50MP కెమెరా, 6000mAh బ్యాటరీ, 1.5K డిస్‌ప్లేతో రియల్‌మీ P3 అల్ట్రా లాంచ్.. ధర ఎంతంటే!

Realme P3 Ultra 5G: రియల్‌మీ కంపెనీ ఇండియాలో అదిరిపోయే కొత్త ఫోన్‌ను లాంచ్ చేసింది. అదే రియల్‌మీ P3 అల్ట్రా 5G. ఇది P సిరీస్‌లో వచ్చిన కొత్త ఫోన్. ఈ ఫోన్‌లో 6.83 అంగుళాల 1.5K 120Hz కర్వ్డ్ OLED డిస్‌ప్లే ఉంది. దీని చుట్టూ ఉండే బెజెల్స్ (అంచులు) చాలా సన్నగా, కేవలం 1.6mm మందం మాత్రమే ఉన్నాయి.

ఇంకా ఇందులో 3840Hz PWM డిమ్మింగ్ అనే టెక్నాలజీ కూడా ఉంది. దీనివల్ల మీరు ఫోన్ ఎక్కువసేపు వాడినా మీ కళ్లు అంతగా అలసిపోకుండా ఉంటాయి. ఈ ఫోన్‌లో మీడియాటెక్ డైమెన్సిటీ 8350 అల్ట్రా చిప్‌సెట్ వాడారు. ఈ చిప్‌సెట్ చాలా ఫాస్ట్‌గా పనిచేస్తుంది. దీని క్లాక్ స్పీడ్ 3.35GHz వరకు ఉంటుంది.

ఈ ఫోన్ 8GB లేదా 12GB LPDDR4X ర్యామ్ ఆప్షన్స్‌లో వస్తోంది. అంతేకాదు, వర్చువల్ ర్యామ్ ద్వారా 14GB వరకు ర్యామ్‌ను పెంచుకోవచ్చు. స్టోరేజ్ విషయానికి వస్తే, 128GB లేదా 256GB UFS 3.1 స్టోరేజ్ ఆప్షన్లు ఉన్నాయి. దీనివల్ల డేటా చాలా ఫాస్ట్‌గా యాక్సెస్ అవుతుంది.

* ఫీచర్లు

రియల్‌మీ P3 అల్ట్రా ఫోన్ ఆండ్రాయిడ్ 15 ఆపరేటింగ్ సిస్టమ్‌తో వస్తుంది. దీనిపై రియల్‌మీ UI 6.0 ఉంటుంది. ఈ ఫోన్‌కు రెండుసార్లు ఆండ్రాయిడ్ అప్‌డేట్స్ ఇస్తారు. అలాగే మూడేళ్ల పాటు సెక్యూరిటీ అప్‌డేట్స్ కూడా వస్తాయి. గేమింగ్ ఆడేవాళ్లకి, ఎక్కువగా ఫోన్ వాడేవాళ్లకి ఫోన్ వేడెక్కకుండా ఉండటానికి 6050mm² VC కూలింగ్ సిస్టమ్ ఇచ్చారు.

* డిజైన్

ఈ ఫోన్ చూడటానికి చాలా కొత్తగా ఉంది. ముఖ్యంగా గ్లో-ఇన్-ది-డార్క్ లూనార్ డిజైన్ చాలా బాగుంది. ఇది తక్కువ వెలుతురులో గ్రీన్ కలర్లో మెరుస్తుంది. నెప్ట్యూన్ బ్లూ, ఒరియన్ రెడ్ కలర్ ఫోన్లు వెగన్ లెదర్ ఫినిష్‌తో వస్తున్నాయి. గ్లోయింగ్ లూనార్ వైట్ కలర్ ఫోన్ కొంచెం సన్నగా, 7.38mm మందంతో ఉంటుంది. లెదర్ ఫినిష్ ఫోన్లు 7.47mm మందంతో వస్తాయి.

* కెమెరాలు

వెనుకవైపు 50MP సోనీ IMX896 మెయిన్ కెమెరా ఉంది. దీనికి OIS ఉండటంతో ఫొటోలు షేక్ అవ్వకుండా వస్తాయి. 8MP అల్ట్రా-వైడ్ లెన్స్ కూడా ఉంది. సెల్ఫీలకు 16MP సోనీ IMX480 కెమెరా ఇచ్చారు. కెమెరాలో AI అల్ట్రా క్లారిటీ 2.0, AI స్నాప్ మోడ్, AI ఎరేజర్ 2.0 వంటి ఫీచర్లు ఉన్నాయి.

వీటితో ఫొటోలు బాగా వస్తాయి, ఎడిటింగ్ చేసుకోవచ్చు. ఈ ఫోన్‌లో 6000mAh భారీ బ్యాటరీ ఉంది. దీనికి 80W సూపర్‌వూక్ ఫాస్ట్ ఛార్జింగ్ సపోర్ట్ కూడా ఉంది. త్వరగా చార్జ్ కూడా అవుతుంది. ఈ ఫోన్‌కు IP66, IP68, IP69 రేటింగ్స్ ఉన్నాయి కాబట్టి దుమ్ము, నీరు, ఎక్కువ ప్రెజర్ నీటి స్ప్రేలను కూడా తట్టుకుంటుంది.

* ధరలు, ఎప్పుడు కొనొచ్చు..

రియల్‌మీ P3 అల్ట్రా 5G ధరలు చూస్తే 8GB + 128GB మోడల్ ధర రూ.26,999, 8GB + 256GB మోడల్ ధర రూ.27,999, 12GB + 256GB మోడల్ ధర రూ.29,999. ఈ ఫోన్ realme.com, ఫ్లిప్‌కార్ట్, ఆఫ్‌లైన్ స్టోర్లలో కొనడానికి అందుబాటులో ఉంటుంది. ఈరోజు మధ్యాహ్నం 2 గంటల నుంచి ప్రీ-ఆర్డర్లు మొదలవుతాయి.

రియల్‌మీ P3 అల్ట్రా 5G కొనేవారికి అదిరిపోయే లాంచ్ ఆఫర్లు ఉన్నాయి. బ్యాంక్ ద్వారా కొంటే వెంటనే రూ.3,000 డిస్కౌంట్ వస్తుంది. పాత ఫోన్ ఎక్స్‌ఛేంజ్ చేస్తే అదనంగా రూ.1,000 బోనస్ కూడా పొందవచ్చు. ఇంకా EMI ద్వారా కొనాలనుకుంటే 6 నెలల వరకు వడ్డీ లేకుండా EMI పెట్టుకోవచ్చు.

అంతేకాదు, ఫోన్‌కు ఒక సంవత్సరం ఎక్స్‌టెండెడ్ వారంటీ కూడా ఇస్తున్నారు. ఈ ఆఫర్లతో కొత్త ఫోన్ కొనడం చాలా లాభదాయకం.