లీకయిన అక్రమ సంబంధాల పాస్‌వర్డ్ ఇదే

నా ప్రేయసిని కోల్పోయాను నా ఇల్లు కూడా పోయింది. పిల్లలకు మొహం కూడా చూపించలేకపోతున్నానంటూ ఒకరు ఆ సైట్ లో తన ఆవేదనను వెలిబుచ్చారట

నా ప్రపంచం ఒక్కసారిగా తలకిందులైపోయింది. సమాజంలో మొహం ఎత్తుకోలేకపోతున్నాననేది మరొకరి గాధ

నేను చీట్ చేశాను కాని నేను దొరకలేదు మరొకరితో రాసక్రీడలు సాగిస్తున్న నా ప్రేయసి దొరికిపోయింది. అయినా ఆమెను క్షమించేశాను అయినా ఆమె నన్ను విడిచి వెళ్లిపోయింది..ఇది మరొకరి ఆవేదన

నా మనసంతా కకావికలమైంది గుట్టు చప్పుడు కాకుండా మరొకరితో నేను సాగిస్తున్న సంబంధాలను ఇంకేమాత్రం భరించలేను అందుకు స్వస్తి చెబుతున్నా అనేది మరొకరి రియాక్షన్

నేను చేసిన చీటింగ్ కు క్షమించమని వేడుకున్నా అయినా నా ప్రేయసి నన్ను కాదని వెళ్లిపోయిందంటూ ఓ రాసలీలుడు తన కథను అందులో వినిపించాడు

అయితే కథలతో పాటు ప్రతీకార స్పందనలు కూడా అనేకం ఉన్నాయి. నేను ఆయన కోసం షాపింగ్ చేస్తుంటే అక్కడ మరో యువతితో కులుకుతాడా అందుకు ప్రతీకారం తీర్చుకోవడం కోసమే నేను మరొక యువకుడితో రాత్రి గడిపానంటూ ఓ యువతి తన ఆక్రోశాన్ని అందులో పోసింది.

ఈ దెబ్బతో అక్రమ సంబంధాలు లీక్ అయ్యాయని యాష్లే మాడిసన్ వెబ్‌సైట్ వినియోగదారులు చాలామంది ఆత్మహత్యలు చేసుకున్నారు. తమ రంకు బాగోతం బయటకు తెలియడమే ఇందుకు కారణం.

యాష్లే మాడిసన్ వెబ్‌సైట్‌పై హ్యాకర్లు దాడి చేసి అందులో అక్రమ సంబంధాలు నెరపుతున్నవారి సమాచారాన్ని తస్కరించిన విషయం తెలిసిందే. తమకు కోరినంత డబ్బు ఇవ్వాలని లేకుంటే ఆ సమాచారాన్ని లీక్ చేస్తామని హ్యకర్లు బేరసారాలకు దిగారు. వారు కోరినంత మొత్తము ఇవ్వలేమని సదరు వెబ్‌సైట్ చేతులెత్తేసింది.

దీనితో సుఖ జీవుల పేర్లను విడతల వారీగా హ్యాకర్లు విడుదల చేస్తున్నారు.ఇప్పటివరకు ఇలా 3 కోట్ల అక్రమ సంబంధాల గుట్టు విప్పేసింది. ఆ దెబ్బతో యాష్లే మాడిసన్ వినియోగదార్లు తమ కొంప కొల్లేరు అయిందని లబోదిబోమన్నారు. 

పరిస్థితి చేయి దాటిపోంతుందని తలచిన పోలీసులు హ్యాకర్లను పట్టుకునే పనిలో పడ్డారు. అటు యాష్లే మాడిసన్ వెబ్‌సైట్ మాతృ సంస్థ అవిద్ లైఫ్ మీడియా కూడా రంగంలోకి దూకింది. హ్యాకర్లను పట్టిచ్చిన వారికి రెండున్నర కోట్ల రూపాయల నజరానా ఇస్తామని ప్రకటించింది.

యాష్లే మాడిసన్ వెబ్‌సైట్ ఈ జీవితం చిన్నది..ఎఫైర్ పెట్టుకో అనే నినాదంతో ఆన్‌లైన్ డేటింగ్ వెబ్‌సైట్‌గా పని చేస్తోంది. 

కొందరు జీవిత భాగస్వాముల దగ్గర మొఖం చెల్లక తీవ్ర మానసిక ఆందోళనకు గురై ఆత్మహత్యలకు పాల్పడ్డారు.

దీనికి 46 దేశాల్లో వినియోగదారులు ఉన్నారు. బ్రిటన్ ఎమ్‌పీలు, వైట్ హౌజ్ ప్రముఖులు సైతం ఇందులో సభ్యులుగా ఉన్నారని వార్తలు వచ్చాయి.

అయితే కథలను బయటపెట్టిన విష్పర్ యాప్ 2012లో ప్రారంభమయింది. దీనికి ప్రపంచ వ్యాప్తంగా యూజర్లు ఉన్నారు. ఈ యాప్ లో మీ పేరు ఊరు లేకుండా ఫోన్ నెంబర్ లేకుండా సందేశాలను పంపే వీలుంది.