Vodafone Idea 2G కస్టమర్లకు సూపర్ ఆఫర్...

వొడాఫోన్ ఐడియా

అయితే వొడాఫోన్ ఐడియా ఇప్పుడు తన 2G చందాదారుల కోసం కొన్ని ప్రత్యేక కొత్త ప్లాన్ లను తీసుకువచ్చింది. నెట్‌వర్క్ పనితీరును అదుపులో ఉంచుకోవడంతో పాటు ప్రత్యామ్నాయ మార్గాల ద్వారా కస్టమర్ సేవలను పెంచడానికి వోడాఫోన్ కొత్త సర్వీసులను ప్రవేశపెట్టింది. ఈ కొత్త సర్వీసులు ప్రస్తుతం అస్సాం & నార్త్ ఈస్ట్, బీహార్ మరియు జార్ఖండ్ ప్రాంతాల్లోని వోడాఫోన్ ఐడియా వినియోగదారులకు అమలులో ఉన్నాయి. టెల్కో 2G యూజర్లు తమ అకౌంటును SMS మోడ్ ద్వారా త్వరగా రీఛార్జ్ చేసుకోవడానికి కూడా అనుమతిస్తుంది. SMS పద్ధతి ద్వారా మీరు మీ 2G వోడాఫోన్ ఐడియాను ఎలా రీఛార్జ్ చేసుకోవాలనుకుంటే ముందుకు చదవండి.

SMS ద్వారా వోడాఫోన్ ఐడియాను రీఛార్జ్ చేయడం

కరోనావైరస్ వేగంగా వ్యాప్తి చెందడం వల్ల దేశం మొత్తం ప్రస్తుతం లాక్డౌన్లో ఉంది. లాక్డౌన్ కారణంగా రిటైల్ అవుట్ లెట్లు కూడా మూసివేయబడ్డాయి. రిటైల్ అవుట్‌లెట్లను మూసివేయడంతో ఫీచర్ ఫోన్‌లను ఉపయోగించే వోడాఫోన్ ఐడియా యొక్క 2G చందాదారులు కేవలం ఒక ఎస్ఎంఎస్ మరియు మిస్డ్ కాల్ ద్వారా ‘క్విక్ రీఛార్జ్' యాక్సెస్ పొందడానికి సహాయం చేస్తోంది.

SMS విధానం

అస్సాం & నార్త్ ఈస్ట్ మరియు బీహార్ మరియు జార్ఖండ్ ప్రాంతాల్లోని వొడాఫోన్ ఐడియా కస్టమర్లు తమ రిజిస్టర్డ్ మొబైల్ నంబర్ నుండి ఎస్ఎంఎస్ పంపడం ద్వారా ఈ ఫీచర్‌ను పొందవచ్చు. వొడాఫోన్ ఐడియా వినియోగదారులు రెండు బ్యాంకులకు SMS పంపి క్విక్ రీఛార్జ్ పొందవచ్చు. ఇందులో యాక్సిస్ బ్యాంకుకు అయితే 9717000002/5676782 మరియు ఐసిఐసిఐ బ్యాంక్ అయితే 9222208888 కు ఎస్ఎంఎస్ పంపాలి. SMS ఫార్మాట్ ఈ విధంగా ఉండాలి. ‘MOBILE10 < మొబైల్ నెంబర్> <రీఛార్జ్ అమౌంట్> బ్యాంక్ అకౌంట్ యొక్క చివరి 6 అంకెలు'.

మిస్డ్ కాల్ విధానం

వొడాఫోన్ ఐడియా వినియోగదారులు సంస్థ నియమించబడిన నంబర్‌కు మిస్డ్ కాల్ ఇవ్వడం ద్వారా ఈ ప్రక్రియను పూర్తి చేయవచ్చు. ఈ సౌకర్యం ఇప్పటికే అందుబాటులో ఉంది. దీనిని పొందడానికి వినియోగదారులు వారి రిజిస్టర్డ్ మొబైల్ నంబర్లను మాత్రమే ఉపయోగించాలి. అంతేకాకుండా వోడాఫోన్ ఐడియా ప్రీపెయిడ్ కస్టమర్లు సమీప ఎటిఎంల ద్వారా కూడా ప్రీపెయిడ్ రీఛార్జిలను పొందవచ్చు. ఈ సంస్థ 100 మిలియన్ల వినియోగదారులకు రూ .10 టాక్‌టైమ్‌ను జమ చేసింది. మరియు ప్రీపెయిడ్ అకౌంట్ చెల్లుబాటును ఏప్రిల్ 17, 2020 వరకు పొడిగించింది. ఎస్ఎంఎస్ మరియు మిస్డ్ కాల్ రీఛార్జ్ సౌకర్యాలు ఇతర సర్కిల్‌లలోకి కూడా అందుబాటులో రానున్నాయి.

వొడాఫోన్ ఐడియా నెట్‌వర్క్ పనితీరు

కొనసాగుతున్న COVID-19 లాక్‌డౌన్ మధ్య పౌరులు టెలికాం నెట్‌వర్క్‌లపై పూర్తిగా ఆధారపడతారు. అధ్యయనం చేయడానికి, పని చేయడానికి, అవసరమైన వాటిని యాక్సెస్ చేయడానికి, మరియు వినోదం కోసం కూడా డేటాను అధికంగా వాడుతున్నారు. ఈ కారణంగా టెలికాం నెట్‌వర్క్‌లలో లోడ్ చాలా పెరిగింది. అస్సాం & నార్త్ ఈస్ట్‌లోని ఏడు రాష్ట్రాల్లో వాంఛనీయ సామర్థ్యాన్ని నిర్ధారించడానికి నెట్‌వర్క్‌ను నిరంతరం పర్యవేక్షిస్తున్నట్లు వోడాఫోన్ ఐడియా తెలిపింది. పెరుగుతున్న డేటా డిమాండ్ మరియు వినియోగాన్ని తీర్చడానికి లాక్డౌన్ ప్రకటించినప్పటి నుండి టెల్కో ఈ ప్రాంతంలోని 650 సైట్‌లను అప్‌గ్రేడ్ చేసింది.