ఆశలు ఆవిరి: గూగుల్‌కు భారీ షాక్ తప్పదా..?

By Hazarath

| Published: Monday, May 16, 2016, 13:50 [IST]

ప్రపంచ సెర్చ్ ఇంజిన్ దిగ్గజం గూగుల్ టెక్ రంగంలో టాప్ ప్లేస్ ని ఆక్రమించిన ఆనందం ఎక్కువ రోజులు ఆ కంపెనీకి ఉండేలా లేదు. ఈ దిగ్గజ కంపెనీకి త్వరలోనే భారీషాక్ తగిలే అవకాశం కనిపిస్తోంది. రాయిటర్స్ రిపోర్ట్ ప్రకారం 2010లో వేసిన ఓ కేసుకు సంబంధించి ఆ సంస్థకు భారీగానే డబ్బులు ముట్టజెప్పే అవకాశాలు ఉన్నాయని తెలుస్తోంది. ఇంతకీ కేసు ఏమిటంటే సెర్చ్ ఇంజన్లో తనకు నచ్చిన కంపెనీలకే ముందు స్థానం ఇస్తూ ప్రత్యర్థులను దెబ్బతీసేందుకు ప్రయత్నిస్తోందంటూ 2010లో ఓ కేసు దాఖలైంది.

ఈ కేసులో తీర్పు గూగుల్ కు వ్యతిరేకంగా వచ్చే అవకాశాలు ఉన్నాయని తెలుస్తోంది. సుమారు 23 వేల కోట్ల (మూడు బిలియన్ యూరోల) భారీ జరిమానా పడనుందని పేర్కొంది. గత ఆరేళ్లుగా గూగుల్ యూరోపియన్ యూనియన్(ఈయూ) తో పోటీ పడి పలుదఫాలు విఫలం చెందిందనీ, ఇక ఈయూ పక్కకు తప్పుకుంటే తప్ప గూగుల్ జరిమానా నుంచి తప్పించుకోలేదని రాయిటర్స్ పేర్కొంది. ప్రస్తుతం పరిశీలనలో ఉన్న జరిమానా నిర్ణయం జూన్ మొదటి వారంలో అమల్లోకి వచ్చే అవకాశాలు ఉన్నాయని అధికారుల చెబుతున్నారు.

అంతేకాకుండా తనకు నచ్చిన కంపనీ సెర్చ్ రిజల్ట్స్ ఇచ్చే హక్కును కూడా గూగుల్ కోల్పోయే అవకాశం కూడా ఉందని అభిప్రాయపడుతున్నారు. మాములుగా సెర్చ్ లో మొదటి స్థానం సంపాదించిన కంపెనీలకూ 10 శాతం మేర జరిమాన విధించే అవకాశం ఉంది.గూగుల్ కు సంబంధించిన ఆసక్తికర నిజాలు ఓ సారి తెలుసుకుందాం.

ఆశలు ఆవిరి: గూగుల్‌కు భారీ షాక్ తప్పదా..?

గూగుల్ వ్యవస్థాపకులు 1999లో తమ సంస్థను ఎక్సైట్ (Excite) అనే కంపెనీకి 1 మిలియన్ డాలర్లకు విక్రయించేందుకు సిద్ధమయ్యారు. అయితే ఆ డీల్ కాస్త కుదరలేదు.

ఆశలు ఆవిరి: గూగుల్‌కు భారీ షాక్ తప్పదా..?

గూగుల్ ఉద్యోగి మరణిస్తే అతను లేదా ఆమె జీవిత భాగస్వామికి 10 సంవత్సరాల పాటు గూగుల్ సగం జీతం చెల్లిస్తుంది. సదరు ఉద్యోగి పిల్లలకు 19 సంవత్సరాల వచ్చేంత వరకు నెలకు 1,000 డాలర్లను గూగుల్ చెల్లిస్తుంది.