USB Type-C అంటే ఏంటి..?

Published: Monday, September 28, 2015, 10:33 [IST]

ఈ మధ్య రిలీజ్ అవుతోన్న స్మార్ట్‌ఫోన్‌లతో పాటు ల్యాప్‍‌టాప్‌లలో USB Type-C port అనే స్పెసిఫికేషన్‌ను మనం వింటున్నాం. వాస్తవానికి, యూఎస్బీ టైప్ - సీ పోర్ట్ అనేది ఓ కొత్త యూఎస్బీ స్టాండర్డ్. దీన్నే యూఎస్బీ 3.1 అని కూడా పిలుస్తారు.

ఇప్పటివరకు అందుబాటులో ఉన్న అన్ని యూఎస్బీ వర్షన్‌లకు ఇది అప్‌డేటెడ్ వర్షన్. ప్రస్తుతానికి మనం వాడుతున్న యూఎస్బీ టైప్ - A, టైప్ - B పోర్ట్స్ కేవలం ఒక సైడ్ మాత్రమే కనెక్ట్ చేసుకునే అవకాశాన్ని కల్పిస్తాయి. అయితే కొత్తగా అందుబాటులోకి వచ్చిన USB Type-C port రెండు వైపులా కనెక్ట్ చేసుకునే వెసలుబాటును కల్పిస్తుంది. అన్ని జబ్బులకు ఒకే ముందుకు అన్నట్టు USB Type-C port అన్ని రకాల అవసరాలను తీరుస్తుంది. ఈ పోర్ట్ డేటాను హై స్పీడ్ వేగంతో ట్రాన్స్ ఫర్ చేస్తుంది. అలానే ఛార్జింగ్ కూడా చేసుకోవచ్చు.

ఈ టైప్ - సీ పోర్ట్ బైడైరక్షనల్ పద్ధతిలో పవర్ అలానే డేటాను సెండ్ చేయటంతో పాటు రీసీవ్ కూడా చేసుకుంటుంది. ఈ సదుపాయంతో రెండు డివైస్‌ల మధ్య డేటా అలానే పవర్‌ను అటు ఇటు ట్రాన్స్‌ఫర్ చేసుకోవచ్చు. Type-C port కోసం అందుబాటులోకి తీసుకువచ్చిన ప్రత్యేకమైన అడాప్టర్‌కు HDMI, VGA, Display తదితర కనెక్షన్‌లను అనుసంధానించుకుని హైక్వాలిటీ అవుట్‌పుట్‌ను అందిస్తుంది. ఒక్క మాటలో చెప్పాలంటే Type-C port అందుబాటులోకి రావటం వల్ల ఇక పై ఎక్కువ కేబుల్స్ ను ఉపయోగించాల్సిన అవసరం ఉండదు. అన్ని రకాల కనెక్టువిటీ పనులను ఈ పోర్ట్ సింపుల్ గా చక్కబెట్టేస్తుంది.

రెండు డివైస్ లను USB Type-C port ఆధారంగా కనెక్ట్ చేయాలంటే కచ్చితంగా ఆ రెండు డివైస్‌లు ఈ పోర్ట్‌ను కలిగి ఉండాలి. యాపిల్ కొత్త వర్షన్ ల్యాప్‌టాప్‌లతో పాటు రీసెంట్ విడుదలైన స్మార్ట్‌ఫోన్స్ మాత్రమే USB Type-C portను కలిగిగ ఉన్నాయి.