అరగంటలో 610 కిలోమీటర్ల ప్రయాణం?

Updated: Tuesday, June 30, 2015, 20:38 [IST]

10 గంటల్లో చేరుకోవల్సిన గమ్యస్థానానికి కేవలం 30 నిమిషాల్లో చేరుకుంటే..? ఇంకేముందు పనులన్ని చకచకా జరిగిపోతాయ్! ఎలాన్ మస్క్ ఆలోచన ఫలిస్తే ఈ తరహా ప్రయాణాన్ని భవిష్యతలో మనం కూడా చేయగలం.

ప్రయాణికులను నిమిషాల్లో గమ్యస్థానాలకు చేర్చేందుకు ఎలాన్ మస్క్ ఆలోచనల నుంచి పుట్టుకొచ్చిన హైపర్ లూప్ అనే క్రేజీ ప్రాజెక్ట్ త్వరలోనే వాస్తవరూపాన్ని అద్దుకోబోతోంది. ఈ సరికొత్త రవాణా వ్యవస్థను వచ్చే ఏడాది అమెరికాలో ప్రారంభించేందుకు సన్నాహాలు చేస్తున్నారు. ముందుగా లాస్ ఏంజెలిస్ నుంచి శాన్ ఫ్రాన్సిస్కో వరకు 610 కిలోమీటర్ల మేర ఈ వ్యవస్థను ఏర్పాటు చేయనున్నారు. ఇందుకుగాను దాదాపు 1600 కోట్ల డాలర్లు ఖర్చవుతుందని ఓ ప్రథమిక అంచనా.

హైపర్‌లూప్ టెక్నాలజీ కాన్సెప్ట్

ప్రముఖ ఆన్‌లైన్ చెల్లింపు వెబ్‌పైట్ పేపాల్ సహవ్యవస్థాపకుడు ఎలాన్ మస్క్ అంతిమంగా తన హైపర్ లూప్ ప్రాజెక్టుకు సంబంధించిన ప్రణాళికలను బహిర్గతం చేసాడు. అసలేంటీ హైపర్ లూప్ ప్రాజెక్టు..?, ఈ ప్రాజెక్టు వల్ల ఏంటి ఉపయోగం..? అన్న ప్రశ్నలు మీలో ఉత్పన్నమవచ్చు. హైస్పీడ్ రైలు కన్నా మించిన వేగంతో ప్రయాణీంచే హైపర్ లూప్ క్యాప్సూల్ అమెరికాలోని లాస్ ఏంజెలిస్ - శాన్ ఫ్రాన్సిస్కోల మధ్యదూరాన్ని కేవలం 30 నిమిషాల్లో అధిగమించగలదు.

Read More: చైనా ఎందుకంత చవక..?

ఇంతకీ హైపర్ లూప్ క్యాప్సూల్ ఏలా ప్రయాణిస్తుంది..? ఈ వాహనం వేగం గంటకు ఏంత..? అక్కడికే వస్తున్నా.. హైపర్‌లూప్ ఏర్పాటు చేసిన ప్రత్యేక ట్యూబ్ మార్గం ద్వారా ప్రయాణిస్తుంది. గంటకు 1200 కిలోమీటర్ల వేగంతో ప్రయాణించే సామర్ధ్యాన్ని ఈ వాహనం కలిగి ఉంటుంది. ఈ వాహనం కోసం గంటకు ఏడొందల క్యాప్సూల్స్ ను రూపొందిస్తారు. ఆ క్యాప్సూల్ ఒక్కొక్కటి 28 సీట్ల సామర్ద్యం కలిగి ఉంటుంది.

Read More: ఆ భయానక ప్రదేశాలను చూస్తారా..?
ఈ క్యాప్సుల్స్ అత్యంత శక్తివంతమైన ఫ్యాన్ ను అమర్చడం ద్వారా.. ట్యూబ్ ఈ చివరి దాకా గాలినిరోధాన్ని పూర్తిస్థాయిలో తగ్గిస్తారు. తద్వారా క్యాప్సూల్స్ ఆ వేగాన్ని కొనసాగిస్తాయి. అదే సమయంలో, అవి ప్రమాదానికి గురికాకుండా అడుగుభాగంలో అయిస్కాంత శక్తిని ఉపయోగిస్తారు. అంటే.. ప్రతి క్యాప్సూల్ గాలిలో కొంచెం కూడా కుదుపు లేుకుండా ప్రయాణిస్తుందన్నమాట.