రూ.50కే 1 జిబి : జియోలో అసలు ఈ ప్లాన్ లేనే లేదట

#1

జియో సిమ్ తీసుకున్న కష్టమర్లు చాలామంది ఇప్పుడు నిరాశకు గురి అవుతున్నారు. రూ .50 కే 1 జీబీ డేటా అని సంస్థ ప్రకటించిన సంచలన ఆఫర్ జియోలో అసలు లేనే లేదని నెటిజన్లు చర్చించుకుంటున్నారు.

#2

చాలా ప్రకటనల్లో కనిపించే 'షరతులు వర్తిస్తాయి' నిబంధన రిలయన్స్ వినియోగదారులకు కూడా వర్తిస్తుందని కంపెనీ వెబ్ సైట్ లో పేర్కొంది. 

#3

డిసెంబరు 31 వ తేదీ వరకు అన్నీ ఫ్రీ ఫ్రీ అని ప్రకటించిన రిలయన్స్ జనవరి 1 వ తేదీ నుంచి మాత్రం రూ .50 కే 1 జీబీ ఇస్తామంటూ సంచలనానికి తెరలేపింది. నిజానికి రిలయన్స్ వెబ్సైట్లో ఆ ప్లాన్ అన్నదే లేకపోవడం చిత్రం.

#4

సంస్థ వెబ్‌సైట్ ప్రకారం .. రూ .19 తో టారిఫ్లు మొదలవుతుండగా దాని కాలపరిమితి ఒక్క రోజే. రాత్రిపూట అన్లిమిటెడ్ 4 జీ డేటా ఉచితమని సంస్థ ప్రకటించింది. అయితే రాత్రి అంటే ఇక్కడ 2 గంటల నుంచి తెల్లవారుజామున 5 గంటల వరకు అని అర్థం.

#5

జియో యాప్స్ సబ్స్క్రిప్షన్ ఉచితమే కానీ 2017 జనవరి నుంచి మాత్రం కాదు. ఆ తరువాత కంపెనీ కొంత ఛార్జ్ చేస్తుంది.

#6

ఒకవేళ రూ .499 పెట్టి 4 జీ డేటా తీసుకుంటే అది అయిపోయాక సంస్థ ప్రకటించినట్టు రూ .50 కే 1 జీబీ రాదు. 10 కేబీ చార్జింగ్ పల్స్ చొప్పున 1 జీబీకి రూ .250 చెల్లించుకోవాల్సి ఉంటుంది.

#7

ఇంచుమించు ఇంతే ధరతో ఇతర నెట్వర్క్ కంపెనీలు కూడా 1 జీబీ డేటాను అందిస్తున్నాయి.

#8

అదే పోస్టుపెయిడ్లో అయితే డేటా ఉచితంగా వస్తుంది కానీ స్పీడ్ 128 కేబీపీఎస్కు పడిపోయి నత్తనడకను తలపిస్తుందని నెటిన్లు గగ్గోలు పెడుతున్నారు.

#9

ఇక ఫ్రీకాల్స్ లో కూడా మతలబు ఉందని నెటిజన్లు చెబుతున్నారు. ఫోన్లోని డయలర్ ద్వారా చేసే కాల్స్‌కు మాత్రమే ఇది వర్తిస్తుంది. వాట్సాప్, ఫేస్బుక్ మెసెంజర్, స్కైప్ ద్వారా చేసే కాల్స్‌కు మాత్రం డేటా చార్జీలు వర్తిస్తాయి.

#10

అప్పుడు చేసే ప్రతి కాల్ కి డేటా కరిగిపోయి మీ చేతిలో డబ్బులు అయిపోతాయి. అయితే కాల్స్ చేసే సమయంలో మొబైల్ డేటా ఆన్ చేయాల్సిన పనిలేకపోవడం చిన్న ఊరటనిచ్చే అంశం.

#11

అయితే రిలయన్స్ కు వచ్చే లాభం ఏంటంటే వీవోఎల్టీఈ టెక్నాలజీ మనదేశంలో కొంతకాలం కిందటే అందుబాటులోకి వచ్చినందున ఆ పరిజ్ఞానం ఉన్న ఫోన్లు ప్రస్తుతం మార్కెట్లో చాలా తక్కువగా ఉన్నాయి. 

#12

అందుకే రిలయన్స్ సంస్థ లైఫ్ (ఎల్వైఎఫ్) బ్రాండ్ ఫోన్లను చాలా మంది వీటిని ఎగబడి కొంటున్నారు. ఇది కంపెనీ పరోక్ష ఆదాయం.