Vi టెల్కో అందించే 50GB బోనస్ డేటాను పొందడం ఎలా??

Vi 50GB బోనస్ డేటా ఆఫర్

వోడాఫోన్ ఐడియా (Vi) వినియోగదారులు తమ యొక్క Vi మొబైల్ యాప్‌ ద్వారా రూ.2,595 ధర వద్ద లభించే ప్లాన్ తో రీఛార్జ్ చేసిన వినియోగదారులకు అదనంగా ‘ఎక్స్‌ట్రా 50GB' డేటాను అందిస్తున్నట్లు యాప్‌లో చూడవచ్చు. ఈ 50GB అదనపు డేటా ప్లాన్ యొక్క మొత్తం 365 రోజుల గడువు కాలం ముగిసే వరకు ఎప్పుడైనా ఉపయోగించడానికి వీలుగా ఉంటుంది. ఈ ఆఫర్ ఎంతకాలం వరకు అందుబాటులో ఉంటుందో అన్న దానిపై వొడాఫోన్ ఐడియా ఎటువంటి వివరణ ఇవ్వలేదు. అయితే ఇది పరిమిత సమయ ఆఫర్ అని భావిస్తున్నారు. కాబట్టి మీరు ఈ ప్లాన్‌ను పొందాలని ఆలోచిస్తుంటే కనుక వెంటనే ఈ ప్లాన్‌తో రీఛార్జ్ చేసుకొని 50GB అదనపు డేటా ప్రయోజనాన్ని పొందవచ్చు.

Vi రూ.2,595 రీఛార్జ్ ప్లాన్ ప్రయోజనాలు

వోడాఫోన్ ఐడియా(Vi) టెల్కో తన యొక్క వినియోగదారులకు రూ.2,595 ధర వద్ద అందించే ప్రీపెయిడ్ ప్లాన్ యొక్క ప్రయోజనాల విషయానికి వస్తే ఈ ప్లాన్ వినియోగదారులకు 365 రోజుల చెల్లుబాటుతో రోజుకు 2GB FUP డేటాను మరియు భారతదేశంలోని ఏ నెట్‌వర్క్‌కైనా అపరిమిత వాయిస్ కాలింగ్ మరియు రోజుకు 100SMS ప్రయోజనాలను అందిస్తుంది. అలాగే అదనపు ప్రయోజనాలలో ఒక సంవత్సర చెల్లుబాటుతో ZEE5 ప్రీమియం యొక్క ఓవర్-ది-టాప్ (OTT) ప్రయోజనాన్ని పొందుతారు.

780GB డేటాను అందించే Vi టెల్కో ప్లాన్

వోడాఫోన్ ఐడియా(Vi) టెల్కో సాధారణంగా రూ.2,595 రీఛార్జ్ ప్లాన్‌తో వినియోగదారులకు మొత్తం చెల్లుబాటు కాలంలో 730GB డేటాను అందిస్తుంది. కానీ ప్రస్తుతం అందిస్తున్న బోనస్ డేటాను కలుపుకొని వినియోగదారులు 780GB డేటాను పొందుతున్నారు. టెల్కో యొక్క వెబ్‌సైట్ నుండి రీఛార్జ్ చేసిన వినియోగదారులకు ఈ ఆఫర్ వర్తించదు. ఇది Vi యాప్ యొక్క ప్రత్యేకమైన ఆఫర్ కావున యాప్ లో రీఛార్జ్ చేసిన వారికి మాత్రమే 50GB అదనపు డేటా లభిస్తుంది.

Vi రూ.2,595 రీఛార్జ్ ప్లాన్‌లో వీకెండ్ డేటా రోల్‌ఓవర్ ఆఫర్

Vi రూ.2,595 రీఛార్జ్ ప్లాన్‌లో Vi మూవీస్ & టీవీ క్లాసిక్‌లకు ఉచిత యాక్సిస్ వంటి మరిన్ని మౌలిక ప్రయోజనాలు చేర్చబడ్డాయి. ఇందులో అనేక సినిమాలను మరియు లైవ్ టీవీ ఛానెల్‌లను చూడడానికి యాక్సిస్ ను కలిగి ఉంటుంది. ఈ ప్లాన్‌ ‘వీకెండ్ డేటా రోల్‌ఓవర్' ఆఫర్‌తో కూడా కలుపుకొని లభిస్తుంది. ఈ ఆఫర్‌తో వినియోగదారులు రోజులో మిగిలిపోయిన డేటాను వారాంతంలో (శనివారం నుండి ఆదివారం వరకు) ఉపయోగించుకోవడానికి అనుమతిని ఇస్తుంది.