Samsung Galaxy S21 Ultra 5G మీద రూ.24,000 భారీ ధర తగ్గింపు!! పరిమిత కాలం వరకు మాత్రమే...

శామ్సంగ్ గెలాక్సీ S21 అల్ట్రా 5G స్మార్ట్‌ఫోన్ ఇండియాలో జనవరి 2021 చివరిలో రూ.1,05,999 ప్రారంభ ధర వద్ద విడుదల అయింది. 12GB ర్యామ్, 256GB ఆన్బోర్డ్ స్టోరేజ్ వద్ద లభించే బేస్ మోడల్ ను ఇప్పుడు రూ.81,999 తగ్గింపు ధర వద్ద కొనుగోలు చేయవచ్చు. ప్రస్తుతం పరిశ్రమలో లభించే అత్యుత్తమ ఫ్లాగ్‌షిప్ స్మార్ట్‌ఫోన్లలో ఒకటైన ఈ ఫోన్ విడుదల అయిన ఒక నెలలోనే ఇంత భారీ తగ్గింపుతో రావడం అనేది కొనుగోలుదారులకు లభించే సువర్ణ అవకాశం లాంటిది. శామ్సంగ్ షాప్ ఆన్‌లైన్ లో ఈ ఫోన్ లాంచ్ ధరల వద్దనే విక్రయిస్తున్నందున ఈ ధర తగ్గింపు కేవలం అమెజాన్ ఎక్స్‌క్లూజివ్‌లో మాత్రమే అందుబాటులో ఉంది.

శామ్‌సంగ్ గెలాక్సీ S21 అల్ట్రా 5G మీద రూ.24,000 భారీ తగ్గింపు

గెలాక్సీ S21 అల్ట్రా 5Gపై రూ.24,000 భారీ ధర తగ్గింపు అనేది కేవలం పరిమిత కాలానికి మాత్రమే అందుబాటులో ఉంటుంది. అమెజాన్ ఇండియా ఫ్యాబ్ ఫోన్స్ ఫెస్ట్ సేల్ లో S21 అల్ట్రా 5G యొక్క 16GB ర్యామ్ వేరియంట్ మీద లభించే తగ్గింపు ధరను అమెజాన్ వెల్లడించలేదు. ఈ ఫోన్ యొక్క లాంచ్ ధరలు 12GB ర్యామ్ + 256GB స్టోరేజ్ మోడల్‌కు రూ.1,05,999, 16GB + 512GB వేరియంట్‌కు రూ.1,16,999.

 

శామ్‌సంగ్ గెలాక్సీ S21 అల్ట్రా 5G 108MP సెన్సార్ కెమెరా ఫీచర్స్

శామ్సంగ్ గెలాక్సీ S21 అల్ట్రా 5G ఫోన్ యొక్క ఆప్టిక్స్ విషయానికి వస్తే వెనుక భాగంలో క్వాడ్ రియర్ కెమెరా సెటప్ కలిగి ఉంది. ఇందులో 108 మెగాపిక్సెల్ మొదటి సెన్సార్ అల్ట్రా-వైడ్-యాంగిల్ ఎఫ్ / 2.2 లెన్స్‌తో 120 డిగ్రీల ఫీల్డ్-ఆఫ్-వ్యూ (ఎఫ్‌ఓవి) ఉంటుంది. కెమెరా సెటప్ 12, 10 మెగాపిక్సెల్ ప్రైమరీ డ్యూయల్ పిక్సెల్ సెన్సార్‌తో ఎఫ్ / 1.8 లెన్స్‌తో ఆటోఫోకస్ సపోర్ట్‌తో వస్తుంది. అదనంగా ఫేజ్ డిటెక్షన్ ఆటోఫోకస్, హైబ్రిడ్ ఆప్టిక్ 3X జూమ్ మరియు ఎఫ్ / 2.0 లెన్స్ ద్వారా 76 డిగ్రీల ఎఫ్‌ఓవి కలిగిన 64 మెగాపిక్సెల్ సెన్సార్ కెమెరా ఉంది. అలాగే సెల్ఫీలు మరియు వీడియో చాట్‌ల కోసం ముందు భాగంలో ఫ్రంట్ ఫేసింగ్ సెన్సార్‌తో పాటు ఎఫ్ / 2.2 లెన్స్‌తో 80 డిగ్రీల ఎఫ్‌ఓవి 40 మెగాపిక్సెల్ కెమెరా సెన్సార్‌ను కలిగి ఉంది.

శామ్సంగ్ గెలాక్సీ S21 అల్ట్రా 5G ఫాస్ట్ ఛార్జింగ్‌ ఫీచర్స్

శామ్సంగ్ గెలాక్సీ S21 అల్ట్రా 5G ఫోన్ లో 128GB లేదా 256GB ఇంటర్నల్ స్టోరేజ్ ఆప్షన్స్ ఉన్నాయి. కనెక్టివిటీ ఎంపికలలో 5G (NSA మరియు SA రెండూ), 4G ఎల్‌టిఇ, వై-ఫై, బ్లూటూత్, జిపిఎస్ / ఎ-జిపిఎస్, ఎన్‌ఎఫ్‌సి, మరియు యుఎస్‌బి టైప్-సి పోర్ట్ వంటివి ఉన్నాయి. బోర్డులోని సెన్సార్లలో యాక్సిలెరోమీటర్, యాంబియంట్ లైట్ సెన్సార్, బేరోమీటర్, జియోమాగ్నెటిక్ సెన్సార్, గైరోస్కోప్ మరియు సామీప్య సెన్సార్ వంటివి ఉన్నాయి. ఈ ఫోన్ సరికొత్త అల్ట్రాసోనిక్ ఫింగర్ ప్రింట్ సెన్సార్‌తో కూడా వస్తుంది. ఇది USB PD 3.0 ఫాస్ట్ ఛార్జింగ్‌కు మద్దతిచ్చే 5,000mAh బ్యాటరీతో ప్యాక్ చేయబడి వస్తుంది. ఇది 25W ఫాస్ట్ వైర్‌లెస్ ఛార్జింగ్ 2.0 అలాగే రివర్స్ వైర్‌లెస్ ఛార్జింగ్ కోసం వైర్‌లెస్ పవర్ షేర్ కూడా ఉంది.