Galaxy A51 మీద రూ.2,000 భారీ ధర తగ్గింపు!!! రూ.1,500 క్యాష్‌బ్యాక్ ఆఫర్లు కూడా

| Published: Saturday, August 8, 2020, 9:58 [IST]

ఇండియాలోని ప్రజలలో ఎక్కువ మంది ఇష్టపడుతున్న స్మార్ట్‌ఫోన్‌లలో శామ్సంగ్ సంస్థకు చెందిన స్మార్ట్‌ఫోన్‌లు కూడా ఉన్నాయి. శామ్సంగ్ కు చెందిన గెలాక్సీ A51 యొక్క ధర మీద సంస్థ ఇప్పుడు ధర తగ్గింపును అందించింది. ప్రభుత్వం ఏప్రిల్‌ నెలలో స్మార్ట్‌ఫోన్‌ల మీద GST రేటును 12 శాతం నుంచి 18 శాతానికి పెంచడం వల్ల అప్పుడు ధరలను పెంచింది. ప్రస్తుతం 6GB ర్యామ్ మోడల్ మీద రూ.2000 వరకు ధరను తగ్గించింది. మరిన్ని వివరాలు తెలుసుకోవడానికి ముందుకు చదవండి.

శామ్‌సంగ్ గెలాక్సీ A51 తగ్గింపు ధరల వివరాలు

శామ్‌సంగ్ గెలాక్సీ A51 స్మార్ట్‌ఫోన్‌ యొక్క 6GB ర్యామ్ + 128GB స్టోరేజ్ మోడల్ యొక్క ధరను సవరించిన తరువాత కంపెనీ యొక్క సైట్‌లో దీనిని రూ.23,999 ధర వద్ద కొనుగోలు చేయవచ్చు. మరోవైపు 8GB ర్యామ్ + 128GB స్టోరేజ్ ఆప్షన్‌ను సవరించిన తరువాత దీని యొక్క ధర రూ.25,999. ఇండియాలో జనవరి నెలలో దీనిని లాంచ్ చేశారు. అయితే ఏప్రిల్‌లో GST పెరిగిన కారణంగా దీని యొక్క ధరలను పెంచారు.

Also Read: శామ్‌సంగ్ గెలాక్సీ Z ఫ్లిప్ 5G వచ్చేసింది!!! ధర చాలా ఎక్కువ!!! Also Read: శామ్‌సంగ్ గెలాక్సీ Z ఫ్లిప్ 5G వచ్చేసింది!!! ధర చాలా ఎక్కువ!!!

శామ్‌సంగ్ గెలాక్సీ A51 సేల్ ఆఫర్స్

శామ్‌సంగ్ గెలాక్సీ A51 స్మార్ట్‌ఫోన్‌ మోడల్ ను ఇప్పుడు కొత్త ధరల వద్ద ప్రముఖ ఇ-కామర్స్ పోర్టల్స్ మరియు శామ్సంగ్ ఇండియా ఇ-స్టోర్ ద్వారా కొనుగోలు చేయవచ్చు. రూ.2,000 ధర తగ్గింపు పొందడమే కాకుండా శామ్సంగ్ సంస్థ క్యాష్‌బ్యాక్ ఆఫర్ ను కూడా అందిస్తోంది. ఇందులో భాగంగా హెచ్‌ఎస్‌బిసి, ఎస్‌బిఐ క్రెడిట్ కార్డ్ హోల్డర్లకు రూ.1,500 క్యాష్‌బ్యాక్ మొత్తాన్ని అందిస్తోంది. అయితే ఈ ఫోన్ కొనుగోలుపై లభించే రూ.1,500 క్యాష్‌బ్యాక్ ఆఫర్ ఆగస్టు 15 వరకు మాత్రమే చెల్లుతుందని కంపెనీ తన ట్వీట్‌లో ప్రకటించింది.

శామ్‌సంగ్ గెలాక్సీ A51 స్పెసిఫికేషన్స్

శామ్‌సంగ్ గెలాక్సీ A51 స్మార్ట్‌ఫోన్ యొక్క స్పెసిఫికేషన్ల విషయానికొస్తే ఇది డ్యూయల్ సిమ్ (నానో) స్లాట్ కలిగి ఉంటుంది. ఇది 6.5-అంగుళాల ఫుల్-హెచ్‌డి + సూపర్ అమోలెడ్ ఇన్ఫినిటీ-ఓ డిస్‌ప్లేను 1080x2400 పిక్సెల్స్ పరిమాణం మరియు 20: 9 కారక నిష్పత్తితో కలిగి ఉంటుంది. ఇది ఇన్-డిస్ప్లే ఫింగర్ ప్రింట్ సెన్సార్‌ను కలిగి ఉంది. ఈ స్మార్ట్‌ఫోన్‌ ఆక్టా-కోర్ ఎక్సినోస్ 9611 SoC తో రన్ అవుతూ 8GB RAM మరియు 128GB స్టోరేజ్ తో జతచేయబడి వస్తుంది. ఇందులో గల మైక్రో SD కార్డ్ స్లాట్ ద్వారా మెమొరీని 512GB వరకు విస్తరించవచ్చు.

శామ్‌సంగ్ గెలాక్సీ A51 ఫీచర్స్

గెలాక్సీ A51 యొక్క కెమెరాల విషయానికొస్తే ఈ ఫోన్ వెనుక భాగంలో క్వాడ్-కెమెరా సెటప్ ను కలిగి ఉంది. ఇందులో 48 మెగాపిక్సెల్ మెయిన్ సెన్సార్ కెమెరా, 12 మెగాపిక్సెల్ అల్ట్రా-వైడ్ యాంగిల్ కెమెరా, 5 మెగాపిక్సెల్ మాక్రో కెమెరా మరియు 5 మెగాపిక్సెల్ డీప్ సెన్సార్ కెమెరాలు ఉన్నాయి. సెల్ఫీలు మరియు వీడియో కాలింగ్ కోసం స్మార్ట్‌ఫోన్ ముందు భాగంలో 32 మెగాపిక్సెల్ సెల్ఫీ కెమెరాను కలిగి ఉంది.