Galaxy S20 సిరీస్ ప్రీ-బుకింగ్ మీద రూ.6000 వరకు క్యాష్‌బ్యాక్ ఆఫర్లు!!! ఇంకా....

Published: Tuesday, May 5, 2020, 17:04 [IST]

శామ్సంగ్ గెలాక్సీ S20 సిరీస్ స్మార్ట్ ఫోన్ లను కొనుగోలు చేయడానికి మే 4 నుంచి ప్రీ-బుకింగ్ ఆర్డర్లను ప్రవేశపెట్టింది. ఈ ఫోన్లను ముందే బుక్ చేసుకునే కస్టమర్ల కోసం శామ్సంగ్ కొత్త ఆఫర్లను మరియు క్యాష్ బ్యాక్, గిఫ్ట్ వోచర్లను విడుదల చేసింది. పరిమిత కాలం వరకు చెల్లుబాటు అయ్యే ఇ-వోచర్ యొక్క విలువ 4,000 రూపాయలు.

శామ్‌సంగ్ గెలాక్సీ S20 సిరీస్

ఇ-వోచర్ ద్వారా శామ్‌సంగ్ బ్రాండ్ యొక్క వెబ్‌సైట్ నుండి ఇతర శామ్‌సంగ్ గెలాక్సీ ఉత్పత్తులను కొనుగోలు చేయడానికి ఉపయోగించవచ్చు. శామ్‌సంగ్ గెలాక్సీ S20 సిరీస్ పరికరాలను మే 4 మరియు మే 20 మధ్య బుక్ చేసుకున్న కస్టమర్లకు ఈ వోచర్ అందుబాటులో ఉంది. శామ్సంగ్ గెలాక్సీ ఎస్ 20, గెలాక్సీ ఎస్ 20 ప్లస్ మరియు గెలాక్సీ ఎస్ 20 అల్ట్రా కొనుగోలు చేసే వినియోగదారులకు ఈ వోచర్ అందుబాటులో ఉంది.

అదనపు ఆఫర్లు

శామ్సంగ్ గెలాక్సీ S20 సిరీస్ యొక్క ప్రీ-బుకింగ్ కస్టమర్లు పొందడానికి ఇంకా అనేక ఆఫర్లు ఉన్నాయి. ఈ ఆఫర్లలో మొదటిది అప్‌గ్రేడ్ ఆఫర్ / HDFC క్యాష్‌బ్యాక్ ఆఫర్. గెలాక్సీ ఎస్ 20, గెలాక్సీ ఎస్ 20 + మరియు గెలాక్సీ ఎస్ 20 అల్ట్రా ఫోన్లను కొనుగోలు చేయడానికి ముందుగా బుక్ చేసుకున్న వారికి అప్‌గ్రేడ్ ఆఫర్‌లో భాగంగా రూ.5000 వరకు అదనపు బోనస్ పొందవచ్చు. ప్రత్యామ్నాయంగా హెచ్‌డిఎఫ్‌సి బ్యాంక్ క్రెడిట్ మరియు డెబిట్ కార్డుల ద్వారా స్మార్ట్‌ఫోన్‌ను కొనుగోలు చేస్తే వారు 6000 రూపాయల క్యాష్‌బ్యాక్ కూడా పొందవచ్చు.

గెలాక్సీ బడ్స్ + ఆఫర్

గెలాక్సీ ఎస్ 20 + మరియు ఎస్ 20 అల్ట్రా ప్రీ-బుకింగ్ చేసిన కస్టమర్లు రూ.11990 విలువైన గెలాక్సీ బడ్స్ + ను కేవలం 1999రూపాయలకు కొనుగోలు చేయడానికి వీలు ఉంటుంది. అలాగే గెలాక్సీ ఎస్ 20 ను ముందుగా బుకింగ్ చేసిన కస్టమర్లు గెలాక్సీ బడ్స్ + ను రూ.2999 ధర వద్ద కొనుగోలు చేయవచ్చు. ఈ ఆఫర్ జూన్ 15 వరకు మాత్రమే అందుబాటులో ఉంటుంది.

అప్‌గ్రేడ్ ఆఫర్ / HDFC క్యాష్‌బ్యాక్

కస్టమర్లు గెలాక్సీ ఎస్ 20, గెలాక్సీ ఎస్ 20 + మరియు గెలాక్సీ ఎస్ 20 అల్ట్రా కొనుగోలుపై అప్‌గ్రేడ్ ఆఫర్‌లలో భాగంగా అదనంగా రూ.5000 వరకు అదనపు బోనస్ పొందవచ్చు. హెచ్‌డిఎఫ్‌సి బ్యాంక్ యొక్క క్రెడిట్ మరియు డెబిట్ కార్డుల ద్వారా ఈ స్మార్ట్‌ఫోన్ల‌ను కొనుగోలు చేసిన వారికి రూ.6000 వరకు క్యాష్‌బ్యాక్ పొందవచ్చు.

శామ్‌సంగ్ గెలాక్సీ ఎస్ 20 సిరీస్‌ మీద ఇతర ఆఫర్లు

గెలాక్సీ ఎస్ 20 + మరియు ఎస్ 20 అల్ట్రాలను ముందుగా బుకింగ్ చేసిన కస్టమర్లు INR 3999 విలువైన సామ్‌సంగ్ కేర్ + ప్రయోజనాలను కేవలం INR 1999 ధర వద్ద పొందవచ్చు. ఈ ఆఫర్‌ను జూన్ 15 లోగా రీడీమ్ చేసుకోవచ్చు. S20 సిరీస్ లను ప్రీ-బుక్ చేసిన వినియోగదారులకు డబుల్ డేటా ఆఫర్ కూడా లభిస్తుంది. ఈ డబుల్ డేటా ఆఫర్ రిలయన్స్ జియో, ఎయిర్‌టెల్ మరియు వొడాఫోన్ వినియోగదారులకు అందుబాటులో ఉంది. ఇంకా యూట్యూబ్ ప్రీమియం చందా ఆఫర్ కూడా ఉంది. ఇది గెలాక్సీ ఎస్ 20, ఎస్ 20 ప్లస్ మరియు ఎస్ 20 అల్ట్రా యొక్క ప్రీ-బుక్డ్ కొనుగోలుదారులకు యూట్యూబ్ ప్రీమియానికి నాలుగు నెలల ఉచిత చందాను మంజూరు చేస్తుంది.