రూ. 30 వేల ఫోన్‌ ఆర్డర్ చేస్తే 5 రూపాయల నిర్మా సోప్ వచ్చింది

By Hazarath

| Published: Wednesday, June 8, 2016, 19:02 [IST]

ఆన్‌లైన్ మోసాలు ఎంతలా జరుగుతున్నాయనేదానికి నిలువెత్తు నిదర్శనం ఈ న్యూస్. 36 వేల రూపాయల ఫోన్ ఆర్డర్ చేస్తే అందులో నిర్మా సోప్ పెట్టి పంపించారు. అది అత్యంత జనాదరణ పొందిన వెబ్ సైట్ ఫ్లిప్‌కార్ట్‌లో జరిగింది. వివరాల్లోకెళితే వాల్కేశ్వర్ ప్రాంతానికి చెందిన ఆనంద్ భాలకియా ఫోన్ ఆర్డర్ చేస్తే, డెలివరీ వచ్చింది. కానీ అట్టపెట్టె ఓపెన్ చేసి చూస్తే అందులో ఫోనుకు బదులు నిర్మా సబ్బు కనిపించింది. వెంటనే విషయాన్ని ఫ్లిప్‌కార్ట్‌కు తెలిపాడు.

వారు అది తప్పుడు ఫిర్యాదంటూ కొట్టి వేయడంతో చేసేది లేక పోలీసులను ఆశ్రయించాడు. క్యాష్ అండ్ డెలివరీ పద్దతిలో శామ్‌సంగ్ గెలాక్సీ నోట్ 4కి ఆర్డర్ చేస్తే వాళ్లు సోప్ పంపిచారని తన ఫిర్యాదులో పేర్కొన్నారు. డెలివరీ బాయ్ కి ఫోన్ చేస్తే అతను కష్టమర్ కేర్ కి కాల్ చేసి చెప్పాలంటూ వెళ్లిపోయాడని వారు సరిగా రెస్పాండ్ అవ్వలేదని పోలీసులకు తెలిపారు. ఇప్పుడు తనకు ఫోన్ అన్నా లేకుంటే మని అన్నా ఇవ్వాలని డిమాండ్ చేస్తున్నారు. అదొక్కటే కాదు ఈ ఆన్‌లైన్ డెలివరీ మోసాలు చూస్తే ఇంకా షాకవుతారు.

రూ. 30 వేల ఫోన్‌ ఆర్డర్ చేస్తే 5 రూపాయల నిర్మా సోప్ వచ్చింది

ఈ రోజుల్లో శాం సంగ్ ఫోన్ కోసం ఆర్డర్ చేస్తే ఫోన్ కు బదులు సోప్ లే వస్తున్నాయి. ఒకతను స్నాప్ డీల్ లో శాం సంగ్ ఫోన్ కోసం ఆర్డర్ చేస్తే అతను సబ్బును అందుకున్నాడు.