ఈ 10 దేశాల్లో నివసించే భారతీయులకు శుభవార్త! ఇండియాలో లాగే UPI వాడొచ్చు!

By Maheswara

Published: Thursday, January 12, 2023, 11:37 [IST]

ఇండియాలో లో UPI ఎంత ప్రసిద్ధి చెందిందో మీకు తెలిసిన విషయమే. దీనితో ఇతర దేశాలలోని భారతీయులు కూడా దీనిని విదేశాలలో కూడా వాడటానికి అవకాశం కోసం ఎదురు చూస్తున్నారు. అలంటి వారి కోసం ప్రభుతం గొప్ప శుభవార్త చెప్పింది. NRE/NRO ఖాతాల ను ఉపయోగించి UPI ప్లాట్‌ఫారమ్‌ని ఉపయోగించి డబ్బు బదిలీ చేయడానికి US, కెనడా మరియు UAEతో సహా 10 దేశాలకు చెందిన NRIలను NPCI సంస్థ అనుమతించింది. యూనిఫైడ్ పేమెంట్స్ ఇంటర్‌ఫేస్ (యూపీఐ)లో ట్రాన్సాక్షన్లు చేసేందుకు అంతర్జాతీయ మొబైల్ నంబర్‌లను ఉపయోగించుకునేందుకు రెసిడెంట్‌లను అనుమతించడం కోసం అభ్యర్థనలు అందుతున్నాయని నేషనల్ పేమెంట్స్ కార్పొరేషన్ ఆఫ్ ఇండియా (ఎన్‌పీసీఐ) తమ ప్రకటన లో పేర్కొంది.

ఏ యే దేశాలలో ?

ఈ ప్రకటన ప్రకారం, జనవరి 10 నాటి సర్క్యులర్‌లో ఎన్‌పిసిఐ మరియు యుపిఐ భాగస్వాములను ఏప్రిల్ 30 నాటికి ఒక యంత్రాంగాన్ని ఏర్పాటు చేయాలని కోరింది, దీని ప్రకారం NRE/NRO ఖాతాలు కలిగి ఉన్న భారతీయులు తమ అంతర్జాతీయ మొబైల్ నంబర్‌లను ఉపయోగించి నిధులను బదిలీ చేయడానికి అనుమతించబడతారు.

ఈ సేవలను ప్రారంభించడానికి, సింగపూర్, ఆస్ట్రేలియా, కెనడా, హాంకాంగ్, ఒమన్, ఖతార్, USA, సౌదీ అరేబియా, UAE మరియు యునైటెడ్ కింగ్‌డమ్‌ ఈ 10 దేశాల్లోని నాన్-రెసిడెంట్‌లకు ఈ సౌకర్యం అందుబాటులో ఉంటుంది.

NPCI ప్రకటించింది

NRIలు మరియు PIOలు నాన్-రెసిడెంట్ (ఎక్స్‌టర్నల్) రూపాయి (NRE) బ్యాంక్ ఖాతాలను తెరవగలరు, రూపాయిలో బోనాఫైడ్ లావాదేవీల కోసం విదేశాలలో నివసిస్తున్న ఎవరైనా నాన్-రెసిడెంట్ ఆర్డినరీ (NRO) ఖాతాలను తెరవవచ్చు. UPI ప్లాట్‌ఫారమ్‌ను నిర్వహించే NPCI సంస్థ ప్రకటన ప్రకారం "మొదటగా, మేము (10 దేశాలు) దేశ కోడ్‌ని కలిగి ఉన్న మొబైల్ నంబర్‌ల నుండి లావాదేవీని ప్రారంభిస్తాము... మరియు సమీప భవిష్యత్తులో ఇతర దేశ కోడ్‌ల కోసం విస్తరిస్తాము..." .అని త్వరలోనే ఇతర దేశాలకు కూడా ఈ సేవలు విస్తరిస్తామని చెప్పారు.

