనా 15 ఏళ్ల నుంచి ఏడుస్తూనే ఉంది,ఇండియా నవ్వుతూనే ఉంది

#1

గత 15 ఏళ్ల నుంచి సొంతంగా తనకంటూ ఆపరేటింగ్ సిస్టంను రూపొందించుకోలేక చైనా ఇప్పటికీ నానా తంటాలు పడుతూనే ఉంది. ఈ విషయంలో ఎన్ని ప్రయత్నాలు చేసినా చైనా విజయం సాధించనే లేదు.

#2

ఓఎస్ టెక్నాలజీ విషయంలో ఇతర దేశాల మీధ ఆధారపడకుండా తనకు తానుగా సొంతంగా ఓ ఫ్లాట్ పాంను తయారు చేసుకునేందుకు ఇప్పటిదాకా చేసిన ప్రయత్నాలు ఏవీ విజయం సాధించలేదు..

#3

అయితే ఈ విషయంలో ఇండియా రెండేళ్ల క్రితమే విజయం సాధించింది. తనకంటూ ఓ సొంత ఓఎస్ ని రూపొందించుకుంది. దాని పేరే ఇండస్..ఇది రెండేళ్ల క్రితమే ఇండియా అమ్ములపొదినుంచి ఊపిరిపోసుకుంది.

#4

ఇప్పుడు భారత్లో మొబైల్ ఫోన్లు అత్యధికంగా వాడుకుంటున్న మొబైల్ బేస్డ్ ఆపరేటింగ్ సిస్టమ్లలో ఇండస్ ఓఎస్ రెండోస్థానంలో ఉంది. ఆల్ఫాబెట్ అండ్రాయిడ్ తర్వాత 6.3 శాతం మార్కెట్ వాటాతో రెండోస్థానంలో ఉంది.

#5

స్థానిక భారతీయ భాషలలో రూపొందిన ఈ ఓఎస్ 2015 సంవత్సరం ముగిసేనాటికి రెండోస్థానాన్ని ఆక్రమించి ఈ సంవత్సరం కూడా ఆ స్థానాన్ని నిలబెట్టుకుంది. ఈ వారమే విడుదలైన కౌంటర్ పాయింట్ రీసెర్చ్ నివేదిక ఈ వివరాలను వెల్లడించింది.

#6

ఇంకా ఆసక్తకిర అంశం ఏంటంటే షియోమి, ఎంఐయూఐ, సియానోజెన్ వంటి ఆండ్రాయిడ్ వెరియంట్లు కూడా ఇండస్ ఓఎస్ ను వాడుతున్నాయి.

#7

చైనా సొంతంగా ఓఎస్ రూపొందించుకునే క్రమంలో చైనా ఓఎస్ (సీఓఎస్), కిలిన్, రెడ్ ఫ్లాగ్, యున్ఓఎస్ వంటి ప్రయోగాలు చేసినప్పటికీ అవి అంతగా విజయవంతం కాలేదు. చైనా ప్రభుత్వం, పలు ప్రైవేటు కంపెనీలు ఈ విషయంలో ప్రోత్సాహం అందించినా అనుకున్న లక్ష్యాన్ని అది సాధించలేదు.

#8

2015లో వచ్చిన ఇండస్ ఓఎస్‌ను తొలిసారిగా వాడుకునేందుకు దేశీయ దిగ్గజం మైక్రోమ్యాక్స్ ముందుకు వచ్చింది. దీంతో ఈ ఓఎస్ కు ఒక్కసారిగా పాపులారిటీ పెరిగిపోయింది. టైపింగ్ సౌలభ్యకరంగా ఉండటం, టైపింగ్లో ప్రాంతీయ భాషల పదాల ప్రిడిక్షన్ సరిగ్గా ఉండటం ఈ ఓఎస్ కు బాగా కలిసివచ్చే అంశమయింది.

#9

ఇంకో ఆసక్తికర అంశం ఏంటంటే ఓఎస్ విషయంలో ఐఫోన్ ఆపరేటింట్ సిస్టమ్ అయిన ఐఓఎస్ ను ఈ ఇండస్ ఓఎస్ దేశీయంగా అధిగమించింది.

#10

ఇప్పుడు యాప్ బజార్ వంటి యాప్లతో మరిన్ని ఆర్థిక సేవలు అందించేందుకు ఈ ఓఎస్ సిద్ధమవుతోంది. ప్రధానమంత్రి నరేంద్రమోదీ పిలుపునిచ్చిన 'మేకిన్ ఇండియా'కు ఈ ఓఎస్ రూపకల్పన పెద్ద ఊతమిచ్చే అంశమని నిపుణులు చెప్తున్నారు.