అంగారకుడిపై ఉప్పు నీటి ప్రవాహం

అంగారకుడిపై ద్రవరూపంలో నీటి నిల్వలు

అంగారక గ్రహం (మార్స్)పై జరిపిన పరిశోధనల్లో భాగంగా ఆ గ్రహం ఉపరితలంపై కొనుగొన్న మిస్టరీని అమెరికా అంతరిక్ష సంస్థ నాసా బహిర్గతం చేసింది. అంగారకుడిపై ద్రవరూపంలో నీటి నిల్వలు ఉన్నట్లు గుర్తించామని నాసా పేర్కొన్నది. అవి ఉప్పు నీటి నిల్వలు లాగా ఉన్నాయని తెలిపింది.

నాసా ప్లానెటరీ సైన్స్ డైరెక్టర్ జిమ్ గ్రీన్

అంగారకుడి ఉపరితలం పొడిగా ఉంటుందని గతంలో ఊహించామని, అయితే అందుకు విరుద్ధంగా ద్రవరూపంలో ఉన్న నీటి నిల్వలను కనుగొన్నామని సోమవారం మీడియా సమావేశంలో నాసా ప్లానెటరీ సైన్స్ డైరెక్టర్ జిమ్ గ్రీన్ తెలిపారు.మార్స్ ఎక్స్ ప్లోరేషన్ లో భాగంగా ఈ విషయాన్ని తెలుసుకున్నామని లీడ్ సైంటిస్ట్ మేయర్ ప్రకటించారు.

గతంలో అంగారక గ్రహంపై స్వేచ్ఛగా నీటి ప్రవాహం

గతంలో అంగారక గ్రహంపై స్వేచ్ఛగా నీటి ప్రవాహం కొనసాగిందడానికి లోయలు, కనుమలే అందుకు సాక్ష్యమని అభిప్రాయాన్ని శాస్త్రవేత్తలు వ్యక్తం చేశారని ఆయన తెలిపారు. మూడు బిలియన్ల ఏండ్ల క్రితం వాతవరణ పరిస్థుతుల్లో భారీ మార్పులు సంభవించి ఉంటాయని గ్రీన్ వివరించారు.

అంగారకుడి ఉపరితలంపై నుంచి జారిన నీటీ ప్రవాహం

అంగారకుడి ఉపరితలంపై గాలిలో తేమ, నేల తడిగా ఉన్నట్లు రోవర్లు గుర్తించాయని పేర్కొన్నారు. ఏటవాలుగా ఉన్న అంగారకుడి ఉపరితలంపై నుంచి జారిన నీటీ ప్రవాహం సంబంధించిన నల్లటి చారలను నాలుగేండ్ల క్రితమే గమనించామన్నారు. ఈ నీరు ప్రవహిస్తోందని ఆయన తెలిపారు.

నీటి ప్రవాహం కారణంగానే ఇలాంటి ఎత్తుపల్లాలు

వసంత కాలంలో ఇలాంటి చారలు ఏర్పడి.. వేసవిలో పెరుగుతాయని, నీటి ప్రవాహం ఎక్కువగా ఉండే వర్షకాలంలో అవి తుడిచిపెట్టుకుపోతాయనే శాస్త్రవేత్తల వాదనకు తమవద్ద ఎలాంటి ఆధారాలు లేవన్నారు. తాము చేసిన పరిశోధనలతో నీటి ప్రవాహం కారణంగానే ఇలాంటి ఎత్తుపల్లాలు ఏర్పడ్డాయని బలంగా నమ్ముతున్నామన్నారు. ఇక్కడ ఉన్న నీరు వాతావరణ పరిస్థితులకు అనుగుణంగా మారుతున్నట్లు తేలిందన్నారు.

google డూడ్‌ల్‌

అంగారక గ్రహంపై నీటి నిల్వలు ఉన్నాయని నాసా వెల్లడించిన విషయం విదితమే. ఈ నేపథ్యంలో.. గూగుల్ తన డూడ్‌ల్‌ను ఇవాళ్టికి మార్చింది. google డూడ్‌ల్‌లోని మూడో అక్షరం ‘O'లో అంగారక గ్రహన్ని తయారు చేశారు.

గూగుల్ లోగోలో ఆకాశంలో నక్షత్రాలు

అంతే కాకుండా గ్రహంపై నీటి నిల్వలు ఉన్నట్లు.. ఆ నీటిని గ్లాసులో తీసుకుని ఓ బాలుడు త్రాగుతున్నట్లు చిత్రీకరించారు. గూగుల్ లోగోలో ఆకాశంలో నక్షత్రాలు ఉన్నట్లు చిత్రీకరించడం జరిగింది. ప్రపంచంలో ఏదైనా ప్రత్యేకత జరగడం, కొత్త సన్నివేశాలు చోటు చేసుకున్నప్పుడు గూగుల్ ఇలా వినూత్నంగా స్పందించడం ప్రత్యేకం.

గతంలోనే భారత్ ప్రకటన

నాసా విడుదల చేసిన ఛాయా చిత్రాల ప్రకారం అంగారక గ్రహంలోని నీరు చిక్కగా ఉన్నట్లు తెలుస్తోంది. కాగా మార్స్ పై నీటి జాడలను కనుగొన్నామని గతంలోనే భారత్ ప్రకటించిన సంగతి తెలిసిందే.

స్పష్టమైన సాక్ష్యాలు చూపలేకపోయింది

అయితే ఇండియా వద్ద అత్యాధునిక సాంకేతికత అందుబాటులో లేకపోవడంతో దీనికి సంబంధించిన స్పష్టమైన సాక్ష్యాలు చూపలేకపోయింది. ఇప్పుడు అదే విషయాన్ని నాసా సాక్ష్యాలతో చూపించడం గమనార్హం.

జీవం ఉండేందుకు అవకాశాలు

ఏది ఏమైనా అంగారక గ్రహంపై పలు చోట్ల నీరు ఉన్న కారణంగా జీవం ఉండేందుకు అవకాశాలు పుష్కలంగా ఉన్నట్లు భావిస్తున్నామని నాసా చెబుతోంది

గిజ్‌బాట్ పేజీని లైక్ చేయండి

టెక్నాలజీకి సంబంధించి ఎప్పటికప్పుడు లేటెస్ట్ అప్‌డేట్ పొందాలనుకుంటే ఇక్కడ క్లిక్ చేసి పొందగలరు.

https://www.facebook.com/GizBotTelugu