జియోకు పోటీగా ఎయిర్‌టెల్ ప్రీపెయిడ్ ప్లాన్స్

కానీ ఇప్పుడు రిలయన్స్ జియో ఐయుసిని తీసుకురావడంతో చందాదారులకు ఛార్జీల విషయంలో కఠినమైన నిర్ణయం తీసుకోవలసి వచ్చింది. ఇతర నెట్‌వర్క్‌లకు అవుట్‌గోయింగ్ కాల్స్ చేయడానికి రిలయన్స్ జియో చందాదారుల నుండి నిమిషానికి 6 పైసల చొప్పున ఐయుసి ఛార్జ్ వసూలు చేస్తున్నది.

ఇప్పుడు ఈ కొత్త మార్పును తీసుకురావడానికి రిలయన్స్ జియో మొదట ఐయుసి టాక్ టైమ్ వోచర్‌లను ప్రవేశపెట్టింది. అయితే డేటా, ఐయుసి నిమిషాలు, రిలయన్స్ జియో కాల్స్, ఎస్‌ఎంఎస్ వంటి ఇతర ప్రయోజనాలను కలుపుకొని ఉన్న ఆల్ ఇన్ వన్ ప్రీపెయిడ్ ప్లాన్‌లను కూడా ప్రవేశపెట్టింది. ఏదేమైనా ఈ ఆల్ ఇన్ వన్ ప్లాన్‌లను ప్రారంభించినప్పటికీ భారతి ఎయిర్‌టెల్ ప్రీపెయిడ్ ప్లాన్ లు వీటికి గట్టి పోటీని ఇస్తున్నాయి. వాటి గురించి పూర్తి సమాచారం తెలుసుకోవడానికి ముందుకు చదవండి.

జియో రూ .149 ఆల్ ఇన్ వన్ ప్రీపెయిడ్ ప్లాన్స్ VS ఎయిర్‌టెల్ రూ.169 ప్రీపెయిడ్ ప్లాన్

రిలయన్స్ జియో అందిస్తున్న ఆల్ ఇన్ వన్ ప్రీపెయిడ్ ప్లాన్స్లలో మొదటిది రూ.149 ప్లాన్. ఇది భారతి ఎయిర్‌టెల్ రూపొందించిన రూ .169 ప్రీపెయిడ్ ప్లాన్‌కు గట్టి పోటీని ఇస్తున్నది . జియో యొక్క రూ.149 ప్రీపెయిడ్ ప్లాన్ 24 రోజుల వాలిడిటీతో వినియోగదారులకు రోజువారి 1.5 జిబి డేటాను అందిస్తుంది. ఎయిర్‌టెల్ యొక్క రూ.169 ప్రీపెయిడ్ ప్లాన్ కొంచెం ఎక్కువ ధర ఉన్నప్పటికీ మంచి ప్రయోజనాలను అందిస్తుంది. ఇది 28 రోజుల వాలిడిటీ మొత్తం కాలానికి 28 జిబి డేటాను అందిస్తుంది. పైగా ఇందులో ఎటువంటి ఐయుసి చార్జీలు వసూలు చేయదు. అంటే చందాదారులు అపరిమిత కాల్స్ చేయగలరు. జియో యొక్క 149 రూపాయల ప్రీపెయిడ్ ప్లాన్ కేవలం 300 నిమిషాల ఐయుసి కాల్స్ మాత్రమే అందిస్తుంది.

జియో రూ .222 ఆల్ ఇన్ వన్ ప్రీపెయిడ్ ప్లాన్స్, ఎయిర్‌టెల్ రూ.249 ప్రీపెయిడ్ ప్లాన్

రిలయన్స్ జియో రూపొందించిన రూ .222 ఆల్ ఇన్ వన్ ప్రీపెయిడ్ ప్లాన్ 28 రోజుల వాలిడిటీతో పాటు రోజుకు 2 జిబి డేటా, 1,000 IUC నిమిషాల కాల్స్ తో పాటు ఇతర ప్రయోజనాలను అందిస్తుంది. ఈ ప్లాన్‌కు పోటీగా భారతి ఎయిర్‌టెల్ రూ .249 ప్రీపెయిడ్ ప్లాన్ అందిస్తుంది. దీని ధర రూ.27 ఎక్కువ ఖర్చవుతున్నప్పటికీ ఇది రోజువారీ 2 జిబి డేటా ప్రయోజనాన్ని అందిస్తుంది. అయితే హెచ్‌డిఎఫ్‌సి లైఫ్ నుండి రూ .4 లక్షల టర్మ్ లైఫ్ ఇన్సూరెన్స్ కవర్ చేస్తుంది. అలాగే 4 వారాలు షా అకాడమీ కోర్సు ను ఉచితంగా అందిస్తుంది. ఇది కాకుండా ఈ ప్లాన్ పై ఎటువంటి ఐయుసి పరిమితి లేదు.

