Vodafone Long Term Plans ధరల పెంపుపై వోడాఫోన్ యూజర్లకు కొంత కాలం ఊరట

వోడాఫోన్ ఐడియా తన ప్లాన్ లపై ధరలను పెంచుతున్నట్లు ప్రకటించినప్పటి నుండి చందాదారులు చాలా ఆలోచనలో పడ్డారు. డిసెంబర్ 1 నుండి ప్రస్తుతం వాడుతున్న ప్లాన్ లపై దాదాపు 30% రేట్లు పెరుగుతున్నట్లు అందరు భావిస్తున్నారు. అందుకోసం ధరలను పెంచడానికి ముందు దీర్ఘకాలిక ప్లాన్ లతో రీఛార్జ్ చేసుకోవడం ద్వారా ప్రస్తుతం ఉన్న ధరల వద్ద డేటా మరియు వాయిస్ కాల్స్ సేవలను మరికొంత ఎక్కువ కాలం ఆస్వాదించవచ్చు. వాటి గురించి పూర్తి వివరాలు తెలుసుకోవడానికి ముందుకు చదవండి.

వోడాఫోన్ ధరల పెంపు తర్వాత కూడా మీరు వాటి ప్రయోజనాలను ఆస్వాదించగలిగే కొన్ని ప్లాన్లను ఇక్కడ పొందుపరుస్తున్నాము. ఇక్కడ మేము పరిగణలోకి తీసుకున్నది 100 రోజుల లోపు మరియు 100 రోజులకు పైబడి ఉన్న లాంగ్ టర్మ్ ప్లాన్ వివరాలను తెలుపుతున్నాము. ఇక్కడ తెల్పుతున్న ప్రతి ప్లాన్ అన్ని రకాల అదనపు ప్రయోజనాలను కలుపుకొని వస్తాయి.

వోడాఫోన్ వినియోగదారుల కోసం అందిస్తున్న దీర్ఘకాలిక ప్రణాళికల జాబితాలో మొదటి వరుసలో ఉన్నది 399 రూపాయల ప్రీపెయిడ్ ప్లాన్. ఇది 1GB రోజువారి డేటాతో 84 రోజుల పాటు యాక్సిస్ ను అందిస్తుంది. ఈ ప్లాన్ మీద అపరిమిత కాల్స్, రోజుకు 100 SMS వంటి అదనపు ప్రయోజనం కూడా లభిస్తుంది. 84 రోజుల చెల్లుబాటు కాలంతో వస్తున్న మరొక ప్లాన్ రూ.458 ప్రీపెయిడ్ ప్లాన్. ఇది రోజుకు 1.5 జిబి డేటాను అన్‌లిమిటెడ్ కాలింగ్ బెనిఫిట్‌తో క్లబ్‌చేయబడి వస్తుంది.

ఈ రెండు ప్లాన్ల కంటే కొంచెం ఎక్కువ ధర వద్ద మరొక రూ.509 ప్లాన్ కూడా ఉంది. ఇది వినియోగదారులకు రోజుకు 1.5GB డేటాను 90 రోజుల పాటు యాక్సిస్ ను అందిస్తుంది. ఈ పరిమిత కాలంలో ఇది చందాదారులకు అపరిమిత కాల్‌లను కూడా అందిస్తుంది. మరింత ఎక్కువ డేటా కోసం ప్రయత్నిస్తున్న వినియోగదారుల కోసం 511 రూపాయల ప్రీపెయిడ్ ప్లాన్ ఉంది. ఇది 84 రోజుల చెల్లుబాటు కాలానికి యాక్సిస్ అందిస్తుంది. ఈ మొత్తం కాలంలో ఇది 2GB రోజువారి డేటాను అందిస్తుంది. అలాగే రూ.569 ప్రీపెయిడ్ ప్లాన్‌తో చందాదారులు రోజుకు 3 జీబీ డేటాను 84 రోజుల చెల్లుబాటుతో పొందుతారు.

వినియోగదారులు వారి ప్లాన్‌లపై మరింత ఎక్కువ కాలం యాక్సిస్ ను కోరుకుంటే కనుక వోడాఫోన్ యొక్క రూ.599 ప్రీపెయిడ్ ప్లాన్ ను ఎంచుకోవచ్చు ఇది 180 రోజుల చెల్లుబాటుతో లభిస్తుంది. కాకపోతే ఇది అన్‌లిమిటెడ్ కాలింగ్ బెనిఫిట్‌తో కూడి ఉండి దీని మొత్తం చెల్లుబాటు కాలానికి కేవలం 6 జిబి డేటాను మాత్రమే అందిస్తుంది.

70 రోజుల చెల్లుబాటుతో చందాదారులకు లభిస్తున్న మరొక ప్లాన్ రూ.299 ప్రీపెయిడ్ ప్లాన్‌. ఇది మొత్తం చెల్లుబాటు కాలానికి గాను కేవలం 3 జిబి డేటాను అందిస్తుంది అలాగే ఇది అపరిమిత కాలింగ్ ప్రయోజనాన్ని అందిస్తుంది. 365 రోజుల సంవత్సరపు యాక్సిస్ విషయానికి వస్తే వోడాఫోన్ మొత్తం వాలిడిటీ వ్యవధిలో 12 జిబి డేటాను మరియు అపరిమిత కాల్స్ ప్రయోజనంతో రూ.999 ప్రీపెయిడ్ ప్లాన్ వస్తున్నది. అలాగే మొత్తం సంవత్సరపు చెల్లుబాటుతో రోజువారీ 1.5 జిబి డేటా మరియు అపరిమిత కాలింగ్‌ ప్రయోజనాలతో అందించే మరొక రూ.1,699 ప్రీపెయిడ్ ప్లాన్ కూడా అందుబాటులో ఉంది.

పైన తెలిపిన అన్ని ప్లాన్లు SMS ప్రయోజనాలతో వస్తాయి. అలాగే ఇవి వోడాఫోన్ ప్లే యాప్ కి కూడా యాక్సిస్ ను అందిస్తాయి. వీటిలో చందాదారులు సినిమాలు చూడవచ్చు మరియు ఇతర వీడియో ఫార్మాట్ కంటెంట్‌ను కూడా వినియోగించవచ్చు. అదే సమయంలో ధరల పెరుగుదలకు ముందు మీరు వీటితో రీఛార్జ్ చేస్తే దీర్ఘకాలిక ప్రణాళికలు మీకు కొంత మొత్తాన్ని ఆదా చేస్తాయని గమనించాలి. డిసెంబర్ 1 తరువాత ఈ ప్లాన్ల మీద సుమారు 30% పెంచవచ్చు.