రిలయన్స్ జియోలో తప్పకుండా ప్రయత్నించవలసిన ఐదు ఉత్తమ యాప్లు

మై జియో సెల్ఫ్ కేర్ యాప్:

మీరు రిలయన్స్ జియో సిమ్ ఉపయోగిస్తుంటే మీరు మీ నంబర్‌ను ఒకసారి లేదా నెల నెల రీఛార్జ్ చేసుకోవలసి ఉంటుంది. కావున రిలయన్స్ జియో యొక్క మై జియో యాప్ రీఛార్జ్ చేయడానికి ఉత్తమమైన మార్గం అని చెప్పకుండానే బాగా ప్రాచుర్యం పొందింది. ఒకరి నెంబర్ కాకుండా చాలా మందికి చెల్లింపు ఎంపికల ద్వారా రీఛార్జ్ చేయడానికి ఈ యాప్ సులభమైన మార్గాన్ని అందిస్తుంది. ఈ యాప్ ద్వారా వినియోగదారులు క్యాష్‌బ్యాక్‌లను కూడా పొందుతారు. దీనితో పాటు అదనంగా వినియోగదారులు వారి డేటా బ్యాలెన్స్ చూడగలరు మరియు ప్లాన్ యొక్క వాలిడిటీని తనిఖీ చేయవచ్చు. ఇవే కాకుండా జియో యొక్క తాజా ఆఫర్లు మరియు సేవల గురించి పూర్తి వివరాలను తెలుసుకోవచ్చు.

సంగీత అవసరాలకు జియో సావన్ :

రిలయన్స్ జియో యొక్క జియో సావన్ మ్యూజిక్ స్ట్రీమింగ్ అప్లికేషన్ బాగా ప్రాచుర్యం పొందింది. ఇది రిలయన్స్ జియో వినియోగదారులకు సంగీతాన్ని ప్రసారం చేయడానికి మరియు వారి అభిమాన కళాకారుల ఆల్బమ్ సాంగ్స్ వినడానికి జియో సావన్ యాప్ ఉత్తమ మార్గం. ఈ యాప్ సాహిత్యం, ప్లేజాబితాలు వంటి ఫీచర్లను అందిస్తుంది మరియు ఇది విస్తృతమైన లైబ్రరీని కలిగి ఉంది. అలాగే ఇందులో ఏ భాషలో యాప్ ని బ్రౌజ్ చేయాలో నిర్ణయించుకోవచ్చు. ఒకవేళ మీరు తరచుగా JioSaavn యాప్ ని ఉపయోగిస్తుంటే మీరు సాంగ్స్ ని ఆఫ్‌లైన్‌లో సేవ్ చేయడానికి మరియు ప్రకటనలు లేకుండా ప్లే చేయడం వంటి లక్షణాలను యాక్సెస్ చేయాలనుకుంటే మీరు ప్రీమియం చందా కోసం కూడా వెళ్ళవచ్చు.

లైవ్ టీవీ యాక్సెస్ కోసం JioTV:

లైవ్ టివి అప్లికేషన్లకు మార్కెట్లో ఉన్న క్రేజ్ ను దృష్టిలో పెట్టుకొని రిలయన్స్ జియో పరిశ్రమ దాని అడుగుజాడలకు దగ్గరగా అనుసరించాయి. మీ స్మార్ట్‌ఫోన్‌లో వినియోగదారులకు ఇష్టమైన టీవీ షోలను చూడడానికి JioTV యాప్ సులభంగా యాక్సెస్ ఇస్తుంది. ప్రధానంగా స్పోర్ట్స్ కవరేజ్ మరియు జనాదరణ పొందిన అన్ని ఛానెల్‌లను JioTV లో సులభంగా పొందవచ్చు అది కూడా లైవ్ గా ఎప్పుడు షోలు వాటి సమయంలో ప్రసారం అవుతాయో ఆ సమయంలో చూడవచ్చు.

ఆన్-డిమాండ్ కంటెంట్ కోసం జియో సినిమా:

జియోసినిమా యాప్ మార్కెట్‌లోని అన్ని ఇతర వీడియో-ఆన్-డిమాండ్ మరియు OTT యాప్ లకు రిలయన్స్ జియో యొక్క గట్టి సమాధానం. జియోసినిమా యాప్ ఉపయోగించి మీరు చాలా రకాల టీవీ కార్యక్రమాలు మరియు మూవీస్ లను యాక్సెస్ చేయగలరు. ఈ యాప్ వాచ్‌లిస్ట్, డాక్ ప్లేయర్, వాయిస్ సెర్చ్, బిట్రేట్ సెలక్షన్ వంటివే కాకుండా మరిన్ని ఫీచర్లను అందిస్తుంది. ఒకవేళ మీరు రిలయన్స్ జియో ఉచితంగా అందించే అన్ని వినోదాలను ఉపయోగించుకోవాలనుకుంటే మీ ఫోన్‌లో జియోటీవీ మరియు జియోసినిమా కలయిక మిమ్మల్ని బిజీగా ఉంచడానికి సరిపోతుంది.

పేమెంట్ పరిష్కారం కోసం జియోమనీ:

జియోమనీ అనేది రిలయన్స్ జియో చేత ఫిన్‌టెక్ వెంచర్. ఇది వినియోగదారులకు సులభంగా ఆన్‌లైన్ లావాదేవీలను సులభతరం చేస్తుంది. JioMoney తో వినియోగదారులు అమౌంట్ ను పంపడం లేదా స్వీకరించడం, బిల్లులు చెల్లించడం మరియు రీఛార్జిలు చేయడం, రిటైల్ దుకాణాల్లో పేమెంట్ చేయడం వంటివి చేయవచ్చు. వినియోగదారులకు వారి కొనుగోళ్లకుగాను కూపన్లను స్వీకరించవచ్చు.

పైన పేర్కొన్న అన్ని యాప్ లతో పాటు రిలయన్స్ జియో వినియోగదారులకు ఉపయోగపడే ఇతర యాప్ లను కూడా అందిస్తుంది. వీటిలో జియో బ్రౌజర్, జియోన్యూస్, జియోచాట్, క్లౌడ్‌లోని ఫైళ్లు మరియు డేటాను బ్యాకప్ చేయడానికి జియోక్లౌడ్, జియోకాల్ (గతంలో జియో 4G వాయిస్), జియో సెక్యూరిటీ, జియోనెట్ మరియు జియో హెల్త్‌హబ్ కూడా ఉన్నాయి.