కాల్ కనెక్టింగ్‌పై గురి పెట్టిన ట్రాయ్, టెల్కోలపై చర్యలు !

కాల్స్‌, మెసేజ్‌లను కట్టడి చేసేలా..

ఇదిలా ఉంటే కస్టమర్లను వేధించే కాల్స్‌, మెసేజ్‌లను కట్టడి చేసేలా ఇటీవల ట్రాయ్‌ ప్రకటించిన నూతన నిబంధనలు అమలు చేయాలంటే టెలికాం కంపెనీలపై వందల కోట్ల రూపాయల భారం పడుతుందని సెల్యులార్‌ ఆపరేటర్స్‌ అసోసియేషన్‌ ఆఫ్‌ ఇండియా (కాయ్‌) ఆందోళన వ్యక్తం చేసింది.

200-400 కోట్ల రూపాయల అవసరం..

టెలికాం సంస్థల వ్యవస్థలను మార్చడానికి, బ్లాక్‌చెయిన్‌ టెక్నాలజీని వినియోగించడానికి కనీసం 200-400 కోట్ల రూపాయల అవసరం ఉంటుందని కాయ్‌ తెలిపింది.

18 నెలల గడువు అవసరం..

అంతేకాకుండా ట్రాయ్‌ నూతన నిబంధనలను అమలు చేయడానికి 18 నెలల గడువు అవసరం ఉంటుందని పేర్కొంది.

ట్రాయ్‌ సూచించిన వ్యవస్థను..

ట్రాయ్‌ సూచించిన వ్యవస్థను ప్రపంచంలో ఎక్కడా అమలు చేయలేదని, దీని అమలుకు భారీ ఎత్తున పెట్టుబడులు, సమయం పడుతుందని కాయ్‌ డైరెక్టర్‌ జనరల్‌ రాజన్‌ ఎస్‌ మాథ్యూస్‌ తెలిపారు.

కనీసం 1-1.5 ఏళ్ల సమయం..

డిసెంబరు వరకు కొత్త నిబంధనలను అమలు చేయాలని ట్రాయ్‌ ఆదేశాలు జారీ చేసిందని, ఇది ఎంత మాత్రం సాధ్యం కాదని ఆయన అన్నారు. టెలికాం సంస్థలు తమ వ్యవస్థల్లో మార్పులు చేర్పులు చేసేందుకు కనీసం 1-1.5 ఏళ్ల సమయం పడుతుందని చెప్పారు.

వ్యయాలు

కాగా టెలికాం సంస్థలు భరించే వ్యయాలు కస్టమర్లపైన మోపేందుకు అవకాశం కూడా ఉంటుందని, అయితే ఎంత భారం వేయాలన్నది మార్కెట్‌ పరిస్థితులపై ఆధారపడి ఉంటుందని మాథ్యూస్‌ అన్నారు.

కోట్లాది రూపాయల అప్పుల భారంతో ..

టెలికాం సంస్థలు ఇప్పటికే కోట్లాది రూపాయల అప్పుల భారంతో నెట్టుకువస్తున్నాయని, ట్రాయ్‌ కొత్త నిబంధనల వల్ల మూలిగేనక్కపై తాటి పండు పడిన చందంగా మారుతుందన్న అభిప్రాయాన్ని ఆయన వ్యక్తం చేశారు.