మొబైల్ యాప్ ద్వారా నందిని పాలు

బెంగుళూరు వాసులు ఇక పై మొబైల్ యాప్ ద్వారా నందిని పాలను ఆర్డర్ చేయవచ్చు. ప్రపంచ పాల దినోత్సవాన్ని పురస్కరించుకుని కర్ణాటకా కో-ఆపరేటింగ్ మిల్క్ ప్రొడ్యూసర్స్ ఫెడరేషన్ (కెఎమ్‌ఎఫ్) ఈ మొబైల్ యాప్‌ను విడుదల చేసింది. ఆన్‌లైన్ గ్రోసరీ పోర్టల్ బిగ్‌బాస్కెట్.కామ్ భాగస్వామ్యంతో కెఎమ్‌ఎఫ్ తమ పాల ఉత్పత్తులను నగరంలోని వినియోగదారుల డోర్ స్టెప్స్‌కు చేరవేస్తుంది.

(చదవండి: ఇంటర్నెట్ ఆఫ్ థింగ్స్: నవ శకానికి నాంది)

పాల ప్యాకెట్ల బుకింగ్ విషయంలో వినియోగదారులకు ఏ విధమైన షరతులను విధించటం లేదని కస్టమర్లు తమకు కావల్సినన్ని పాలను ఆర్డర్ చేసుకోవచ్చని కేఎమ్ఎఫ్ మేనేజింగ్ డైరెక్టర్ ఎస్ఎన్ జయరామ్ ఓ ప్రముఖ పత్రికకు తెలిపారు. మధ్యాహ్నం 12 గంటల లోపు తీసుకున్న ఆర్డర్‌లను అదే రోజు డెలివరీ చేసేస్తారు. మధ్యాహ్నం 12 గంటల దాటిన తరువాత సిబ్బంది వినియోగదారుల అనుకూలతలను బట్టి వాళ్లను పాలను డెలివరీ చేస్తారు.