షియోమీ హోలీ పండుగ ఆఫర్ అదిరింది.. రెడ్‌మీ నోట్ 14 5G ఫోన్‌పై భారీగా డిస్కౌంట్..!!

Redmi Note 14 5G: షియోమీ కంపెనీ హోలీ పండుగ సందర్భంగా రెడ్‌మీ నోట్ 14 5G ఫోన్ ధరను భారీగా తగ్గించింది. ఈ ఫోన్ 2024, డిసెంబర్‌లో రెడ్‌మీ నోట్ 13కి కొనసాగింపుగా మార్కెట్లోకి వచ్చింది. ఇందులో మీడియాటెక్ డైమెన్సిటీ 7025-అల్ట్రా చిప్‌సెట్, సూపర్ స్మూత్ 120Hz అమోలెడ్ డిస్‌ప్లే, అదిరిపోయే 50MP సోనీ మెయిన్ కెమెరా ఉన్నాయి. ఇప్పుడు ధర తగ్గడంతో ఈ ఫోన్ మరింత అందుబాటులోకి వచ్చింది.

ఇంకా చెప్పాలంటే, కొన్ని బ్యాంకు కార్డులతో కొంటే అదనంగా రూ.1,000 డిస్కౌంట్ కూడా ఇస్తున్నారు. దీంతో ధర మరింత దిగి వస్తుంది. మీరు మంచి ఫీచర్లున్న 5G ఫోన్ కొనాలనుకుంటే, ఇది మంచి డీల్ అనే చెప్పాలి. మరి ఈ మొబైల్‌పై ఎక్కడ, ఎంత డిస్కౌంట్ వస్తుందో చూద్దాం.

* రెడ్‌మీ నోట్ 14 5G కొత్త ధరలు

రెడ్‌మీ నోట్ 14 5G ఫోన్ అసలు ధరలు చూస్తే, 6GB RAM + 128GB స్టోరేజ్ బేస్ మోడల్ ధర రూ.18,999. అలాగే 8GB + 128GB మోడల్ ధర రూ.19,999, టాప్ ఎండ్ 8GB + 256GB మోడల్ ధర రూ.21,999గా ఉండేది. కానీ, హోలీ ఆఫర్‌లో భాగంగా షియోమీ ధరలు తగ్గించేసింది.

ఇప్పుడు బేస్ మోడల్ ధర రూ.17,999, మిడ్ వేరియంట్ ధర రూ.18,999, హైయెస్ట్ వేరియంట్ ధర రూ.20,999కి లభిస్తున్నాయి. మరో రూ.1,000తగ్గింపు కోసం, ఎంపిక చేసిన బ్యాంక్ కార్డ్స్ వాడవచ్చు. అంటే అప్పుడు ఈ ఫోన్ ధరలు మరింత తగ్గిపోయి, వరుసగా రూ.16,999, రూ.17,999, రూ. 19,999కి మీ సొంతం చేసుకోవచ్చు.

ఈ ఆఫర్లు షియోమీ అధికారిక వెబ్‌సైట్, అమెజాన్‌లో అందుబాటులో ఉన్నాయి. అయితే, ఈ ఆఫర్ ఎప్పటి వరకు ఉంటుందో మాత్రం షియోమీ చెప్పలేదు. సో, డీల్ ఉండగానే కొనేస్తే బెటర్. మళ్లీ ఈ మొబైల్ పై ఇలాంటి ఆఫర్లు ఎప్పుడొస్తాయో తెలియదు.

* రెడ్‌మీ నోట్ 14 5G స్పెసిఫికేషన్స్

ఈ ఫోన్‌లో 6.67-అంగుళాల ఫుల్ HD+ అమోలెడ్ డిస్‌ప్లే ఉంది. ఇది 2,100 నిట్స్ పీక్ బ్రైట్‌నెస్‌తో వస్తుంది. 120Hz రిఫ్రెష్ రేట్, HDR10+ సపోర్ట్, SGS ఐ ప్రొటెక్షన్ కూడా ఉన్నాయి. అంతేకాదు, ఈ డిస్‌ప్లేకి TUV రైన్‌ల్యాండ్ సర్టిఫికేషన్ కూడా ఉంది, అంటే కళ్లకు ఎలాంటి ఇబ్బంది ఉండదు.

