జాగ్రత్త... ఫ్లిప్‌కార్ట్‌లో రూల్స్ మారాయి

By Hazarath

Published: Monday, June 6, 2016, 18:52 [IST]

భారతీయ ఈ-కామర్స్ దిగ్గజం ఫ్లిప్‌కార్ట్ తన రిటర్న్ పాలసీని మారుస్తున్నట్టు ప్రకటించింది. కొనుగోలు చేసిన వస్తువు నచ్చకుంటే వినియోగదారులు 30 రోజుల్లోగా దాన్ని వెనక్కు ఇచ్చే అవకాశం ఉండగా, దాన్ని 10 రోజులకు తగ్గిస్తున్నట్టు ప్రకటించింది. మారిన ఈ రూల్ 20వ తేదీ నుంచి అమలవుతుందని స్పష్టం చేసింది.

ఫ్లిప్‌కార్ట్ నుంచి కొనుగోలు చేసిన వస్తువు తిరిగి వెనక్కు ఇవ్వాలనుకుంటే, ఏ ప్రశ్నా వేయకుండా తిరిగి డబ్బు చెల్లిస్తున్నందున అమ్మకందారులకు అదనపు నిర్వహణా ఖర్చుల భారం పెరుగుతోందని, వస్తువులు వాడుకుని, వాటిని తిరిగి ఇస్తున్న వారి సంఖ్య పెరుగుతుండటంతో పాలసీని మార్చామని తెలిపింది. కాగా ఇటీవలే అమెజాన్ సైతం తన రిటర్న్ పాలసీని మార్చిన సంగతి తెలిసిందే. ఫ్లిప్‌కార్ట్‌లో అమ్మకాలు సాగించే ఉత్పత్తుల ధరలను 9 శాతం వరకూ పెంచుతున్నట్టు అమ్మకందారులు తెలిపారు.

ఎలక్ట్రానిక్స్, బుక్స్, మొబైల్ ఫోన్లు తదితరాలపై కొత్త రిటర్న్ పాలసీ వర్తిస్తుందని తెలిపారు. అయితే ఈ నిర్ణయం ప్రభావం ఎలా ఉంటుందన్నది జూలైలోనే తమకు తెలుస్తుందని భావిస్తున్నట్టు ఫ్లిప్‌కార్ట్ ఓ ప్రకటనలో తెలిపింది. మారిన విధానంతో వ్యాపారం మరింతగా పెరుగుతుందని ఆశాభావం వ్యక్తం చేసింది. ఫ్లిప్‌కార్ట్‌లో నో కాస్ట్ ఈఎమ్ఐ కింద లభ్యమవుతున్న కాస్ట్ లీ ఫోన్లు ఇవే.