జియో రూ .333 ఆల్ ఇన్ వన్ ప్రీపెయిడ్ ప్లాన్స్ VS ఎయిర్టెల్ రూ .333 ప్రీపెయిడ్ ప్లాన్‌

రిలయన్స్ జియో రూపొందించిన రూ .333 ప్రీపెయిడ్ ప్లాన్‌ యొక్క అన్ని ప్రయోజనాలను ఎయిర్‌టెల్ యొక్క రూ.349 ప్రీపెయిడ్ ప్లాన్ ద్వారా భర్తీ చేయవచ్చు. జియో యొక్క రూ.333 ప్రీపెయిడ్ ప్లాన్ 56 రోజుల వాలిడిటీతో రోజువారీ 2 జిబి డేటాను అందిస్తుంది. అలాగే ఎయిర్టెల్ యొక్క రూ.349 ప్లాన్ కొద్దిగా భిన్నంగా ఉండి 28 రోజుల వాలిడిటీతో రోజుకు 3 జిబి డేటాను అందిస్తుంది. ఎయిర్టెల్ వినియోగదారుల కోసం ఈ ప్లాన్ తో షా అకాడమీ మరియు ఇతర ఎయిర్టెల్ థాంక్స్ ప్రయోజనాలు కూడా ఉన్నాయి.

జియో రూ .444 ఆల్ ఇన్ వన్ ప్రీపెయిడ్ ప్లాన్స్ VS ఎయిర్‌టెల్ రూ .448 ప్రీపెయిడ్ ప్లాన్

రిలయన్స్ జియో యొక్క రూ .444 ఆల్ ఇన్ వన్ ప్రీపెయిడ్ ప్లాన్‌ 84 రోజుల వాలిడిటీతో వస్తుంది. ఇది దాని మొత్తం చెల్లుబాటు కాలంలో రోజుకు 2GB డేటాను మరియు 1,000 IUC నిమిషాల వాయిస్ కాల్స్ ను అందిస్తుంది. ఎయిర్‌టెల్ యొక్క రూ.448 ప్రీపెయిడ్ ప్లాన్ రోజుకు 1.5 జిబి డేటాతో 82 రోజుల చెల్లుబాటు కాలంతో అందిస్తుంది. అయితే ఈ ప్లాన్ యొక్క ప్రయోజనం పూర్తిగా నిరంతరాయంగా ఉంటుంది. అదనపు ఖర్చులు లేకుండా ఏ నెట్‌వర్క్‌కైనా అపరిమిత కాల్స్ చేయడానికి వీలు ఉంటుంది.

జియో రూ .555 ఆల్ ఇన్ వన్ ప్రీపెయిడ్ ప్లాన్స్ VS ఎయిర్‌టెల్ రూ .499 ప్రీపెయిడ్ ప్లాన్

చివరగా జియో యొక్క రూ .555 ఆల్ ఇన్ వన్ ప్రీపెయిడ్ ప్లాన్ కు పోటీగా ఎయిర్టెల్ తన వినియోగదారులకు రూ .499 ప్రీపెయిడ్ ప్లాన్ ఎంపికను అందిస్తున్నది. ఇది రిలయన్స్ జియో ప్లాన్ కంటే 56 రూపాయలు తక్కువ ధరతో వస్తుంది. కానీ ఇది చాలా సారూప్య ప్రయోజనాలను అందిస్తుంది. రిలయన్స్ జియో ప్లాన్ రోజువారి 2 జిబి డేటాతో 84 రోజుల వాలిడిటీతో అందిస్తుంది. అయితే ఎయిర్టెల్ ప్రీపెయిడ్ ప్లాన్ రోజుకు 2 జిబి డేటాను 82 రోజుల పాటు అందిస్తుంది. కాలింగ్ విషయానికొస్తే రిలయన్స్ జియో తన చందాదారులకు 3,000 ఐయుసి నిమిషాలను అందిస్తుంది కానీ ఎయిర్టెల్ ప్లాన్ మాత్రం అపరిమిత కాలింగ్ను అందిస్తుంది.