2000 గంటల వీడియో గేమ్, రక్తం గడ్డకట్టి మరణించాడు

Updated: Tuesday, September 8, 2015, 12:59 [IST]

ఏకధాటిగా 22 రోజుల పాటు ఓ కంప్యూటర్ గేమ్‌లో నిమగ్నమైన కుర్రోడు అనారోగ్యం పాలై మరణించాడు. ఉల్చాయ్‌కు చెందిన 17 సంవత్సరాల రుస్తామ కాలు విరగడంతో గత నెల 8 నుంచి ఇంట్లోనే ఉంటున్నారు. ఇంట్లో ఒక్కడికే బోర్ కొట్టడంతో ఆన్‌లైన్‌లో డిఫెన్స్ ఆఫ్ ది ఏన్షియంట్స్ గేమ్‌కు బానిసయ్యాడు.

దీంతో అతని దినచర్య తినటం, పడుకోవటం గేమ్ ఆడటంలా మారిపోయింది. తల్లిదండ్రులు ఉద్యోగాల్లో పడిపోయి రుస్తాంను పట్టించుకోవటమే మానేసారు. గత నెల 30వ తేదీని అతని గదిలోంచి కీబోర్డ్ చప్పుడు వినపించలేదు. దీంతో కొంత ఆందోళణకు గురైన అతని తల్లిదండ్రులు లోనికెళ్లి చూసేసరికి రుస్తాం పడిపోయి ఉన్నాడు. హుటాహుటిన అతడిని ఆసుపత్రికి తరలించగా, అప్పటికే చనిపోయినట్లు వైద్యులు నిర్థారించారు. కొద్ది రోజల నుంచి ఇతనిలో శారీరక కదలికలు లేకపోవటంతో రక్త గడ్డకట్టి, ఆ కారణంగా చనిపోయి ఉండొచ్చని వైద్యులు భావిస్తున్నారు.

గంట.. రెండు గంటలయితే పర్వాలేదు, కొంత మంది ఏకధాటిగా నిద్రహారాలు మానుకుని వీడియోగేమ్స్ ఆడుతూనే ఉంటారు. ఏకంగా నలభై గంటల పాటు నిద్రాహారాలు మాని వీడియో గేమ్ ఆడి మృత్యువాతపడిన ఓ టీనేజర్ ఉధంతం తైవాన్‌లో సంచలనం రేకెత్తించిన విషయం తెలిసిందే. వీడియో గేమ్స్ ఆడటం వల్ల ప్రయోజనాలన్నప్పటికి వ్యసనంగా మారితే మాత్రం పరిణామాలు తీవ్రంగా ఉంటాయని నిపుణులు హెచ్చరిస్తున్నారు.