ఇస్రోతో చేతులు కలిపిన తెలంగాణా రాష్ట్రం

By Hazarath

Published: Saturday, August 6, 2016, 12:07 [IST]

పరిపాలనలో టెక్నాలజీ పాత్ర పెంచడంపై దృష్టి పెట్టిన తెలంగాణ ప్రభుత్వం మరో అడుగు ముందుకేసింది.ఇందులో భాగంగా భారత అంతరిక్ష పరిశోధనా కేంద్రం(ఇస్రో)తో తెలంగాణ సర్కారు కీలక ఒప్పందం కుదుర్చుకుంది. హైదరాబాదులో నేటి ఉదయం జరిగిన ఓ కార్యక్రమంలో తెలంగాణ భారీ నీటిపారుదల శాఖ మంత్రి తన్నీరు హరీశ్ రావు, ఇస్రో చైర్మన్ కిరణ్ కమార్ ల సమక్షంలో ఇరు వర్గాలకు చెందిన అధికారులు ఒప్పందాలపై సంతకాలు చేశారు.

ప్రాణాలు గాల్లో కలుస్తుంటే వీరేం చేస్తున్నారో చూడండి

ఈ ఒప్పంద ప్రకారం... ఇకపై సాగునీటి ప్రాజెక్టుల్లో నీటి నిల్వలు, ఆయా ప్రాజెక్టుల పరిధిలోని ఆయక్టటు, కాల్వలకు సంబందించిన సమగ్ర సమాచారం కోసం డ్రోన్ పరిజ్ఞానాన్ని వినియోగిస్తారు. ఈ తరహా వివరాల కోసం ఇస్రో సహకారం తీసుకుంటున్న తొలి రాష్ట్రంగా తెలంగాణ చరిత్రకెక్కింది. జలాశయాల్లోని నీటి నిల్వలను ఉపగ్రహంతో విశ్లేషించనున్న తొలి రాష్ట్రంగా తెలంగాణ నిలుస్తుందని మంత్రి హరీష్‌రావు అన్నారు. ఒప్పందంలో భాగంగా జరిగే కార్యక్రమాలు మంత్రి హరీష్‌రావు ఆధ్వర్యంలో జరగనున్నాయి.

ఇస్రో మరో రికార్డు : ఒకేసారి 22 ఉపగగ్రహాలు నింగిలోకి

సరిగా తన కాళ్లపై తాను నిలబడలేని రోజుల్లో, 1960లలో భారత్‌ ఖగోళం వైపు కన్నెత్తి చూడటంపై అంతా ఆశ్చర్యం వ్యక్తం చేశారు. పురాతన పనిముట్లతోనే పరిశ్రమలు బండి లాగిస్తున్న రోజుల్లో అందమైన చందమామను అందుకోవడం గురించి కలలు కనడంపై పెదవి విరిచారు. కానీ, అవేవీ బుడి బుడి అడుగులను అడ్డుకోలేక పోయాయి. నెహ్రూ, హోమీ బాబా, విక్రంసారాభాయ్‌ త్రయం కలల పునాదులపై ప్రారంభమైన ఆ అడుగులు ఒక్కో లక్ష్యాన్ని ఛేదించుకుంటూ ముందుకు పడుతున్నాయి...పడుతూనే ఉంటాయి.. అలాంటి వెన్నెల వెలుగు ఇస్రో గురించి మనం తెలుసుకోవాల్సిన నిజాలు చాలానే ఉన్నాయి.

వెన్నెల వెలుగు ఇస్రో

1969లో సరిగ్గా ఇండిపెండెన్స్ డే రోజున ఇస్రో పురుడుపోసుకుంది. దీనికి పురుడుపోసిన వారు విక్రం సారాభాయి

వెన్నెల వెలుగు ఇస్రో

SLV-3 మొట్టమొదటి ఇండియా స్వదేశీ ఉపగ్రహ ప్రయోగం. దీన్ని దివంగత మాజీ రాష్ర్టపతి ఎపిజె అబ్దుల్ కలాం సారధ్యంలో ప్రయోగించారు. కలాం ప్రాజెక్ట్ డైరక్టర్ గా ఉన్నారు.