Vivo Y31s 5G బడ్జెట్ స్మార్ట్‌ఫోన్ లాంచ్!! అద్భుతమైన ఫీచర్స్....

Published: Thursday, January 14, 2021, 13:22 [IST]

స్మార్ట్‌ఫోన్ యొక్క తయారీ సంస్థలు ఇప్పుడు తమ యొక్క ఫోన్లను అన్నిటిని కూడా 5G ఫీచర్లతో విడుదల చేయడం మొదలుపెట్టాయి. వివో బ్రాండ్ కూడా 5G ఫీచర్లతో కొత్తగా మిడ్-రేంజ్ ధరలో వివో Y31s స్మార్ట్‌ఫోన్లను విడుదల చేసింది. క్వాల్కమ్ స్నాప్‌డ్రాగన్ 480 ప్రాసెసర్, 5G సపోర్ట్ మరియు 90HZ రిఫ్రెష్ రేట్ డిస్ప్లే వంటి స్పెసిఫికేషన్‌లతో 4GB ర్యామ్ / 128GB స్టోరేజ్ మరియు 6GB ర్యామ్ / 128GB స్టోరేజ్ వంటి రెండు వేరియంట్‌లలో లభించే ఈ ఫోన్ గురించి మరిన్ని వివరాలు తెలుసుకోవడానికి ముందుకు చదవండి.

వివో Y31s స్మార్ట్‌ఫోన్ ధరల వివరాలు

వివో Y31s స్మార్ట్‌ఫోన్ యొక్క 4GB ర్యామ్ / 128GB స్టోరేజ్ వేరియంట్‌ యొక్క ధర Yuan 1,498 (సుమారు రూ .17,000) కాగా 6GB ర్యామ్ / 128GB స్టోరేజ్ వేరియంట్‌ యొక్క ధర Yuan1,698 (సుమారు రూ .19,300). ఇది గ్రే, రెడ్ మరియు సిల్వర్ కలర్ ఆప్షన్లలో అందుబాటులో ఉంటుంది. ఇది జనవరి 15 నుండి షిప్పింగ్ ప్రారంభమవుతుంది మరియు ప్రస్తుతం సంస్థ యొక్క అధికారిక వెబ్‌సైట్‌లో ప్రీ-బుకింగ్ కోసం అందుబాటులో ఉంది. పరికరం కోసం అంతర్జాతీయ ధర మరియు లభ్యతను కంపెనీ ఇంకా వెల్లడించలేదు.

వివో Y31s స్మార్ట్‌ఫోన్ స్పెసిఫికేషన్స్

వివో Y31s స్మార్ట్‌ఫోన్ యొక్క 6.58-అంగుళాల ఫుల్ హెచ్‌డి + డిస్‌ప్లే 2408 × 1080 పిక్సెల్‌ల రిజల్యూషన్‌తో వస్తుంది. దీని యొక్క డిస్ప్లే 90HZ రిఫ్రెష్ రేట్ మరియు 90.61 శాతం స్క్రీన్-టు-బాడీ రేషియోతో వస్తుంది. ఇది అడ్రినో 619 GPUతో జత చేసిన కొత్త క్వాల్కమ్ స్నాప్‌డ్రాగన్ 480 ప్రాసెసర్‌తో రన్ అవుతుంది. ఈ బడ్జెట్ ప్రాసెసర్‌తో 5G నెట్‌వర్క్‌లకు మద్దతును ఇచ్చే స్నాప్‌డ్రాగన్ 4 ఎక్స్‌ఎక్స్ సిరీస్‌లో కంపెనీ మొదటిది. ఇతర కనెక్టివిటీ ఎంపికలలో 4G వోల్టిఇ, డ్యూయల్-బ్యాండ్ వై-ఫై, బ్లూటూత్ 5.1 మరియు జిపిఎస్ వంటివి ఉన్నాయి.

వివో Y31s స్మార్ట్‌ఫోన్ 18W ఫాస్ట్ ఛార్జింగ్ ఫీచర్స్

వివో Y31s స్మార్ట్‌ఫోన్ వెనుక భాగంలో డ్యూయల్ కెమెరా సెటప్‌ను కలిగి ఉంటుంది. ఇందులో 13MP ప్రైమరీ సెన్సార్‌తో మొదటి కెమెరా మరియు డెప్త్ సెన్సార్‌తో 2MP సెకండరీ కెమెరాను కలిగి ఉంటుంది. సెల్ఫీలు మరియు వీడియో కాలింగ్ కోసం ముందు భాగంలో 8MP కెమెరాను కలిగి ఉంటుంది. అలాగే ఇది 6GB DDR4 ర్యామ్ మరియు 128GB ఇంటర్నల్ స్టోరేజ్‌తో ప్యాక్ చేయబడి వస్తుంది. ఇందులో గల మైక్రో SD కార్డ్ సాయంతో దీనిని మరింత విస్తరించవచ్చు. ఇది గూగుల్ యొక్క ఆండ్రాయిడ్ 11 ఆపరేటింగ్ సిస్టమ్‌తో పాటుగా కంపెనీ యొక్క సొంత ఫన్‌టచ్ OS10.5 స్కిన్‌తో రన్ అవుతుంది. అలాగే ఇది 18W ఫాస్ట్ ఛార్జింగ్‌ మద్దతుతో 5,000mAh బ్యాటరీతో ప్యాక్ చేయబడి వస్తుంది.