*:ప్రాసెసర్ పెర్ఫార్మెన్స్, మెమరీ, స్టోరేజ్

ఈ ఫోన్ మీడియాటెక్ డైమెన్సిటీ 7025-అల్ట్రా చిప్‌సెట్‌తో వస్తుంది. గ్రాఫిక్స్ కోసం IMG BXM-8-256 GPU ఉంటుంది, దీంతో గేమ్స్ కూడా స్మూత్‌గా ఆడుకోవచ్చు. ఇందులో 8GB RAM + 256GB ఇంటర్నల్ స్టోరేజ్ వరకు ఆప్షన్స్ ఉన్నాయి. ఈ ఫోన్ షియోమీ హైపర్ఓఎస్ ఆపరేటింగ్ సిస్టమ్‌తో పనిచేస్తుంది, ఇది ఆండ్రాయిడ్ 14తో వస్తుంది.

కెమెరాల విషయానికొస్తే, రెడ్‌మీ నోట్ 14 5G వెనుకవైపు ట్రిపుల్ కెమెరా సెటప్‌తో వస్తుంది. ఇందులో 50MP సోనీ LYT-600 మెయిన్ కెమెరా (OIS ఫీచర్‌తో), 8MP అల్ట్రా-వైడ్-యాంగిల్ లెన్స్, 2MP మాక్రో కెమెరా ఉన్నాయి. ఇక సెల్ఫీలు, వీడియో కాల్స్ కోసం ముందువైపు 20MP కెమెరా ఇచ్చారు.

* బ్యాటరీ, ఛార్జింగ్

ఈ ఫోన్‌లో 5,110mAh బ్యాటరీ ఉంది, ఇది 45W ఫాస్ట్ ఛార్జింగ్‌కు సపోర్ట్ చేస్తుంది. ఇంకా ఇన్-డిస్‌ప్లే ఫింగర్‌ప్రింట్ సెన్సార్, డాల్బీ అట్మోస్‌తో కూడిన స్టీరియో స్పీకర్లు, Hi-Res ఆడియో సర్టిఫికేషన్ కూడా ఉన్నాయి. డస్ట్, స్ప్లాష్ రెసిస్టెన్స్ కోసం IP64 రేటింగ్ కూడా ఉంది.

* రంగులు

రెడ్‌మీ నోట్ 14 5G నాలుగు కలర్ ఆప్షన్స్‌లో లభిస్తుంది. అవి ఐవీ గ్రీన్, టైటాన్ బ్లాక్, మిస్టిక్ వైట్, ఫాంటమ్ పర్పుల్. ఒకవేళ మీరు ఇతర ఆప్షన్స్ చూడాలనుకుంటే, ఇదే ధరలో ఇతర ఫోన్లు కూడా ఉన్నాయి. రియల్‌మీ 14x ధర రూ.14,999 నుంచి మొదలవుతుంది.

మోటో G85 ధర రూ.17,999, ఐకూ Z9s ధర రూ.19,999. ఈ ఫోన్లు కూడా 5G కనెక్టివిటీ, మంచి ఫీచర్లతో వస్తున్నాయి. వీటి కంటే రెడ్‌మీ నోట్ 14 5G బెస్ట్. ఇప్పుడు ఇది తక్కువ ధరలో అందుబాటులో ఉంది. మిడ్-రేంజ్ స్మార్ట్‌ఫోన్ కోసం చూస్తున్నవారికి ఇది బెస్ట్ ఆప్షన్ అనే చెప్పాలి.