BHIM యాప్‌ కొత్త ఫీచర్ ‘బిల్ పేమెంట్స్’

అన్ని రకాల యుటిలిటీ బిల్స్..

ఈ బిల్ పేమెంట్స్ ఫీచర్‌ను ఉపయోగించుకోవటం ద్వారా ఎలక్ట్రసిటీ బిల్స్ దగ్గర నుంచి పోస్ట్ పెయిడ్, ప్రీపెయిడ్, డీటీహెచ్, బ్రాడ్ బ్యాండ్, గ్యాస్, వాటర్ ఇలా అన్ని రకాల బిల్లులను చెల్లించే వీలుంటుంది.

క్యూఆర్ కోడ్‌ సదుపాయంతో..

క్యూఆర్ కోడ్‌ను స్కాన్ చేసుకునే సదుపాయాన్ని కూడా ఈ యాప్ వినియోగదారులకు కల్పిస్తోంది. వ్యాపారులు కూడా ఈ యాప్ ద్వారా క్యూఆర్ కోడ్‌లను జనరేట్ చేసుకోవచ్చు. మర్చంట్ కి నగదు చెల్లించాల్సి వచ్చినప్పుడు స్కాన్ ను టాప్ చేసి, యాప్ లోని పే బటన్ ను నొక్కాలి. తర్వాత క్యూఆర్ కోడ్ ను స్కాన్ చేస్తే చాలు.

ఫీచర్ ఫోన్‌లనూ సపోర్ట్ చేస్తోంది..

ఫీచర్ ఫోన్ వాడుతున్న భీమ్ చెల్లింపులు కోసం మొదట *99# ను డయల్ చేయాలి. అనంతరం వివిధ ఆప్షన్లతో కూడిన మెనూ కనిపిస్తుంది. నగదు పంపడానికి, బ్యాలెన్స్ చెక్ చేసుకోవడానికి, లావాదేవీల హిస్టరీ కోసం నోక్కవలసిన వివిధ నంబర్లు మొబైల్ స్క్రీన్ పై కనిపిస్తాయి.

స్టెప్ బై స్టెప్ ప్రొసీజర్..

ఉదాహరణకు.. నగదు పంపించాలనుకుంటే, 1 నంబరు టైప్ చేసి, సెండ్ నొక్కాలి. ఎవరికి పంపించాలకున్నారో వారి మొబైల్ నంబరు టైపు చేసేందుకు మళ్ళీ 1 నంబరు నొక్కాలి. తర్వాత సదరు వ్యక్తి ఫోన్ నంబరు, చెల్లింపు మొత్తం టైపు చేసి 'పిన్'ను జనరేట్ చేసుకోవాలి.