ఫోన్ నుంచి ప్రమాదకర కెమికల్

By Sivanjaneyulu

Published: Wednesday, January 13, 2016, 17:43 [IST]

ఐఫోన్ ప్రొటెక్టివ్ కేస్ నుంచి ప్రమాదకర కెమికల్ లీక్ అవటంతో ఓ చిన్నారి కాలికి బలమైన గాయమయ్యింది. వివరాల్లోకి వెళితే... ఒలివియా రిట్టిర్ (9), తన ఐఫోన్ 5సీ కోసం ప్రత్యేకంగా డిజైన్ చేయబడిన 'స్నో గ్లోబ్ స్టైల్' ప్రొటెక్టివ్ కేస్‌ను కొనుగోలు చేసింది.ఈ స్నో గ్లోబ్ కేస్‌లో మందమైన లిక్విడ్‍‌తో పాటు కదిలే గ్లిట్టర్ స్పార్కిల్స్‌‌ను పొందుపరచటం కారణంగా ఏర్పడ్డ కొత్త లుక్‌ను చూసి ఒలివియా ఎంతో మురిసిపోయింది.

ఇదిలా ఉండగా, ఒలివియా ఓ రోజు రాత్రి యాదాలాపంగా ఐఫోన్‌ను తన కాలి క్రింద ఉంచుకుని నిద్రపోయింది. ఈ కారణంగా ప్రొటెక్టివ్ కేస్ పై ఎక్కువ ఒత్తిడి పడి బరస్ట్ అయ్యింది. ఈ లీకేజ్ కారణంగా వెలువడిన ప్రమాదకర లిక్విడ్ కారణంగా, చిన్నారి శరీరం పై ఫోన్ షేపులో కాలిన గాయం ఏర్పడింది.

మోటరోలా ఫోన్‌లలో మార్పులు

తీవ్రమైన నొప్పితో నిద్ర లేచిన ఒలివియా తన కాలి పై ఉన్న గాయాన్ని చూసి షాక్ అయ్యింది. గాయాన్ని గుర్తించిన ఒలివియ తల్లి కార్లీ హుటాహుటిన ఆమెను ఆసుపత్రికి తరలించింది. యాసిడ్ కెమికల్ కారణంగా ఏర్పడిన ఈ గాయాన్ని ప్రమాదకరమైనదిగా వైద్యులు గుర్తించి చికిత్స చేసారు. దీంతో ఆమె పెను ప్రమాదం నుంచి బయటపడింది.