వివో నుంచి మరో కొత్త ఫోన్.. డైమెన్సిటీ 7300 ప్రాసెసర్, భారీ 6500mAh బ్యాటరీ.. మార్చి 31న లాంచ్..

వివో తన Y-సిరీస్ ఫోన్ల జాబితాను పెంచుకునేందుకు సిద్ధమైంది. ఇందులో భాగంగా, మార్చి 31న చైనాలో (Vivo Y300t) వివో Y300t అనే కొత్త ఫోన్‌ను విడుదల చేయనుంది. ఇదే ఈవెంట్‌లో వివో Y300 ప్రో+ కూడా లాంచ్ అవుతుంది. ఈ Y300t ఫోన్, ఇటీవల మన ఇండియాలో విడుదలైన వివో T4x 5Gకి రీబ్రాండెడ్ వెర్షన్ (అంటే పేరు మార్చి తీసుకురావడం) అని టాక్ వినిపిస్తోంది.

* డిజైన్, డిస్‌ప్లే

అందుకే దీనిపై అంచనాలు బాగానే ఉన్నాయి. చూడటానికి వివో Y300t చాలా స్టైలిష్‌గా, ఆధునికంగా ఉండనుంది. ఇది అచ్చం వివో T4x లాగే ఫ్లాట్ ఫ్రేమ్ (చదరపు అంచులు), వెనుకవైపు కర్వ్డ్ గ్లాస్ బ్యాక్ (కొద్దిగా వంపు తిరిగిన గాజు)తో వస్తుంది. ఇది ఫోన్‌కు ఖరీదైన లుక్‌ను ఇస్తుంది.

వెనుక ప్యానెల్‌లో డ్యూయల్ కెమెరా సెప్‌తో పాటు, కెమెరా చుట్టూ ఒక స్టైలిష్ LED రింగ్-ఫ్లాష్ కూడా ఉంటుంది. ఇది ఆకర్షణీయంగా కనిపిస్తుంది. ఈ ఫోన్‌లో 6.72-అంగుళాల ఫుల్ HD+ IPS LCD డిస్‌ప్లే ఉంటుందని అంచనా. ఇది 120Hz రిఫ్రెష్ రేట్‌కు సపోర్ట్ చేస్తుంది. దీని స్క్రీన్ గరిష్టంగా 1,050 నిట్స్ బ్రైట్‌నెస్‌ను అందిస్తుంది.

* పర్ఫార్మెన్స్, బ్యాటరీ..

ఈ ఫోన్‌లో శక్తివంతమైన మీడియాటెక్ డైమెన్సిటీ 7300 ప్రాసెసర్ ఉంటుంది. ఇది రోజువారీ పనులకే కాదు, మంచి గ్రాఫిక్స్‌తో కూడిన గేమింగ్‌కు కూడా అద్భుతమైన పర్ఫార్మెన్స్‌ను అందిస్తుంది. వేగంగా యాప్స్ లోడ్ అవ్వడానికి, మల్టీ టాస్కింగ్‌ కోసం ఇందులో 8GB వరకు LPDDR4X RAM, 256GB వరకు UFS 3.1 స్టోరేజ్ ఉండే అవకాశం ఉంది.

* బ్యాటరీ

ఇందులో ఏకంగా 6,500mAh భారీ బ్యాటరీని అందిస్తున్నారు. అంటే ఒక్కసారి ఫుల్ ఛార్జ్ చేస్తే రోజంతా లేదా అంతకంటే ఎక్కువ సేపే బ్యాటరీ లైఫ్ వస్తుంది. అంతేకాదు, 44W ఫాస్ట్ ఛార్జింగ్‌కు కూడా సపోర్ట్ చేస్తుంది. కాబట్టి, బ్యాటరీ అయిపోయినా ఇందులోని చెందాల్సిన అవసరం లేకుండా చాలా త్వరగా ఛార్జ్ చేసుకోవచ్చు.

రూ.1,299కే బోట్ స్టార్మ్ ఇన్ఫినిటీ స్మార్ట్‌వాచ్ విడుదల.. 1.83 అంగుళాల HD డిస్‌ప్లే, 15 రోజుల బ్యాటరీ..
* కెమెరా, ఇతర ఫీచర్లు

ఫోటోగ్రఫీ కోసం, Y300tలో 50MP మెయిన్ కెమెరా (f/1.8 అపెర్చర్‌తో) ఉంటుంది. ఇది మంచి డీటెయిల్స్‌తో, క్లియర్‌గా ఫోటోలు తీస్తుంది. దీనికి తోడుగా, పోర్ట్రెయిట్ షాట్స్ (బ్యాక్‌గ్రౌండ్ బ్లర్ అయ్యే ఫొటోలు) కోసం 2MP డెప్త్ సెన్సార్ (f/2.4) ఉంటుంది.

సెల్ఫీల కోసం, వీడియో కాల్స్ కోసం ముందు వైపు 8MP కెమెరాను అమర్చారు. ఇవి సోషల్ మీడియాలో షేర్ చేసుకోవడానికి బాగా ఉపయోగపడతాయి. వీటితో పాటు మరికొన్ని అదిరిపోయే ఫీచర్లు కూడా ఉన్నాయి. ముఖ్యంగా ఫోన్‌ను వేగంగా, సురక్షితంగా అన్‌లాక్ చేయడానికి పక్కనే ఫింగర్‌ప్రింట్ స్కానర్.

అలాగే చిన్న చిన్న నీటి తుంపర్లు, దుమ్ము ధూళి నుంచి రక్షణ కోసం IP64 రేటింగ్. గేమింగ్ లేదా మల్టీ టాస్కింగ్ సమయంలో అవసరమైనప్పుడు అదనపు పెర్ఫార్మెన్స్ కోసం వర్చువల్ ర్యామ్. ఇంట్లోని టీవీ, ఏసీ వంటి రిమోట్ కంట్రోల్ డివైస్‌లను ఆపరేట్ చేయడానికి IR బ్లాస్టర్ ఉన్నాయి.

* సాఫ్ట్‌వేర్, లభ్యత

Vivo Y300t లేటెస్ట్ ఆండ్రాయిడ్ 15 ఆపరేటింగ్ సిస్టమ్‌తో వస్తుంది. దీనిపై వివో సొంత Funtouch OS 15 స్కిన్ ఉంటుంది. ఈ కొత్త ఓఎస్‌లో AI (కృత్రిమ మేధ) ఆధారిత ఫీచర్లు ఉంటాయని, ఇవి ఫోన్ వాడకాన్ని మరింత స్మూత్‌గా, సులభంగా మారుస్తాయని భావిస్తున్నారు.

ఈ ఫోన్ లాంచ్ ఈవెంట్ మార్చి 31న చైనా కాలమానం ప్రకారం మధ్యాహ్నం 2:30 గంటలకు జరగనుంది. ఇది నలుపు, తెలుపు, నీలం రంగులలో అందుబాటులోకి వస్తుంది. ఇండియాలో ఎప్పుడు వస్తుందనే దానిపై ఇంకా స్పష్టత లేదు, కానీ చైనా లాంచ్ తర్వాత త్వరలోనే ఇక్కడ కూడా విడుదల కావచ్చు.