ఇకపై నిమిషాల్లో పాన్‌కార్డు మీ చేతికి

పాన్ కార్డు జారీకి ..

ప్ర‌స్తుతం వినియోగ‌దారుల‌కు సిమ్ కార్డు జారీ చేయ‌డానికి ఉప‌యోగిస్తోన్న ప్ర‌క్రియ‌నే తాము పాన్ కార్డు జారీకి అనుసరించనున్నట్టు సంబంధిత అధికారులు తెలిపారు.

నిమిషాల్లో పాన్ నంబర్‌ జారీ

ఆధార్ ఆధారిత ఈ-కేవైసీ ద్వారా పాన్ నంబర్‌కు దరఖాస్తు చేసుకున్నవారి చిరునామా, పుట్టిన తేదీని బయోమెట్రిక్ ద్వారా తెలుసుకోవచ్చని, తద్వారా నిమిషాల్లో పాన్ నంబర్‌ను జారీ చేయవచ్చని చెప్పారు.

స్మార్ట్‌ఫోన్‌ యాప్‌ ద్వారా..

ఏటా దాదాపు రెండున్నర కోట్ల మంది కొత్తగా పాన్‌ కార్డులు తీసుకుంటున్నారు. ఐటి శాఖ అభివృద్ధి చేస్తున్న స్మార్ట్‌ఫోన్‌ యాప్‌ ద్వారా పాన్‌ కార్డులు తీసుకునే వారి సంఖ్య మరింత పెరిగి, మరింత మందిని పన్నుల చెల్లింపు పరిధిలోకి తేవచ్చని అధికార వర్గాల అంచనా.

పాన్‌ కార్డు నెంబర్‌ కోట్‌ చేయడం తప్పనిసరి

ప్రభుత్వం ఇప్పటికే రూ.50,000 మించిన నగదు ఉపసంహరణ, రూ.2 లక్షలకు మించిన కొనుగోళ్లకు పాన్‌ కార్డు నెంబర్‌ కోట్‌ చేయడం తప్పనిసరి చేసింది. కొత్త యాప్‌తో దేశంలో ఆదాయ పన్ను చెల్లింపుల వ్యవస్థ మరింత కట్టుదిట్టమవుతుందని భావిస్తున్నారు.

2.5 కోట్ల మంది దరఖాస్తు

పాన్‌కార్డు కోసం ప్రతి సంవత్సరం దాదాపు 2.5 కోట్ల మంది దరఖాస్తు చేసుకుంటున్నారని, త్వరలో తీసుకురానున్న నూతన విధానంతో ప్రజలకు ఇంకా మెరుగైన సేవలు అందించడానికి వీలుంటుందని పేర్కొన్నారు. ఆధార్ కార్డు ద్వారా ప్రజలు ఇప్పటికే సిమ్‌కార్డులు, బ్యాంకు ఖాతాలు, సబ్సిడీలు పొందుతున్నారని గుర్తు చేశారు.

మొబైల్ యాప్‌ ద్వారా

మొబైల్ యాప్‌ ద్వారా పన్ను చెల్లింపులే కాకుండా పాన్ కార్డు కోసం ద‌ర‌ఖాస్తు చేసుకోవ‌డం, రిటర్న్‌లు ట్రాక్‌ చేసుకునే వీలు కల్పించ‌నున్నామ‌ని పేర్కొన్నారు.