టాటా స్కై అన్ని లైట్ ప్యాక్‌లను నిలిపివేస్తోంది

టాటా స్కై నిలిపివేసే లైట్ ప్యాక్ వివరాలు:

డ్రీమ్‌డిటిహెచ్‌పై వచ్చిన నివేదిక ప్రకారం టాటా స్కై లైట్ ప్యాక్‌ల నిలిపివేత వెంటనే అమలులోకి వస్తుంది. కింద వున్న ప్యాక్‌లు ముందు జోడించి ఉన్న చందాదారులు ప్యాకేజీ నుండి లైట్ ప్యాక్‌ను తొలగించిన తేడా కనిపించదు.వీటిని తొలగించిన తర్వాత వినియోగదారులు వాటిని మళ్లీ జోడించలేరు.

టాటా స్కై నిలిపివేసిన లైట్ ప్యాక్‌లలో కన్నడ లైట్, తమిళ లైట్, తెలుగు లైట్, ఓడియా లైట్, ఓడియా లైట్ హెచ్‌డి, బెంగాలీ లైట్, హిందీ లైట్, హిందీ లైట్ హెచ్‌డి, గుజరాతీ లైట్ మరియు గుజరాతీ లైట్ హెచ్‌డి ప్యాక్‌లు ఉన్నాయి.

మూసివేయబడిన మరిన్ని సర్వీసులు:

కరావుకే సర్వీస్:

DTH ఆపరేటర్ కరావుకే అనే మొదటి వీడియో ఆధారిత సంగీత సర్వీస్ ను ఫిబ్రవరి 2014 లో హంగామాతో కలసి పరిచయం చేశారు. ఇది టాటా స్కై + HD సెట్-టాప్-బాక్స్ కనెక్షన్ల కోసం ఉద్దేశించబడింది. మ్యూజిక్ వీడియోతో పాటు సాహిత్యాన్ని చూపించడానికి ఉపయోగించే ఈ సర్వీస్ మీకు పాట పాడటానికి కూడా అవకాశం ఇస్తుంది. కానీ ఇప్పుడు టాటా స్కై కరావుకే సర్వీస్ ను ఆగస్టు 28 నుండి మూసివేయుచున్నది.

ఒకవేళ మీరు HD + సెట్-టాప్-బాక్స్ కొనుగోలు చేసి ఉంటే మరియు ప్రస్తుతం ఈ ప్యాక్‌కు చందా పొందినట్లయితే అది మీ ఖాతా నుండి తొలగించబడుతుంది. ఒకవేళ మీరు సెమీ-వార్షిక లేదా వార్షిక చందా చేసినట్లయితే అది మీకు ప్రో-రాటా ప్రాతిపదికన తిరిగి ఇవ్వబడుతుంది. మీకు నెలవారీ సభ్యత్వం ఉంటే కనుక మీరు డబ్బు వాపసు కోసం అర్హులు కారు.

గురుస్ సర్వీస్:

ఆగస్టు 31 అర్ధరాత్రి నుండి నిలిచిపోయే మరోక సర్వీస్ "టాటా స్కై గురుస్". దీని ద్వారా ఆధ్యాత్మిక గురువుల బోధనలను అందించడానికి ఈ సేవను డిసెంబర్ 2016 లో ప్రారంభించారు. ఇది బ్రహ్మ కుమారిస్, సద్గురు జగ్గీ వాసుదేవ్ మరియు శ్రీ శ్రీ రవిశంకర్ల నుండి ఆధ్యాత్మిక బోధనలను అందిస్తు ఉండేది. చందాదారులు ఈ ఛానెల్ ను డ్రాప్ చేయకపోతే ఆగస్టు 31 నుండి స్వయంచాలకంగా ‘టాటా స్కై ఆరాధన' కి తరలించబడతారు.