భారత్ వెబ్‌సైట్‌లో పాక్ హ్యాకర్లు భీబత్సం!

Updated: Monday, September 28, 2015, 12:50 [IST]

పాక్ హ్యాకర్లు మరో సారి విరుచుకుపడ్డారు. శనివారం అర్ధరాత్రి కేరళ ప్రభుత్వ అధికారిక వెబ్‌సైట్ ‘www.keralagov.in'లోకి చొరబడిన సైబర్ నేరగాళ్లు భారత త్రివర్ణ పతాకాన్ని కించపరుస్తూ పాకిస్థాన్ అనుకూల నినాదాలతో కూడిన అభ్యంతరకర ఫోటోలను వెబ్‌సైట్‌లో పోస్ట్ చేసారు.

Read More : USB Type-C అంటే ఏంటి..?

పలువురు ఫిర్యాదుతో రంగంలోకి దిగిన ప్రభుత్వ అధికారులు రాత్రికి రాత్రే సైబర్ నిపుణులను రప్పించి వెబ్‌సైట్‌‍ను పునరుద్ధరించారు. ఈ హ్యాకింగ్ ఘటనకు సంబంధించి కేరళ రాష్ట్రానికి చెందిన సైబర్ వింగ్‌తో పాటు పోలీసులు సంయుక్త దర్యాప్తు ప్ర్రారంభించింది.

వెబ్ ప్రపంచంలో హ్యాకింగ్ దాడులు రోజు రోజకు ముమ్మరమవుతున్నాయి. ప్రముఖ వెబ్‌సైట్‌లను లక్ష్యంగా చేసుకుంటున్న హ్యాకర్లు సదరు వెబ్‌సైట్‌లను పోలిన నకిలీ వెబ్‌సైట్‌లను సృష్టించి విజిటర్ల పై మాల్వేర్‌తో దాడులకు పాల్పడుతున్నారు. ప్రపంచవ్యాప్తంగా రోజుకు 9,500 వెబ్‌సైట్‌లు మాల్వేర్ భారిన పడుతున్నట్లు గూగుల్ గుర్తించింది.

హ్యాకింగ్ భారిన పడుతున్న సదురు వెబ్‌సైట్‌లు రక్షణాత్మక చర్యలను సమగ్రంగా పాటించకపోవటం కారణంగానే హ్యాకర్లు సునాయాశంగా చొరబడగలుగుతున్నారని స్టాప్‌బ్యాడ్‌వేర్ సర్వే చెబుతోంది. మీ వెబ్‌సైట్‌ను హ్యాకర్లు భారినుంచి పూర్తిగా కాపాడగలిగే పలు మార్గాలను మీ ముందుకు తీసుకవచ్చాం.

మీ వెబ్‌సైట్‌ను హ్యాకర్ ప్రూఫ్‌గా ఉండాలంటే

మీ వెబ్‌సైట్‌లోని సాఫ్ట్‌వేర్‌ను ఎప్పటికప్పుడు అప్‌డేట్ చేస్తూ అందుకుఅనుగుణంగా సెక్యూరిటీ వ్యవస్థను బలోపేతం చేసుకోవాలి. ఈ చర్యను క్రమంగా పాటించినట్లయితే హ్యాకర్లు విజృంభించే అవకాశం ఉండదు.

మీ వెబ్‌సైట్‌ను హ్యాకర్ ప్రూఫ్‌గా ఉండాలంటే

శక్తివంతమైన పాస్‌వర్డ్‌లను ఉపయోగించటం ద్వారా హ్యాకర్ల చొరబాటును నిరోధించవచ్చు.

మీ వెబ్‌సైట్‌ను హ్యాకర్ ప్రూఫ్‌గా ఉండాలంటే

మీ వెబ్‌సైట్, గూగుల్స్ వెబ్ మాస్టర్ టూల్స్‌లో రిజిస్టర్ అయినట్లయితే మాల్వేర్ దాడులు జరిగిన సమయంలో తక్షన నోటిఫికేషన్ మీకు అందుతుంది. తద్వారా రక్షణాత్మక చర్యలకు పూనుకోవచ్చు.