Samsung కొత్త స్మార్ట్‌ఫోన్ Galaxy M51 ఇండియాలో లాంచ్!! ఫీచర్స్ బ్రహ్మాండం..

Published: Thursday, September 10, 2020, 15:33 [IST]

శామ్సంగ్ గెలాక్సీ M51 స్మార్ట్‌ఫోన్ ఎట్టకేలకు ఇండియాలో లాంచ్ అయింది. గత వారం జర్మనీలో ప్రారంభమైన శామ్‌సంగ్ కొత్త ఫోన్ నేడు ఒక వారం తరువాత ఆన్ లైన్ పద్దతిలో విడుదల అయింది. శామ్సంగ్ అభిమానులను ఆకట్టుకోవడానికి 7,000 mAh అతి పెద్ద బ్యాటరీ, క్వాడ్ రియర్ కెమెరా సెటప్ వంటి అద్భుతమైన ఫీచర్లను కలిగి ఉంది. ఈ స్మార్ట్‌ఫోన్ శామ్‌సంగ్ యొక్క వన్ UI కోర్ తో వస్తుంది. దీని గురించి మరిన్ని వివరాలు తెలుసుకోవడానికి ముందుకు చదవండి.

శామ్‌సంగ్ గెలాక్సీ M51 స్మార్ట్‌ఫోన్ ధరల వివరాలు

ఇండియాలో శామ్‌సంగ్ గెలాక్సీ M51 స్మార్ట్‌ఫోన్ ను రెండు వేరియంట్‌లలో లాంచ్ చేసారు. ఇందులో 6GB ర్యామ్ + 128GB స్టోరేజ్ వేరియంట్‌ యొక్క ధర రూ.24,999 కాగా 8GB ర్యామ్ + 128GB స్టోరేజ్ ఆప్షన్‌ యొక్క ధర 26,999 రూపాయలు. ఈ ఫోన్ ఎలక్ట్రిక్ బ్లూ మరియు బ్లాక్ కలర్ ఆప్షన్లలో వస్తుంది.

శామ్‌సంగ్ గెలాక్సీ M51 స్మార్ట్‌ఫోన్ సేల్ ఆఫర్స్

శామ్‌సంగ్ గెలాక్సీ M51 స్మార్ట్‌ఫోన్ యొక్క మొదటి సేల్ ఇండియాలో సెప్టెంబర్ 18 న మధ్యాహ్నం 12 గంటలకు అమెజాన్ మరియు శామ్‌సంగ్ యొక్క వెబ్ సైట్ లలో మొదలుకానున్నది. అలాగే ఎంపిక చేసిన రిటైల్ దుకాణాల ద్వారా కూడా అదే రోజు దీని యొక్క సేల్స్ ప్రారంభం కానున్నాయి. లాంచ్ ఆఫర్ లో భాగంగా అమెజాన్ లో సెప్టెంబర్ 18-20 మధ్య ఫోన్ ను కొనుగోలు చేసే HDFC బ్యాంక్ కార్డుల వినియోగదారులకు రూ.2,000 తగ్గింపు లభిస్తుంది.

శామ్‌సంగ్ గెలాక్సీ M51 స్మార్ట్‌ఫోన్ స్పెసిఫికేషన్స్

శామ్‌సంగ్ గెలాక్సీ M51 స్మార్ట్‌ఫోన్ డ్యూయల్ సిమ్ (నానో) స్లాట్ కలిగి ఉండి ఆండ్రాయిడ్ 10 లోని వన్ UI కోర్ 2.1 తో రన్ అవుతుంది. ఇది 6.7-అంగుళాల ఫుల్- HD + సూపర్ అమోలెడ్ ప్లస్ ఇన్ఫినిటీ ఓ డిస్‌ప్లేను 20: 9 కారక నిష్పత్తితో మరియు 420 నిట్‌ల గరిష్ట ప్రకాశంతో కలిగి ఉంది. దీని యొక్క డిస్ప్లే కార్నింగ్ గొరిల్లా గ్లాస్ 3 ప్రొటెక్షన్ తో వస్తుంది. అలాగే ఈ ఫోన్‌ ఆక్టా-కోర్ క్వాల్కమ్ స్నాప్‌డ్రాగన్ 730G SoC తో రన్ అవుతూ 8GB ర్యామ్ తో జతచేయబడి ఉంటుంది.

శామ్‌సంగ్ గెలాక్సీ M51 క్వాడ్ రియర్ కెమెరా సెటప్

శామ్‌సంగ్ గెలాక్సీ M51 స్మార్ట్‌ఫోన్ యొక్క ఫొటోగ్రఫీ విషయానికి వస్తే ఫోన్ వెనుక భాగంలో క్వాడ్ రియర్ కెమెరా సెటప్ ను కలిగి ఉంటుంది. ఇందులో ఎఫ్ / 1.8 లెన్స్‌తో 64 మెగాపిక్సెల్ సోనీ IMX682 సెన్సార్‌ ప్రైమరీ కెమెరా, 12 మెగాపిక్సెల్ అల్ట్రా-వైడ్ యాంగిల్ షూటర్ సెకండరీ కెమెరా, 5 మెగాపిక్సెల్ మాక్రో షూటర్ మరియు 5 మెగాపిక్సెల్ డెప్త్ సెన్సార్‌తో కెమెరాలు జతచేయబడి ఉన్నాయి. సెల్ఫీలు మరియు వీడియో చాట్ కోసం స్మార్ట్‌ఫోన్ ముందు భాగంలో ఎఫ్ / 2.2 లెన్స్‌ సెన్సార్‌తో 32 మెగాపిక్సెల్ సెల్ఫీ కెమెరాను కలిగి ఉంటుంది. గెలాక్సీ M51 ఫోన్ యొక్క కెమెరా సెటప్‌లు సింగిల్ టేక్, ఫ్రంట్ కెమెరాలో ఆటో స్విచ్ టు వైడ్ యాంగిల్, నైట్ హైపర్‌లాప్స్ మరియు మై ఫిల్టర్స్‌లతో వస్తుంది. ఇవి స్లో మోషన్ వీడియో, 4K వీడియో, AR డూడుల్ మరియు AR ఎమోజి ఫీచర్లను కలిగి ఉన్నాయి.

శామ్‌సంగ్ గెలాక్సీ M51 సైడ్ మౌంటెడ్ ఫింగర్ ప్రింట్ సెన్సార్ ఫీచర్

శామ్‌సంగ్ గెలాక్సీ M51 స్మార్ట్‌ఫోన్ 128 GB ఆన్‌బోర్డ్ స్టోరేజ్ ను కలిగి ఉంది. అలాగే మెమొరిని 512GB వరకు మరింత విస్తరించడానికి ప్రత్యేకమైన మైక్రో SD కార్డ్ స్లాట్ ఉంది. కనెక్టివిటీ ఎంపికలలో 4G ఎల్‌టిఇ, వై-ఫై, బ్లూటూత్ వి 5.0, జిపిఎస్ / ఎ-జిపిఎస్, యుఎస్‌బి టైప్-C పోర్ట్ మరియు 3.5mm హెడ్‌ఫోన్ జాక్ ఉన్నాయి. అలాగే సైడ్ మౌంటెడ్ ఫింగర్ ప్రింట్ సెన్సార్ కూడా ఉంది. అలాగే ఇది 25W ఫాస్ట్ ఛార్జింగ్ మరియు రివర్స్ ఛార్జింగ్ మద్దతుతో 7,000mAh పెద్ద బ్యాటరీతో ప్యాక్ చేయబడి వస్తుంది.