ఐఫోన్ 16పై రూ.8,410 భారీ డిస్కౌంట్.. 16e ధరకే ప్రీమియం ఫీచర్ల ఫోన్ సొంతం!

iPhone 16 Price Drops: ఆపిల్ ఐఫోన్ 16 కొనుగోలు చేయాలని చూస్తున్న వారందరికీ శుభవార్త. ప్రస్తుతం ఈ స్మార్ట్‌ఫోన్ ధరలు భారీగా పడిపోయాయి. ఇప్పుడు ఇది దాదాపుగా ఐఫోన్ 16e ధరతో సమానంగా వచ్చేసింది. ఒకప్పుడు చాలా చాలా ఖరీదు ఉన్న ఈ ఫోన్ ఇప్పుడు కొనదగిన ధరలోనే అందుబాటులోకి వచ్చింది. 128GB ఐఫోన్ 16 అసలు ధర రూ.79,900 కాగా, ఇప్పుడు క్రోమాలో ఏకంగా రూ.71,490కే అందుబాటులో ఉంది.

అంటే నేరుగా రూ.8,410 తగ్గింపు అన్నమాట. ICICI, SBI, కోటక్ బ్యాంక్ క్రెడిట్ కార్డులు వాడేవారికి అదనంగా మరో రూ 4,000 డిస్కౌంట్ కూడా ఉంది. అంటే ఈ ఫోన్‌ను మీరు కేవలం రూ.67,490కే సొంతం చేసుకోవచ్చు. పోల్చి చూస్తే, ఐఫోన్ 16e ప్రారంభ ధర రూ.59,900.

రెండిటి ధరల మధ్య తేడా చూస్తే కేవలం రూ.7,590 మాత్రమే. కానీ ఫీచర్ల విషయంలో ఐఫోన్ 16 చాలా ఉత్తమమైనది అని చెప్పుకోవచ్చు. కాబట్టి కొంచెం ఎక్కువ డబ్బు పెట్టినా, ఐఫోన్ 16 తీసుకోవడం చాలా మంచి డీల్. ఈ మొబైల్‌పై అంత తరచుగా డిస్కౌంట్స్‌ అందుబాటులో ఉండవు కాబట్టి త్వరపడాలి.

* ధరలు మరింత తగ్గించుకోవాలా

ధర మరింత తగ్గించుకోవడానికి పాత ఫోన్ ఎక్స్చేంజ్ చేయాలి. క్రోమాలో మంచి ఎక్స్చేంజ్ ఆఫర్లు కూడా ఉన్నాయి. మీ పాత ఫోన్ ఇచ్చేసి ఏకంగా రూ.60,766 వరకు తగ్గింపు పొందవచ్చు. ఉదాహరణకు పాత ఐఫోన్ 13ని ఎక్స్చేంజ్ చేస్తే, మీకు దాదాపు రూ.18,910 వరకు డిస్కౌంట్ వస్తుంది.

ఐఫోన్లకు ఎక్స్చేంజ్ విలువ కాస్త ఎక్కువగానే ఉంటుంది. ఆండ్రాయిడ్ ఫోన్ వాడుతున్న వారు కూడా ఈ ఆఫర్‌ను ఉపయోగించుకోవచ్చు, కాకపోతే ఎక్స్ఛేంజ్ అమౌంట్ కొంచెం తక్కువగా ఉండొచ్చు. కాబట్టి మీ పాత మోడల్‌కి తగిన డిస్కౌంట్ వస్తుందో లేదో గమనించాలి. తద్వారా ఈ ఆఫర్‌తో కొత్త ఫోన్ తక్కువ ధరకి సొంతం చేసుకోవచ్చు.

* ఐఫోన్ 16e కంటే ఐఫోన్ 16 ఎందుకు ఉత్తమం...

ఐఫోన్ 16e తక్కువ ధరలో లభించే యాపిల్ ఫోన్ అయినా, ఐఫోన్ 16లో చాలా అదనపు ఫీచర్లు ఉన్నాయి. ఇది మిమ్మల్ని బాగా ఆకట్టుకుంటుంది. ఐఫోన్ 16లోని డిస్‌ప్లే చాలా ప్రకాశవంతంగా ఉంటుంది. ఎండలో కూడా స్క్రీన్ చాలా క్లియర్‌గా కనిపిస్తుంది. ఇంకా ఇందులో అల్ట్రా-వైడ్ కెమెరా ఉంది, దీంతో చాలా స్పష్టమైన ఫొటోలు తీసుకోవచ్చు.

మ్యాగ్‌సేఫ్ సపోర్ట్ ఉండటం వల్ల వైర్‌లెస్ ఛార్జింగ్ కూడా చాలా ఈజీగా చేసుకోవచ్చు. అంతే కాదు, ఐఫోన్ 16 లో Qi వైర్‌లెస్ ఛార్జింగ్ చాలా ఫాస్ట్‌గా ఉంటుంది. కెమెరా కంట్రోల్ కోసం ఒక స్పెషల్ బటన్ కూడా ఇచ్చారు. Wi-Fi 7 సపోర్ట్ ఉండటం వల్ల ఇంటర్నెట్ వేగంగా అందుతుంది. ఇంకా మీకు నచ్చిన రంగులో ఫోన్‌ను ఎంచుకునే అవకాశం కూడా ఉంది.

* ఐఫోన్ 16e తగ్గింపు కోసం వెయిట్ చేయాలా..

ఐఫోన్ 16e కూడా తక్కువ బడ్జెట్‌లో ఫోన్ కొనాలనుకునే వారికి మంచి ఆప్షనే. పండుగల సీజన్ సేల్స్ కోసం వెయిట్ చేస్తే, దీని ధర మరింత తగ్గే ఛాన్స్ ఉంది. బ్యాంక్ ఆఫర్లు, ఎక్స్చేంజ్ ఆఫర్లతో కలుపుకుంటే దాదాపు రూ.40,000 వరకు వచ్చే అవకాశం ఉంది.

కానీ ఇప్పుడు చూస్తే, ఐఫోన్ 16, ఐఫోన్ 16e ధరల మధ్య పెద్దగా తేడా ఏమీ లేదు. కొంచెం డబ్బు ఎక్కువ పెట్టినా, ఐఫోన్ 16 తీసుకోవడం చాలా లాభదాయకం. మంచి ఫీచర్లు, పర్ఫార్మెన్స్ కావాలనుకునే వారికి ఐఫోన్ 16నే ఉత్తమ మొబైల్.