షియోమి ఎంఐ 4ఐ ఇప్పుడు 32జీబి వేరియంట్‌లో

బడ్జెట్ ఫ్రెండ్లీ స్మార్ట్‌ఫోన్ మార్కెట్లో రికార్డ్ స్థాయి ఫోన్‌ల అమ్మకాలతో సంచలనాల సృష్టిస్తోన్న చైనా ఫోన్‌ల కంపెనీ షియోమి తన ఫ్లాగ్‌షిప్ మోడల్ ఫోన్ ఎంఐ 3 మొదటి వార్షికోత్సవాన్ని పురస్కరించుకుని 32జీబి వేరియంట్ ‘ఎంఐ 4ఐ' స్మార్ట్‌ఫోన్‌ను మార్కెట్లో విడుదల చేసింది. ధర రూ.14,999. ఇదిలా ఉండగా... షియోమి ఎంఐ4ఐ, 16జీబి వేరియంట్ ఇప్పటికే మార్కెట్లో లభ్యమవుతోంది. ధర రూ.12,999.

Read More: ఈ విల్లాను మూడు గంటల్లో కట్టేసారు!

ఫోన్ ప్రత్యేకతలు ఈ విధంగా ఉన్నాయి: 5 అంగుళాల పూర్తి హైడెఫినిషన్ 1080 పిక్సల్ డిస్‌ప్లే, 1.7గిగాహెర్ట్జ్ స్నాప్‌డ్రాగన్ 615 ఆక్టా - కోర్ (1.1గిగాహెర్ట్జ్ క్వాడ్-కోర్ + 1.7గిగాహెర్ట్జ్ క్వాడ్ - కోర్) 64 బిట్ ప్రాసెసర్, 2జీబి ర్యామ్, ఆండ్రాయిడ్ 5.0 లాలీపాప్ ఆధారంగా డిజైన్ చేసిన ఎమ్ఐయూఐ 6 ఇంటర్‌ఫేస్ పై ఫోన్ రన్ అవుతుంది. 16జీబి ఇంటర్నల్ మెమరీ, 13 మెగా పిక్సల్ రేర్ ఫేసింగ్ కెమెరా (ప్రత్యేకతలు: సీఎమ్ఓఎస్ సెన్సార్, ఎఫ్/2.0 అపెర్చర్, డ్యుయల్ - టోన్ ఫ్లాష్), 5 మెగా పిక్సల్ సెల్ఫీ కెమెరా (ప్రత్యేకతలు: ఎఫ్/1.8 అపెర్చుర్ 80 డిగ్రీల వైడ్ యాంగిల్ లెన్స్), 3120 ఎమ్ఏహెచ్ బ్యాటరీ.

Read More: ఆండ్రాయిడ్ గురించి ఆసక్తికర నిజాలు

తెలుగు సహా 6 ప్రాంతీయ భాషలను ఈ ఫోన్ సపోర్ట్ చేస్తుంది. 3జీ, డ్యుయల్ సిమ్, ఎల్టీఈ, వై-ఫై, బ్లూటూత్ 4.1, జీపీఎస్ వంటి కనెక్టువిటీ ఫీచర్లను ఫోన్‌లో పొందుపరిచారు. 3,120 ఎమ్ఏహెచ్ బ్యాటరీ. డార్క్ గ్రే వేరియంట్‌లో ఈ ఫోన్‌ అందుబాటులో ఉంటుంది. జూలై 28 నుంచి Mi.com నిర్వహించే ఫ్లాష్ సేల్స్ లో భాగంగా ఈ ఫోన్ ను కొనుగోలు చేయవచ్చు.