ప్రపంచంలోనే అత్యంత విలువైన బ్రాండ్‌ టీసీఎస్

By Hazarath

Published: Thursday, February 4, 2016, 11:45 [IST]

ఐటీ రంగంలో ఇప్పుడు మకుటం లేని మారాజుగా టీసీఎస్ నిలిచింది. అంతర్జాతీయ ప్రముఖ బ్రాండ్ వేల్యూయేషన్ కంపెనీ బ్రాండ్ ఫైనాన్స్ రూపొందించిన 2016 వార్షిక జాబితాలో టీసీఎస్ కు ప్రధమస్థానం దక్కిందని కంపెనీ వెల్లడించింది. ప్రపంచవ్యాప్తంగా వేలాది బ్రాండ్లను పరిగణనలోకి తీసుకొని ఈ జాబితాను బ్రాండ్ ఫైనాన్స్ తయారు చేసింది.

వీటితో పాటు నిబద్ధత, ఉద్యోగుల సంతృప్తి, కార్పొరేట్ పేరు, ప్రఖ్యాతులు తదితర అంశాలను పరిగణనలోకి తీసుకొని రూపొందించిన ఈ జాబితాలో 78.3 పాయింట్ల స్కోర్ తో, ఏఏప్లస్ రేటింగ్ తో అగ్రస్థానంలో నిలిచామని టీసీఎస్ పేర్కొంది. అన్నిరంగాల పరంగా చూస్తే అత్యంత శక్తివంతమైన బ్రాండ్ గా డిస్ని, అత్యంత విలువైన బ్రాండ్ గా ఆపిల్ నిలిచాయని తెలిపారు.

గత ఆరేళ్లలో అత్యంత వేగంగా వృద్ధి చెందిన బ్రాండ్ గా కూడా టీసీఎస్ నిలిచింది. 2010 లో 234 కోట్ల డాలర్లుగా ఉన్న టీసీఎస్ బ్రాండ్ విలువ ఈ ఏడాది 940 కోట్ల డాలర్లకు పెరిగింది. ఇక తమ కంపెనీలోని 3,44,000 మంది ఉద్యోగుల కృషి ఫలితంగానే అగ్రస్థాయి ఐటీ కంపెనీగా ఎదిగామని టీసీఎస్ సీఈఓ, ఎండీ, ఎన్. చంద్రశేఖరన్ చెప్పారు.ఈ సంధర్భంగా టాప్ టెన్ లో ఉన్న వాల్యుబుల్ టెక్ బ్రాండ్స్ ఏంటో చూద్దాం.