Roposo షార్ట్ వీడియో యాప్ డౌన్‌లోడ్‌లలో సరికొత్త రికార్డ్!!!

| Published: Saturday, October 10, 2020, 18:21 [IST]

ప్రముఖ షార్ట్-వీడియో షేరింగ్ యాప్ ప్లాట్‌ఫారమ్‌లో అతి తక్కువ కాలంలో మంచి గుర్తింపు పొందిన వాటిలో టిక్‌టాక్‌ ఒకటి. దీనిని ఇండియాలో బ్యాన్ చేసిన తరువాత మేడ్ ఇన్ ఇండియా నినాదంతో లాంచ్ అయిన షార్ట్ వీడియో షేరింగ్ యాప్ రోపోసో ఇప్పుడు ఒక ప్రత్యేక మైలురాయిని దాటింది. గూగుల్ ప్లే స్టోర్‌లో రోపోసో యాప్ 100 మిలియన్ మార్కును దాటిందని సంస్థ ప్రకటించింది. ఈ మైలురాయిని చేరుకున్న తొలి భారతీయ షార్ట్ వీడియో యాప్ ఇదేనని కంపెనీ ప్రత్యేకంగా తెలిపింది.

గూగుల్ ప్లే స్టోర్‌లో రోపోసో యాప్ డౌన్‌లోడ్‌లు

మేడ్ ఇన్ ఇండియా తాజా అభివృద్ధిలో రోపోసోను కలిగి ఉన్న గ్లాన్స్ సంస్థ మరో మైలురాయిని సూచిస్తుంది. లాక్ స్క్రీన్‌లో AI- ఆధారిత కంటెంట్‌ను అందించే లాక్ ఫీడ్ ప్లాట్‌ఫాం గ్లాన్స్ 2020 మేలో 100 మిలియన్ల రోజువారీ క్రియాశీల వినియోగదారుల యొక్క మైలురాయిని చేరుకుంది. ఈ యాప్ యొక్క తాజా ఫీట్‌తో గ్లాన్స్ ఇప్పుడు దేశంలో రెండు అతిపెద్ద కంటెంట్ ప్లాట్‌ఫారమ్‌ను కలిగి ఉన్న యాప్ గా అవతరించింది. రోపోసో మరియు గ్లాన్స్ మేడ్ ఇన్ ఇండియా మరియు సమిష్టిగా భారతదేశంలోని 40% స్మార్ట్‌ఫోన్ వినియోగదారులకు చేరుకుంటాయని కంపెనీ తెలిపింది.

100 మిలియన్ల మార్క్ దాటిన మేడ్ఇండియా యాప్

100 మిలియన్ల వినియోగదారులను దాటిన మొదటి భారతీయ షార్ట్ వీడియో యాప్ కావడం మాకు గర్వకారణంగా ఉంది అని రోపోసో తెలిపింది. రోపోసో యాప్ ను భారతీయ వినియోగదారులు మరియు కంటెంట్ సృష్టికర్తలు అధికంగా ఇష్టపడుతున్నారు. గ్లాన్స్ మరియు రోపోసోను భారతదేశంలోని 40% స్మార్ట్‌ఫోన్ వినియోగదారులు ప్రస్తుతం వినియోగిస్తున్నారు. # మేడ్ఇండియా ప్లాట్‌ఫారమ్‌లలో ఈ విజయాన్ని పెంచుకోవటానికి యుఎస్ మరియు చైనాతో పాటు భారతదేశాన్ని ఒక ప్రధాన డిజిటల్ హబ్‌గా స్థాపించడంలో సహాయపడాలని మేము ఆశిస్తున్నాము అని ఇన్మొబి గ్రూప్ వ్యవస్థాపకుడు మరియు సిఇఒ నవీన్ తివారీ అన్నారు.

రోపోసో షార్ట్-వీడియో షేరింగ్ యాప్ రోజువారి వీక్షణలు

గురుగ్రామ్ ఆధారిత షార్ట్-వీడియో షేరింగ్ యాప్ రోపోసో తన ప్లాట్‌ఫామ్ లో 12 భారతీయ భాషలను అందుబాటులో ఉంచింది. ఇది రోజుకు 2 బిలియన్లకు పైగా వీడియో వీక్షణలను కలిగి ఉంది. బైట్‌డాన్స్ యాజమాన్యంలోని షార్ట్-వీడియో షేరింగ్ యాప్ టిక్‌టాక్‌ను ప్రభుత్వం నిషేధించిన రెండు రోజుల్లోనే 22 మిలియన్ల మంది కస్టమర్లను తమ యూజర్ బేస్ లో చేర్చుకున్నట్లు కంపెనీ జూలైలో తెలిపింది.

పాకిస్థాన్ లో టిక్‌టాక్‌ బ్యాన్

బైట్‌డాన్స్ యాజమాన్యంలోని షార్ట్-వీడియో షేరింగ్ యాప్ టిక్‌టాక్‌కు ఇప్పుడు మరొక ఎదురుదెబ్బ తగిలింది. ఇండియాలో బ్యాన్ చేసిన తరువాత అమెరికాలో కూడా దీనిని బ్యాన్ చేసారు. ఇప్పుడు మన శత్రు దేశం అయిన పాకిస్థాన్ కూడా టిక్‌టాక్‌ను తమ యొక్క దేశంలో బ్యాన్ చేసింది. వినియోగదారుల యొక్క డేటాను లీక్ చేస్తున్న సమాచారంతోనే పాకిస్థాన్ కూడా దీనిని పూర్తిగా బ్యాన్ చేసింది.