అంతర్జాతీయ సిమ్‌కి లింక్ చేసి వాడవచ్చు

పేమెంట్స్ కౌన్సిల్ ఆఫ్ ఇండియా ఛైర్మన్ విశ్వాస్ పటేల్ మాట్లాడుతూ, ఎన్నారైలు ఇండియా కు వచ్చినప్పుడు వారికి 'చెల్లింపు/డబ్బు బదిలీ సౌలభ్యం' రూపంలో ప్రధాన సౌకర్యం ఉంటుంది. సర్వత్రా టెక్నాలజీస్ వ్యవస్థాపకుడు MD మందార్ అగాషే మాట్లాడుతూ, UPI యొక్క ముఖ్యమైన భద్రతా ఫీచర్ అయిన SIM బైండింగ్ టెక్నాలజీ భారతీయ SIM కార్డ్ ఫోన్‌లకు మాత్రమే అందుబాటులో ఉన్నందున, NRIలు UPI నెట్‌వర్క్‌ను ఇన్ని రోజుల యాక్సెస్ చేయలేకపోయారు.అయితే ప్రస్తుతం అది మారనుంది.

"ఎన్‌ఆర్‌ఐలు తమ అంతర్జాతీయ సిమ్‌కి లింక్ చేసిన వారి NRE మరియు NRO ఖాతాలను యుపిఐకి లింక్ చేయాలి మరియు మర్చంట్ పేమెంట్‌తో పాటు పీర్-టు-పీర్ పేమెంట్‌ల కోసం ఇతర భారతీయ యుపిఐ యూజర్ల వలె దీనిని ఉపయోగించవచ్చు" అని అగాషే చెప్పారు.

మోసపోయే అవకాశం కూడా ఉంది

UPI ని ఉపయోగించే తప్పుడు ఎలాంటి జాగ్రత్తలు తీసుకోవాలో కూడా తెలుసుకోండి. లేదంటే మీరు మోసపోయే అవకాశం కూడా ఉంది. మీ UPI PINను ఎవరితోనూ షేర్ చేయవద్దు. మీ 6 లేదా 4-అంకెల UPI పిన్‌ను ఎవరితోనూ షేర్ చేయకూడదు. UPI లో ప్రతి లావాదేవీకి ముందు PINని అడుగుతుంది. మీరు మీ UPI IDకి మీ బ్యాంక్ అకౌంట్‌కు లింక్ చేసినప్పుడు.. మీరు సీక్రెట్ PINని సెటప్ చేయాలి. ఆ తరువాత ATM పిన్ మాదిరిగానే సురక్షితమైన పేమెంట్లు చేసుకోవచ్చు. అయితే ఈ UPI PIN వ్యక్తిగతంగా ఉంచాలి. ఎవరికి షేర్ చేయరాదు.

ఈ టిప్స్ పాటించండి

* మీరు ఎల్లప్పుడూ మీ ఫోన్‌లో లాక్‌ని ఉంచాలి. UPI యాప్‌ ద్వారా సురక్షిత లావాదేవీ కోసం యాప్‌ను ఓపెన్ చేయవచ్చు.

* మీరు పేమెంట్ చేయడానికి ముందు UPI IDని ధృవీకరించండి ఎల్లప్పుడూ రిసీవర్ UPI IDని ఒకటికి రెండుసార్లు చెక్ చేయండి. తప్పుడు లావాదేవీని నివారించవచ్చు. వేరొకరికి డబ్బు పంపేందుకు మీకు సాయం చేస్తుంది.

* ఎక్కువ UPI యాప్‌లను ఉపయోగించకపోవడం మంచిది.ఒకే యాప్ లో మీరు ఎప్పుడైనా వారి QR కోడ్‌ని స్కాన్ చేయవచ్చు లేదా వివిధ యాప్‌లలో లావాదేవీలకు UPI IDని అడగవచ్చు.

* అనుమానిత లింక్‌లపై క్లిక్ చేయొద్దు. యూపీఐ యూజర్లు SMS లేదా ఈమెయిల్ ద్వారా ఏదైనా లింక్‌లు వస్తే వాటిని క్లిక్ చేయొద్దు. అదో ఫ్రాడ్ క్లిక్ స్కామ్‌కు అని గుర్తించుకోండి. మీ ఫోన్‌లో ధృవీకరించని లేదా ఫిషింగ్ వంటి ఏవైనా లింక్‌లపై క్లిక్ చేయొద్దు. మీ ఫోన్‌ను హ్యాక్ చేసేందుకు మీ గుర్తింపుతో పాటు మీ బ్యాంకింగ్ పాస్‌వర్డ్‌లు, పిన్‌లను దొంగలించే అవకాశం ఉంటుంది. ఈ లింక్‌లు తరచుగా కనిపిస్తుంటాయి.