ఈ ఫోన్ ఖరీదు రూ.6.5 లక్షలు

| Published: Thursday, September 24, 2015, 20:32 [IST]

బ్రిటన్‌కు చెందిన లగ్జరీ ఫోన్‌ల తయారీ కంపెనీ వెర్టు (Vertu) తన సిగ్నేచర్ సిరీస్ నుంచి సరికొత్త స్మార్ట్‌ఫోన్‌ను విడుదల చేసింది. ‘వెర్టు సిగ్నేచర్ టచ్' (Vertu Signature Touch) పేరుతో వస్తోన్న ఈ ఫోన్ ప్రపంచవ్యాప్తంగా అక్టోబర్ 16, 2015 నుంచి అందుబాటులో ఉంటుంది. ఫోన్ ప్రారంభ ధర రూ.6,57,612. ఫోన్ ప్రీ-బుకింగ్స్ సెప్టంబర్ 28 నుంచి ఆక్టోబర్ 8 వరకు అందుబాటులో ఉంటాయి. వివిధ లెదర్ బాడీ కవర్‌లలో ఈ ఫోన్ అందుబాటులో ఉంటుంది. వాటి వివరాలు.. ప్యూర్ జెట్ లిజార్డ్, ప్యూర్ నావీ అలిగేటర్, జెట్ కాల్ప్, గ్రేప్ లిజార్డ్, జెట్ అలిగేటర్, ప్యూర్ జెట్ రెడ్ గోల్డ్, క్లాస్‌డీ ప్యారిస్ అలిగేటర్.

ఫోన్ స్పెక్స్ ఇలా ఉన్నాయి:

5 అంగుళాల పూర్తి హైడెఫినిషన్ డిస్‌ప్లే (428 పీపీఐ పిక్సల్ డెన్సిటీతో), ఈ డిస్‌ప్లేను కాపాడేందుకు 5th జనరేసన్ సఫైర్ క్రిస్టల్ స్ర్కీన్, 64 బిట్ ఆక్టా-కోర్ స్నాప్‌డ్రాగన్ చిప్‌సెట్, 4జీబి ర్యామ్, 21 మెగా పిక్సల్ రేర్ ఫేసింగ్ కెమెరా
(ప్రత్యేకతలు : డ్యుయల్ ఎల్ఈడి ఫ్లాష్, ఫేస్ డిటెక్షన్ ఆటో ఫోకస్, ఎఫ్2/2 అపెర్ట్యుర్, 4కే రిసల్యూషన్ వీడియో రికార్డింగ్ సపోర్ట్), 2.1 మెగా పిక్సల్ ఫ్రంట్ ఫేసింగ్ కెమెరా, 64జీబి ఇంటర్నల్ మెమరీ, మైక్రోఎస్డీ కార్డ్‌స్లాట్ ద్వారా ఫోన్ మెమరీని 2TB వరకు విస్తరించుకునే అవకాశం. ఈ లగ్జరీ స్మార్ట్‌ఫోన్ క్వాల్కమ్ క్విక్ చార్జ్ 2.0 అలానే క్యూఐ వైర్‌లెస్ చార్జింగ్‌ను సపోర్ట్ చేస్తుంది. 4జీ ఎల్టీఈ కనెక్టువిటీ.