కొత్త ఫోన్ : ఒక్కసారి ఛార్జింగ్ పెడితే 10 రోజులొస్తుందట

By Hazarath

Published: Monday, December 14, 2015, 18:34 [IST]

ఇంతవరకు మార్కెట్లోకి వచ్చిన ఫోన్లన్నీ మహా అంటే 2 రోజులు మూడు రోజులు ఛార్జింగ్ వచ్చేవి. అది ఎంత పేరున్న కంపెనీ ఫోన్ అయినా కాని రెండు మూడు రోజులు మించి ఎక్కువ చార్జింగ్ ఉండదు. అయితే ఇప్పుడు ఏకంగా 10 రోజులు ఛార్జింగ్ ఉండే ఫోన్ మార్కెట్లోకి దూసుకువస్తోంది. చైనాకు చెందిన ఓకిటెల్ 10000 ఎంఎహెచ్ బ్యాటరీతో 10 రోజుల పాటు ఛార్జింగ్ అవసరం లేని కొత్త స్మార్ట్ ఫోన్.. కే 10000ను విడుదల చేయనుంది.

ఈ ఫోన్ లో 1 జీహెచ్ మీడియా టెక్ ప్రాసెసర్, ఆండ్రాయిడ్ ఆపరేటింగ్ సిస్టం, 5.1 లాలీపాప్ వర్షన్ తో ఉంటాయని కంపెనీ తన వెబ్ సైట్ లో పేర్కొంది. డ్యూయెల్ సిమ్ ,5.5 అంగుళాల హెచ్ డీ డీస్ ప్లే,8 మెగా ఫిక్షల్ కెమెరా, అలాగే 2 మెగా పిక్షల్ సెల్పీ కెమెరా,2జీబి ర్యామ్ తో పాటు గొరిల్లా గ్లాస్, 4జీ సదుపాయం కూడా ఉంటుంది. ఈ ఫోన్ ధర 239,99 డాలర్లు. మన కరెన్సీలో చెప్పాలంటే 16 వేలు..ఈ ఫోన్ కి సంబంధించిన డిజైన్స్ ఓ సారి చూద్దాం.