అమెజాన్‌లో మళ్ళీ గ్రేట్ ఇండియన్ ఫెస్టివల్ సేల్స్... గ్రేట్ ఆఫర్స్....

ప్రముఖ ఇ-కామర్స్ కంపెనీలు పండుగ సీజన్‌ను క్యాష్ చేసుకునేందుకు పోటీపడుతున్నాయి. అందులో భాగంగా అమెజాన్ తన బిగ్ బిలియన్ డేస్ సేల్ ముగియగానే దీపావళి పండుగకు ముందుగానే అమెజాన్ ఫెస్టివల్ సేల్స్ ను ప్రకటించింది. ఇప్పుడు అమెజాన్‌లో దసరా సేల్ ఇలా ముగిసిందో లేదో అప్పుడే దీపావళి సేల్ సందడి మొదలైంది. సెప్టెంబర్ 29 నుంచి అక్టోబర్ 4 వరకు అమెజాన్‌లో గ్రేట్ ఇండియన్ ఫెస్టివల్ జరిగిన సంగతి తెలిసిందే. ఇప్పుడు 'సెలబ్రేషన్ స్పెషల్' పేరుతో మరోసారి గ్రేట్ ఇండియన్ ఫెస్టివల్ సేల్‌ను ప్రకటించింది అమెజాన్.

అమెజాన్ గ్రేట్ ఇండియన్ ఫెస్టివల్ సేల్స్ లో భాగంగా స్మార్ట్‌ఫోన్లపై 40 శాతం వరకు డిస్కౌంట్స్ అందిస్తోంది. నో కాస్ట్ ఈఎంఐ, ఎక్స్‌ఛేంజ్ ఆఫర్స్, ఫ్రీ స్క్రీన్ రీప్లేస్‌మెంట్ లాంటి ఆకర్షణీయమైన డీల్స్ కూడా ఉన్నాయి. ఇందులో భాగంగా రూ.32,999ల విలువైన వన్‌ప్లస్ 7 స్మార్ట్‌ఫోన్ కేవలం రూ.29,999 ధరకే కొనొచ్చు. అలాగే రెడ్‌మీ 7A, సాంసంగ్ గెలాక్సీ M30 మోడల్స్‌పై కూడా భారీ డిస్కౌంట్ లభిస్తుంది. వీటితో పాటు ఆపిల్, షియోమి, వన్‌ప్లస్, శామ్‌సంగ్, వివో, హానర్ మరియు మరిన్ని వాటిపై కూడా గొప్ప తగ్గింపు అందిస్తోంది.

ఈ సేల్స్ లో అమెజాన్ సొంత ప్రొడక్ట్స్ అయిన ఫైర్ టీవీ స్టిక్, ఫైర్ టీవీ స్టిక్ 4K, కిండిల్ లాంటి వాటిపైనా కూడా భారీ డిస్కౌంట్స్ అందిస్తోంది. ఐసీఐసీఐ బ్యాంక్ క్రెడిట్, డెబిట్ కార్డ్స్‌తో షాపింగ్ చేసేవారు అదనంగా 10 శాతం డిస్కౌంట్ పొందొచ్చు. దాంతోపాటు బోనస్ ఆఫర్ కూడా లభిస్తుంది. డెబిట్ కార్డులపై నోకాస్ట్ ఈఎంఐ సౌలభ్యం ఉంటుంది. రూ.1 లక్ష వరకు నోకాస్ట్ ఈఎంఐతో షాపింగ్ చేయొచ్చు. బజాజ్ ఫిన్ సర్వ్ కార్డులపైనా నోకాస్ట్ ఈఎంఐ వర్తిస్తుంది.

అదనంగా ఇ-కామర్స్ దిగ్గజం టీవీలపై 60 శాతం వరకు తగ్గింపును, నో-కాస్ట్ EMI, ఎక్స్ఛేంజ్ ఆఫర్లు మరియు ఉచిత డెలివరీలతో కూడా అందిస్తుంది. అమెజాన్ ఇప్పటికే Mi 50-ఇంచ్ 4K స్మార్ట్ టివి మరియు VU 43-అంగుళాల అల్ట్రా ఫుల్-హెచ్డి స్మార్ట్ టివిలో డిస్కౌంట్ వంటి కొన్ని ఒప్పందాలను అందిస్తోంది.

హెచ్‌పి, కానన్, బోట్, లెనోవా వంటి 200 బ్రాండ్ల నుండి 6,000 ఒప్పందాలు కూడా ఉంటాయి. అదనంగా అమెజాన్ ఎకో డివైస్ లు, సోలిమో స్మార్ట్ బల్బులు, కిండ్ల్ ఇ-రీడర్స్, ఫైర్ టివి స్టిక్, శామ్సంగ్ గెలాక్సీ స్మార్ట్ వాచ్‌లు మరియు మరిన్నింటిపై డిస్కౌంట్లను అందిస్తుంది.