త్వరపడండి, రూ. 649కే వీఆర్ హెడ్‌సెట్

బింగోస్ టెక్నాలజీస్ సంస్థ బింగో వీ - 200 వీఆర్ పేరిట ఓ నూతన వీఆర్ (వర్చువల్ రియాలిటీ) హెడ్‌సెట్‌ను విడుదల చేసింది. ఈ హెడ్‌సెట్ యూజర్లకు రూ.649 ధరకే లభిస్తోంది. కొనుగోలు చేయాలనుకున్నవారు అమెజాన్, ఫ్లిప్‌కార్ట్ సైట్ల ద్వారా కొనుగోలు చేయవచ్చు. ఈ వీఆర్ హెడ్‌సెట్‌లో 42 ఎంఎం అడ్జస్టబుల్ ఆప్టికల్ లెన్స్ ఉన్నాయి.

దీంతో హెడ్‌సెట్‌కు ఉండే ప్రత్యేకమైన బటన్ సహాయంతో లెన్స్‌ను అడ్జస్ట్ చేసుకోవచ్చు. ఇలా చేయడం వల్ల ఫోన్‌ను 360 డిగ్రీల కోణంలో ఎలాంటి ఇబ్బంది లేకుండా చూడవచ్చు. అంతేకాకుండా ఈ హెడ్‌సెట్‌కు ఓ బ్లూటూత్ రిమోట్ కంట్రోలర్ కూడా ఉచితంగా ఇస్తున్నారు.

ఈ రిమోట్ సహాయంతో హెడ్‌సెట్‌లో ఉన్న ఫోన్‌ను కంట్రోల్ చేయవచ్చు. ముందు భాగంలో ఉండే కవర్‌ను ఓపెన్ చేయడం ద్వారా హెడ్‌సెట్‌లో 4.7 నుంచి 6 ఇంచుల డిస్‌ప్లే సైజ్ గల ఫోన్లను పెట్టుకుని వీఆర్ వీడియోలు, ఫొటోలను తిలకించవచ్చు.