కేక పుట్టిస్తున్న మైక్రోసాఫ్ట్ క్యాంపస్!!

| Updated: Thursday, July 18, 2013, 15:46 [IST]

వాషింగ్‌టన్ ప్రాంతంలోని రెడ్మండ్ ప్రాంగణం ఏర్పాటు చేసిన మైక్రోసాఫ్ట్ క్యాంపస్ ఆధునిక హంగులతో స్వాగతం పలుకుతోంది. ఈ క్యాంపస్‌లో ఏర్పాటు చేసిన ‘ద కామన్న్' (The Commons) షాపింగ్ మాల్ అబ్బురపరిచే సౌకర్యాలను సమకూరుస్తోంది. ఫుడ్ కోర్ట్స్, బ్యాంకింగ్ సౌకర్యం, గాడ్జెట్ షాపింగ్, మ్యూజిక్ షాప్, గేమింగ్, ఆర్గానిక్ హెయిర్ కటింగ్ సెలూన్, ఆప్టికల్ షోరూమ్, ఫుట్‌బాల్ గ్రౌండ్ వంటి అంశాలు ఆకట్టుకుంటున్నాయి. నేటి మన ఫోటోటూర్ శీర్సికలో భాగంగా రెడ్మండ్ ప్రాంగణంలో కొలువుతీరి ఉన్న మైక్రోసాఫ్ట్ క్యాంపస్ అందాలను మీకు పరిచయం చేస్తున్నాం.....

కేక పుట్టిస్తున్న మైక్రోసాఫ్ట్ క్యాంపస్!!

మైక్రోసాఫ్ట్ ఆఫీసులు!

ప్రపంచంలోని అతిపెద్ద సాఫ్ట్‌వేర్ సంస్థల్లో ‘మైక్రోసాఫ్ట్' ఒకటి. ఈ కంపెనీలో ఉద్యోగం సంపాదించటం కొందరికి జీవిత లక్ష్యం. 1975లో బిల్‌గేట్స్ ఇంకా పౌల్ అలెన్‌లు అమెరికాలోని రెడ్మాండ్ నగరంలో మైక్రోసాఫ్ట్ ప్రధాన కార్యాలయాన్ని ప్రారంభించారు. ఈ సంస్థ వివిధ రకాలైన కంప్యూటరు పరికరాలకు వివిధ రకాలయిన సాఫ్టువేర్ అభివృద్ది పరచడం, తయారు చేయడం, లైసెన్స్‌లు ఇవ్వడం ఇంకా సహకారం అందించడం చేస్తుంది.

మైక్రోసాఫ్ట్ వృద్ధి చేసిన సాఫ్ట్‌వేర్ ఉత్పత్తుల్లో మైక్రోసాఫ్ట్ విండోస్ ఆపరేటింగ్ సిస్టమ్ ఇంకా మైక్రోసాఫ్ట్‌ ఆఫీస్‌లు ప్రపంచవ్యాప్తంగా ప్రజాదరణను పొందాయి. ఇటీవల కాలంలో మైక్రోసాఫ్ట్ ‘విండోస్ 8' పేరుతో సరికొత్త మొబైల్ ఇంకా కంప్యూటింగ్ ఆపరేటింగ్ ప్లాట్‌ఫామ్‌ను అందుబాటులోకి తీసుకువచ్చింది. ఈ బహుళజాతీయ సాఫ్ల్‌వేర్ కంపెనీకి ప్రపంచవ్యాప్తంగా కార్యాలయాలు ఉన్నాయి. నేటి ఫోటో శీర్షికలో భాగంగా మైక్రోసాఫ్ట్ ఆఫీసుల చిత్రాలను మీముందుంచుతున్నాం.......