లెనోవో పీ780.. ‘ద బెస్ట్ బ్యాటరీ బ్యాకప్ ఫోన్’

మొదటి రోజు

మొదటి రోజు:

లెనోవో పీ780 హ్యాండ్ సెట్ బ్యాటరీని ఒక రాత్రి పాటు పూర్తిగా ఛార్జ్ చేసిన తరువాత గిజ్‌బాట్ నిపుణుల బృందం పరిశీలనకు సన్నద్దమైంది. ఈ ఫోన్‌లో ముందుగానే లోడ్ చేయబడిన బ్యాటరీ మేనేజర్ అప్లికేషన్ గిజ్‌బాట్ నిపుణుల బృందానికి పూర్తి స్థాయిలో ఉపయోగపడింది.

మొదటిరోజు పరీక్షలో భాగంగా పూర్తిగా ఛార్జ్ చేయబడిన లెనోవో పీ780 ద్వారా 30 నిమిషాల పాటు యూట్యూబ్ (వై-ఫై ద్వారా), 20 నిమిషాల కాలింగ్, 3జీ, వాట్స్‌యాప్, ఇన్స్‌స్టాగ్రామ్, ఇతర సోషల్ మీడియా అప్లికేషన్‌లను ఉపయోగించటం జరిగింది. అంతేకాకుండా, 30 నిమిషాల పాటు ప్లాంట్స్ vs జూంబీస్ వీడియోగేమ్‌ను ఆడటం జరిగింది. మొదటి రోజు పరిశీలన ముగిసే సమయానికి 48 శాతం బ్యాటరీ లైఫ్ లెనోవో పీ780లో మిలిగి ఉండటాన్ని బ్యాటరీ మేనేజర్ అప్లికేషన్ ద్వారా గిజ్‌బాట్ నిపుణుల బృందం గుర్తించిది.

రెండవ రోజు

రెండవ రోజు:

రెండవ రోజు పరిశీలనలో భాగంగా గిజ్‌బాట్ నిపుణుల బృందం 48 శాతం బ్యాటరీ లైఫ్‌ను కలిగి ఉన్న లెనోవో పీ780 హ్యాండ్‌సెట్‌ను మొదటి రోజులానే వినియోగించటం జరిగింది. అయితే, సాయంత్రం 7 గంటల సమయం నాటికి ఫోన్ ఛార్జింగ్ పూర్తిగా అయిపోయింది. ఈ రెండు రోజుల పరిశీలనలో భాగంగా ఫోన్ ప్రాసెసింగ్ పవర్, హైడెఫినిషన్ స్ర్కీన్ పనితీరు వంటి అంశాలు గిజ్‌బాట్ నిపుణుల బృందాన్ని ప్రత్యేకంగా ఆకట్టుకున్నాయి.

మూడవ రోజు

మూడవ రోజు:

మూడవ రోజు పరిశీలన భాగంగా గిజ్‌బాట్ నిపుణుల బృందం పూర్తిగా ఛార్జ్ చేయబడిన లెనోవో పీ780 హ్యాండ్‌సెట్‌తో పరిశీలనను ప్రారంభించింది. మొదటి రెండు రోజుల ఫలితాలను దృష్టిలో ఉంచుకున్న నిపుణుల బృందం మూడవ రోజు ఫోన్‌లోని 3జీ కనెక్టువిటీ ఆప్షన్‌ను పూర్తిగా టర్న్ ఆఫ్ చేసి వై-ఫై కనెక్షన్ ద్వారా డేటాను వినియోగించటం జరిగింది. 7 గంటల డేటా వినియోగం తరువాత ఫోన్‌లో 67 శాతం బ్యాటరీ బ్యాకప్ మిగిలి ఉండటాన్ని నిపుణుల బృందం గుర్తించింది.

నాలుగవ రోజు

నాలుగవ రోజు:

నాలుగువ రోజు పరిశీలన పూర్తి అయ్యే సరికి 28 శాతం బ్యాటరీ బ్యాకప్ లెనోవో పీ780 హ్యాండ్‌సెట్‌లో మిగిలి ఉంది.

ఐదవ రోజు

ఐదవ రోజు:

ఐదవ రోజు మధ్యాహ్ననికి ఫోన్ బ్యాటరీ బ్యాకప్ పూర్తిగా అయిపోయింది.

ఆరవ రోజు

ఆరవ రోజు:

ఆరవ రోజు...గిజ్‌బాట్ నిపుణుల బృందం పూర్తిగా ఛార్జ్ చేయబడిన లెనోవో పీ780 హ్యాండ్‌సెట్‌తో తమ పరిశీలనను ప్రారంభించింది. అయితే, ఈ రోజు ఫోన్‌లోని అన్ని డేటా సర్వీసులను ఆఫ్ చేసి హ్యాండ్‌సెట్‌ను కేవలం ఫోన్ కాల్స్, టెక్స్ట్ సందేశాలు ఇంకా కెమెరా ద్వారా ఫోటోలను చిత్రీకరించుకునేందుకు ఉపయోగించటం జరిగింది. 6వ రోజుల పరిశీలన ముగిసే నాటికి లెనోవో పీ780 హ్యాండ్‌సెట్‌లో 79శాతం బ్యాటరీ బ్యాకప్ మిగిలే ఉంది.

7వ రోజు

7వ రోజు

7వ రోజు పరిశీలనలో భాగంగా 6వ రోజు తరహాలోనే ఫోన్‌ను పరీక్షించటం జరిగింది. 7వ రోజు పరిశీలన ముగిసేనాటికి 49శాతం బ్యాటరీలైఫ్ ఫోన్‌లో మిగిలే ఉంది

పర్యవేక్షణలో ఏం తెలిదంటే..?

పర్యవేక్షణలో ఏం తెలిదంటే..?

3జీ వినియోగాన్ని తగ్గించి వై-ఫై పై ఆధారపడినట్లయితే ఈ ఫోన్ ద్వారా రెండున్నర రోజుల బ్యాటరీ లైఫ్‌ను ఆస్వాదించవచ్చు. లెనోవో పీ780 హ్యాండ్‌సెట్‌లో నిక్షిప్తం చేసిన శక్తివంతమైన 4000 ఎమ్ఏహెచ్ బ్యాటరీ ఖచ్చితమైన 40 గంటల దృఢమైన స్మార్ట్‌ఫోన్ వినియోగానికి సహకరిస్తుంది. పోటీ కమ్యూనికేషన్ ప్రపంచంలో స్మార్ట్‌ఫోన్‌ల వినియోగం కీలకమవుతున్న నేపధ్యంలో ‘లెనోవో పీ780' అత్యుత్తమ ఎంపిక.