Samsung Galaxy A23 5Gలాంచ్ తేదీ వచ్చేసింది! ధర,ఫీచర్లు కూడా లీకయ్యాయి!

Samsung గెలాక్సీ A23 5G జనవరి 18న భారతదేశంలో అధికారికంగా లాంచ్ కాబోతోందని ఇప్పటికే నిర్ధారించబడింది. ఈ ప్రకటించిన లాంచ్‌ కంటే ముందుగానే, ఈ స్మార్ట్‌ఫోన్ ధరతో పాటు RAM మరియు స్టోరేజ్ కాన్ఫిగరేషన్‌ల వివరాలు ఆన్‌లైన్‌లో లీక్ చేయబడ్డాయి. గెలాక్సీ A23 5G ధర రూ.25,000 వద్ద ఉందని చెప్పబడింది. ఇది 128GB ఆన్‌బోర్డ్ స్టోరేజ్‌తో రెండు RAM ఎంపికలలో వస్తుంది. గెలాక్సీ A23 5G గతంలో కొన్ని ఎంపిక చేసిన మార్కెట్లలో లాంచ్ చేయబడింది. ఇది 50-మెగాపిక్సెల్ ప్రైమరీ సెన్సార్ నేతృత్వంలోని క్వాడ్ రియర్ కెమెరా సెటప్‌ను కలిగి ఉంది మరియు 5,000mAh బ్యాటరీ మద్దతుతో వస్తుంది.

నివేదిక ప్రకారం, Samsung గెలాక్సీ A23 5G యొక్క 6GB RAM మరియు 128GB స్టోరేజ్ వేరియంట్ ధర భారతదేశంలో రూ.23,999. అదే విధంగా, 8GB RAM మరియు 128GB స్టోరేజ్ కలిగిన టాప్ వేరియంట్ ధర రూ. 25,999 ఉంటుందని వివరాలు లీకయ్యాయి. Samsung గెలాక్సీ A23 5G గత ఏడాది నవంబర్‌లో జపాన్‌లో JPY 31,680 (దాదాపు రూ. 18,200) ఏకైక 4GB RAM + 64GB స్టోరేజ్ వేరియంట్‌తో లాంచ్ చేయబడింది.

గెలాక్సీ A14 5Gతో పాటు గెలాక్సీ A23 5G జనవరి 18న భారతదేశంలో విడుదల చేయబడుతుందని Samsung ఇటీవల ధృవీకరించింది.

Samsung Galaxy A23 5G స్పెసిఫికేషన్స్

Samsung గెలాక్సీ A23 5G ఇప్పటికే అధికారిక కంపెనీ వెబ్‌సైట్‌లో దాని పూర్తి స్పెసిఫికేషన్లు మరియు ఫోటోలను వెల్లడిస్తుంది. జాబితా ప్రకారం, ఇది Android 12 ఆధారిత One UI 4.1పై నడుస్తుంది మరియు ఇది పూర్తి-HD+ రిజల్యూషన్‌తో 6.6 అంగుళాల ఇన్ఫినిటీ-V డిస్‌ప్లేను కలిగి ఉంది. ఇంకా ఇందులో ఆక్టా-కోర్ SoCని కలిగి ఉన్నట్లు కూడా నిర్ధారించబడింది. జాబితా ప్రకారం, ఈ ఫోన్ 4GB, 6GB మరియు 8GB RAM ఆప్షన్లతో పాటు 64GB మరియు 128GB స్టోరేజ్ వేరియంట్‌లను కలిగి ఉంది.

ఇక కెమెరా ఆప్టిక్స్ వివరాలను పరిశీలిస్తే, గెలాక్సీ A23 5G ఆప్టికల్ ఇమేజ్ స్టెబిలైజేషన్ (OIS) కోసం మద్దతుతో 50-మెగాపిక్సెల్ ప్రైమరీ సెన్సార్‌తో కూడిన క్వాడ్ రియర్ కెమెరా సెటప్‌ను కలిగి ఉన్నట్లు జాబితా చేయబడింది. ఈ ఫోన్ యొక్క కెమెరా యూనిట్‌లో 5 మెగాపిక్సెల్ అల్ట్రా-వైడ్-యాంగిల్ లెన్స్, 2 మెగాపిక్సెల్ మాక్రో లెన్స్ మరియు 2 మెగాపిక్సెల్ డెప్త్ సెన్సార్ కూడా ఉన్నాయి. ఇక సెల్ఫీ కెమెరా వివరాలు చూస్తే, 8 మెగాపిక్సెల్ సెల్ఫీ కెమెరా ఉంది. జాబితా ప్రకారం, గెలాక్సీ A23 5G ఫోన్ 5,000mAh బ్యాటరీతో వస్తుందని తెలుస్తోంది.

అలాగే, శాంసంగ్, 2023 కి సంబంధించిన మొదటి Galaxy Unpacked ఈవెంట్ ఫిబ్రవరి 1న జరుగుతుందని ప్రకటించింది. ఈ నెల ప్రారంభంలో కంపెనీ అనుకోకుండా ఈ తేదీని వెల్లడించింది. శామ్సంగ్ ఫిబ్రవరి 1 న జరిగే ఈవెంట్‌లో లాంచ్ చేస్తున్న పరికరాలను అధికారికంగా ఇంకా ప్రకటించలేదు. కానీ, అనేక లీక్‌లు మరియు గత లాంచ్‌లు ఆధారం గా కొత్త శాంసంగ్ గెలాక్సీ S-సిరీస్ ఫోన్‌ల రాకను సూచిస్తున్నాయి. గెలాక్సీ S23 లైనప్‌ గా పిలువబడే కొత్త సిరీస్‌లో Galaxy S23, Galaxy S23 Plus మరియు Galaxy S23 అల్ట్రా అనే మూడు మోడల్‌లు ఈ ఈవెంట్ లో లాంచ్ కాబోతున్నట్లు కూడా అంచనాలున్నాయి. ఈ ఈవెంట్ Samsung.com, Samsung న్యూస్‌రూమ్ మరియు Samsung యొక్క YouTube ఛానెల్‌లో ఫిబ్రవరి 01, 10 AM PST (11:30-PM IST)కి ప్రత్యక్ష ప్రసారం చేయబడుతుంది.