నోకియా మళ్లీ కోతలు షురూ చేసింది

By Hazarath

Published: Monday, May 23, 2016, 11:13 [IST]

నోకియా కనెక్టింగ్ పీపుల్ అంటూ ఒకప్పుడు మార్కెట్ ను ఏలిన నోకియా రాను రాను తన ప్రస్థానాన్ని కోల్పోతూ వచ్చింది. స్మార్ట్ ఫోన్ల హవా మార్కెట్లో పోటీని తట్టుకోలేక నోకియా చతికిలపడింది కూడా. అయితే ఇప్పుడ ఖర్చులను తగ్గించుకునే పనిలో పడింది. తన సొంత గడ్డపైనే ఉద్యోగుల్లో భారీగా కోతలు పెడుతుంది. భారీ నష్టాల కారణంగా సంస్థ ఆదాయం కుదేలవ్వడంతో ఈ సంచలన నిర్ణయం తీసుకుంది.

కాస్ట్ కటింగ్ పేరుతో గత దశాబ్ద కాలంగా ఉద్యోగుల సంఖ్యకు కోతవేస్తూ వచ్చిన నోకియా తాజాగా ఫిన్లాండ్లో 1,032 ఉద్యోగులను తొలగిస్తున్నట్లు ప్రకటించింది. దీంతోపాటు భవిష్యత్తులోనూ మరిన్ని ఉద్యోగాలకు కోత విధించనున్నట్లు ప్రకటించింది. ఇటీవలే నోకియా అల్కాటెల్ ల్యూసెంట్ అనే కంపెనీని విలీనం చేసుకుంది. ఈ నేపథ్యంలో బిలియన్ డాలర్ ఆదాయాన్ని మిగిల్చుకునే వ్యూహంలో భాగంగా ఈ చర్యకు దిగినట్లు తెలుస్తోంది. అయితే ఎంతమందిని తీసేస్తుందన్న విషయంపై కచ్చితమైన వివరాలు ఇచ్చేందుకు సంస్థ నిరాకరించింది.

ఆయా దేశాల్లో తమ ప్రతినిధులతో మాట్లాడిన తర్వాత నిర్ణయం తీసుకోనున్నట్లు వెల్లడించింది. దాదాపు 30 దేశాల ఉద్యోగ ప్రతినిధులతో చర్చలు జరపనున్నట్టు వెల్లడించింది. కాగా ప్రపంచ వ్యాప్తంగా నోకియాకు సుమారు ఒక లక్షా నాలుగువేల మంది ఉద్యోగులు ఉన్నారు.

ఫిన్ లాండ్ లో 6.850, జర్మనీలో 4800, ఫాన్స్ లో 4,200 మంది ఉన్నారు. ఇదిలా ఉంటే నోకియా ఫోన్లు మళ్లీ మార్కెట్లో హల్‌చల్ చేయనున్నాయనే వార్తల నేపథ్యంలో .. ఉద్యోగులపై వేటు వేయడం సంచలనంగా మారింది.

మార్కెట్లో ఇప్పటికీ దొరుకుతున్న నోకియా ఫోన్లు గురించి తెలుసుకుందాం.